Gidala sa tayhop sa hangin

CEBU, Philippines —  Tam-is nga pahiyom ug pag-sabay sa kinabag-an maoy nagtangag nga estratahiya sa 21- anyos nga si Jeduthun Jake Ligan aron nga makomportable sa bisan asa nga pundok.

Pagpasabot pa ni Jedu, kinsa ang nakaangkon sa ikaunom nga pwesto sa Sinulog Idol Season 11, nga sa bag-ong palibot nga iyang nahimutangan karon kinahanglan gyud og pag-adjust gumikan kay bag-o sab ang mga tawo nga iyang nahimamat ug bag-o sab nga kalingawan ang angayan niya nga tun-an aron nga magpadayon ang klase sa kinabuhi nga iyang naandan kun diin kanunay lang nga sadya.

Nagikan si Jedu sa Manila, diin didto na siya nagtubo ug naanad na sab ang iyang sistema sa klase sa kinabuhi nga iyang gitagamtam didto.

“My childhood was spent well kay way back then, I usually went home late at night because I love to play outside with friends. So akong life in Manila was really fun gyud”, paghulagway pa niya.

Wala niya damha nga mausab ang tayhop sa hangin diin kinahanglan nga mopuyo dinhi sa Sugbo ang iyang pamilya.

“To be really honest, sauna di gyud ko ganahan diri. Dili lang ko ka-explain sauna nganong dili ko ganahan because maybe tungod kay nabag-ohan lang ko. I have to cope up with the people and the language”, suma pa ni Jedu.

“Grabe nga kalisod kay atong wala’y mutabang namo katong na pobre kaayo mi tungod kay na bankrupt among company. Pero para to keep me going kay hunahunaon ra nako ang akong parents and friends nga sila ang rason nganong mulaban ko sa matag adlaw”, si Jedu miingon.

Tungod sa positibo nga panghunahuna ni Jedu, inanay gyud siya nga naka-adjust.

“Karon di na ko kabiya ambot unsa’y naa sa Cebu pero kahibaw ko na diri na gyud ko hangtod sa hangtod. Awa karon,akong damgo kay mamahimong sikat na Cebuano artist ug makakanta sa mga kanta na gihimo sa mga sikat na Cebuano composers”, padayag ni Jedu.

Gumikan sa maong damgo, gisugdan ni Jedu ang pagpakita sa iyang mga kapabilidad didto sa iyang tunghaan ug sunod ang iyang barangay sa Tisa kun diin misalmot siya “The Voice of Tisa” sa miaging  tuig.

Ug kay ganahan gyud siya nga mapalambo pa ang iyang pagkanta, gisulayan niya ang pag- audition sa Sinulog Idol .

“Ako nga gi-promise man ko sa akong self na kab-uton na gyud nako akong mga damgo inig human nako  og graduate sa college.  So anam-anam na gyud ang pagkab-ot nako sa akong mga damgo.  Ganahan sab nako nga i-prove nga dili tinuod ang gipang-ingon nila nga hangtod school ra ko”, suma pa ni Jedu.

Sa iyang kasinatian sa Sinulog Idol, matud pa ni Jedu nga dili gyud kini kabayran kay daghan gyud siya og natigom nga mga pagtulun-an sa  maong kompetisyon .

“During the workshops, I was really eager to learn. Daghan ang mga techniques nga akong nakat-onan outside sa music school ug sa mga school clubs”, suma pa niya.

Gani, tungod sa maong kompetisyon, inanay sab niya nga naangkon ang iyang tinguha nga makahimamat og mga ma-abilidad nga mga tawo sama sa nagdumala sa Sinulog Idol nga mao ang ilado nga power couple nga sila si Gani ug Gloria Villarojo.

“Memorable gyud kaayo nga nakaila nako sila si Tita Gloria, Tito Gani ug ang Soundtraxx Prod. Seeing them every night kanang makaingon ko this is my calling,” dugang pa ni Jedu.

Usa sa iyang mga nakat-onan mao ang paghatag og  saktong emosyon sa iyang pagkanta.

“Proud ko nga mo-describe sa akong kaugalingon karon  isip  very sensitive singer wherein I put all my emotions to the song unlike before where I just sing without feelings , apan tungod sa Sinulog Idol, nailhan ko sa mga tao and mao to ang  reason nganong daghan great opportunities nga naabot nako”, matud pa ni Jedu.

Suma pa ni Jedu nga usa ka prestihisyong  kompetisyon  nag  Sinulog Idol  nga   mahimo niya nga ipasigarbo sa umaabot pa nga mga henerasyon.

“Hangtud karon , even humana ang kompetisyon, we are still taking constructive criticisms bisag unsa pa kasakit kay not everyone will like you and we have to realize that fact kay mao man gyud ang industry. I also want to emphasize nga Sinulog Idol is not an easy competition but it is worth it all the sacrifice, patience, hardwork ang adjustments kay naa man gyud siya’y good results to each and every one nga niapil sa competition”, si Jedu mipadayag.

Suma pa ni Jedu nga ang  kalisod anaa lang gyud sa