Sarah at Matteo nag-shopping para sa kanilang bahay sa tulong ni Scarlet Snow
MANILA, Philippines — Sa kanyang Instagram post, ibinahagi ni Dra. Vicki Belo ang "pagtulong" ng kanyang anak na si Scarlet Snow sa pamimili ng bagong mag-asawa na si Sarah Geronimo at Matteo Guidicelli.
Sa video, makikita ang ang dalawa habang gumagampan sa kanilang "normal husband and wife duties."
"Tita Sarah is moving to a new house, so they're buying plates and utensils and cups," sabi ni Belo sa kanyang 4-anyos na anak.
Bago pumunta sa isang department store, nag-high five muna sina Scarlet at kanyang "tita Sarah" at "tito Matteo."
"@scarletsnowbelo is trying to help them pick out glassware in Rustans but I don’t think she’s helping that much. Matteo though is so sweet and patient with her," sabi ng celebrity doctor.
Nangyari ang masasayang tagpong ito matapos ang kontrobersiyal na kasalanan ng dalawa noong nakaraang linggo, kung saan nag-"hysterical" ang ina ni Sarah na si Mommy Divine at pinaratangan ng panununtok si Matteo.
Samantala, nagpost naman si Scarlet sa sariling IG account kasama ang bagong husband and wife, habang nag-iisip kung ano ang aawitin para sa kanila.
"I’m still thinking of the best theme song I can sing for them now that they’re married. Any suggestions, peoples?" banggit ng paslit.
'Best days of my life'
Simula ng sikretong kasalan, sobrang saya aniya ni Matteo sa kabila ng sari-saring kontrobersiyang kinakaharap.
"It's our sixth day together and it's the best days of my life," sabi niya kahapon sa ulat ng GMA News.
"The best times kumbaga. We're blessed. We're all blessed."
Patuloy naman niyang itinatanggi ang mga alegasyon na sinuntok niya diumano sa lalamunan ang close in security ni Sarah na si Jerry Tamara, matapos daw mapagkamalang itinimbre niya kay Mommy Divine ang pag-iisang-dibdib. — Philstar.com intern Gabrielle Ann Gabriel
- Latest
