Jaclyn mipasidaan sa mga ginikanan

MANILA, Philippines — Nihatag sa iyang  panahom ang beteranang aktres nga si  Jaclyn Jose kalabot sa pag-atiman sa usa ka anak ug dili na kini angayan paninglan pa.

Apan gitataw ni  Jaclyn nga wala siya mosawsaw sa isyu kalabot sa kagubot karon sa mag-inahan ug anak nga sila si Sarah Geronimo ug Mommy Divine.

"I haven't gotten a single centavo sa mga anak ko,” suma pa sa IG post ni Jaclyn.

Matud pa sa aktres nga dili niya kontrolon ang iyang mga anak ilabi na sa mga butang nga makapaayo kanila.

"Kakayanin ko lahat para sa mga anak ko. I did all my best to raise them.Happy lang...no controlling para pag time naman nila, gawin nila naman para sa mga anak nila.,” dugang pa niya.

Nihatag usab siya og pasidaan sa  tanang  ginikanan nga nagkanayon,” Wag i-obligate your children to pay your dreams, they have their own too."

Usa sa mga anak ni Jaclyn mao ang aktres nga si Andi Eigenmann. 

Body guard ni Sarah nakugang sa pag-deny ni Matteo

Hugtanong  gihimakak   sa body guard ni  Sarah Geronimo nga  si Jerry Tamara nga  tumong gyud niya nga isumbong  kang Mommy Divine  ang secret wedding  sa singer ug  sa aktor nga si Matteo Guidicelli niadtong Pebrero 20.

Sa interview niini sa  "Wanted sa Radyo" ni Raffy Tulfo, nipadayag ang maong body guard nga wala siya’y kalabotan sa kasal  ug ang wala gyud niya masabti mao ang pagsumbag ni Matteo kaniya.

Samtang nakugang nalang   si Tamara sa dihang ni-deny si Matteo  ang kalabot sa maong insidente.

Una na nga nitumaw ang taho nga napungot kaniya si Matteo  human kalit nilugwa si Mommy Divine sa kasal.

“Sinabihan po ako ni Ma'm Sarah na mauna na kami umuwi. Tapos nag-text na po ako sa Mommy ni Ma'm Sarah, ‘Ma'm, for info lang po, pinapauna na po kami umuwi ni Ma'm Sarah—ano po gagawin namin?’”

Suma pa ni Tamara nga igo  ra niya  giingnan  si  Mommy Divine nga magpabiya ra si   Sarah sa gitambongan nga  party niini  sa Shangri-La, Bonifacio Global City. Wala siya’y  ideya nga reception na diay kini sa kasal.

"Hindi ko naman talaga alam na kinasal eh. Hindi ko talaga alam na may kasalanang nangyari. Blangko talaga kami," suma pa ni  Tamara.

Kalit nga nilugwa  si  Mommy Divine sa  hotel  ug giingong nagkalalis kini sa amahan ni  Matteo ug nisiyagit ang inahan sa singer og , "Anong pinagggagagawa niyo? Tinraydor niyo ako!" .

Suma pa nga lagot kaayo si Mommy Divine gumikan kay wala siya nasayod sa kasal sa iyang anak.

Naabot dayon ang boss sa  VIVA nga si  Vic del Rosario ug gipakalma ang sitwasyon.

Giangkon hinoun ni Tamara nga si Mommy Divine ang  nag-hire  ug nagpa-suweldo kaniya.

Nalouy siya og maayo kang Sarah gumikan kay naghilak na kini og maayo.

"Malakas po iyak niya.Iyak siya nang iyak.Naawa ako kay Ma'm Sarah,”  suma pa niya.

Comeback project ni Julia gihangop

Base sa  National TV Ratings (Urban + Rural) sa  Kantar Media niadtong Domingo, Pebrero 23, Linggo, nag-una  ang  pilot telecast sa comeback project  ni Julia Montes nga  24/7 .

Ang 24/7 sa ABS-CBN   nakakuha og rating nga  27% , samtang ang kaatbang niini nga  Daig Kayo Ng Lola Ko sa GMA-7 nakaangkon lang og  17.1%.

Samtang sa  AGB, ang pilot episode sa 24/7 nakakuha og  12.4%, samtang ang  Daig Kayo ng Lola Ko nagtangag sa rating nga  10.1% . 

Tulo ka Pinoy Films sa Berlin FilmFest

Tulo ka  Filipino films ang nalakip sa  70th Berlin International Film Festival .

Suma oa sa  Film Development Council of the Philippines (FDCP), ang maong mga pelikula naglangkob sa Death of Nintendo ni Raya Martin, Window Boy Would Also Like to Have a Submarine ni Alex Piperno, ug Filipiñana ni Rafael Manuel.

Nasayran nga  400  ka mga pelikula    ang nalakip sa maong film festival nga nisikad sa miaging semana.

Mario Maurer mobalik sa nasud

Molugwa og balik sa Pilipinas  ang sikat nga Thai actor  nga si  Mario Maurer karong  June 28 sa SM City North EDSA Skydome.

Mao kini ang gianunsyo kagahapon   sa Facebook page sa Philippine Concerts .

Kahinumdoman nga nikisaw ang pangalan ni Mario sa Pilipinas sa dihang nagkapares sila ni Erich Gonzales sa pelikulang Suddenly It's Magic niadtong 2012.  —Sanden J. Anadia

Gibida ang tag-P70 nga headband

Gipasigarbo pag-ayo  ni Heart Evangelista ang gisout niya nga headband atol sa pagtikang niya sa Paris Haute Couture 2020-2021 Fashion Week dili pa lang dugay.

Suma pa ni Heart nga  iyaha lang kini nga pinalit sa Quiapo, Maynila sa kantidad  nga P70 sa matag upat ka mga headband. .

Nasayran  nga mga branded nga  alahas ug sapot ang gisul-ob sa aktres,   ug ang headband ra maoy nalahi niini.   —Sanden J. Anadia

Naka-P80M na!

Mikita na og kapin sa P80 million  ang pelikula nila ni  Bela Padilla ug  JC Santos nga “On Vodka, Beers, and Regrets”. Ang maong pelikula gipasalida niadtong  February 5.  “Buong Pilipinas ay may hangover pa rin sa kwento nina Francis at Jane!! Maraming salamat po sa inyong lahat,” suma pa sa Facebook post sa Viva Films.

Balik-alindog

Nibalik na si  Solenn Heussaff sa iyang  fitness routine. Kahinumdoman  nga nakapahuway  si  Solenn sa iyang pag-ehersisyo sukad niya gihimugso ang anak niya nga si  Thylane Katana.

Spicy

Tsika pa ni Miss Universe 2015 Pia Wurtzbach  nga  kinahanglan nga “spicy” ang sunod  nga representante sa nasud sa Miss Universe. Pasabot ni Pia nga dili lang kutob sa pagka-sweet niini, kihanglan nga  “palaban” kini sa  entablado.

Posibleng makanselar

Gikabalak-an nga makanselar  ang  40th anniversary concert ni Gary Valenciano   karong Abril 18-19, 2020 sa Araneta Coliseum.    Ang hinungdan niini mao ang   gikabalak-an nga pagkuyanap sa  coronavirus disease 2019 (COVID-19)."Sa ngayon we have to weigh the pros and the cons dahil sa eto nga 'yung virus, pero ako gustong-gusto ko talagang gawin dahil 'yung mga guest ko ay talagang nag-commit na sila at saka may concept na kami sa concert na ito na napaka-espesyal," suma pa ni Gary.

“Kumander” sa  Mayonnaise

Gi-release na ang bag-ong single sa  bandang Mayonnaise.  Nag-ulohan kini og  “Kumander” ug gipalanog kini sa "Umagang Kay Ganda" kagahapon.   "Nag-guest kami sa show ni Mr. Jungee Marcelo at isa sa challenges na binigay niya sa amin ay makasulat kami ng isang kanta na kukuha siya sa libro ng five random words at isa roon 'yung salitang kumander. Sakto rin 'yung ibang salita tulad ng bahay, nito at kung ano-ano pa tungkol sa pagkakaroon ng isang kumander, which is kung sino ang mahal mo," suma pa sa bokalista sa maong banda nga si  Monty Macalino .

Gisugdan na

Gisugdan na ang  shooting sa  movie adaptation sa  sikat nga libro ni Bong Ong nga "Ang Mga Kaibigan ni Mama Susan."  Bida niini si Joshua Garcia kinsa nidala sa karakter  ni  Gilberto “Galo” Manansala ug ubos kini sa direksyon ni Chito Roño. Gipaluyohan ang maong  pelikula sa  Black Sheep ug Regal Films.

Andam si Jane

Bukas si  Jane Oineza sa posibilidad nga magkauyab sila ni  RK Bagatsing kinsa leading man niya sa pelikulang "Us Again.""Wala naman akong isinasara. Hindi ko naman pinipigilan at wala rin akong hinahanap. Kung darating ay darating," saysay pa ni Jane sa dihang ni-guest kini sa  "Magandang Buhay” kagahapon.

Third anniversary

Gisaulog nila ni  Khalil Ramos ug  Gabbi Garcia   ang  ikatulo nga anibersaryo sa ilang relasyon.  Nagbinayloay ang duha og sweet messages sa Instagram. “You are the greatest blessing, my love. You showed me how to live such a purposeful life. You have been surrounding me with immense love and joy, that I’ve never felt so passionately before,” mensahe pa ni Khalil ngadto kang Gabbi.

‘More  Than Blue’

Ipasalida dinhi sa nasud  sugod karong adlawa ang sikat kaayo nga Taiwanese Film nga  ‘More Than Blue’ Gibidahan kini nila ni  Jasper Liu  ug  Ivy Chen. Gikatahong  remake ang “More Than Blue”  sa 2009 South Korean film .

Direk Joel misimpatiya sa Dos

Gibutyag sa usa sa mga banggiitang direktor nga si  Joel Lamangan nga dakong   paghikaw  sa “freedom of speech”   kun dili ma-renew ang ABS-CBN.  "Ang pinakamalawak na plataporma ng aming obra ay ang ABS-CBN.Ang anumang pagkitil sa prangkisa ng ABS-CBN ay malawak na pagyurak sa karapatan ng pagpapahayag at pamamahayag at karapatan ng malayang pananalita,” suma pa sa direktor.

Private dinner

Usa ka private dinner ang gipasiugdahan  sa magtiayong  Judy Ann Santos ug Ryan Agoncillo  alang sa bag-ong kinasal nga sila si  Sarah Geronimo  ug Matteo Guidicelli .  Taod-taod na nga soud  ni Sarah  ang maong magtiayon.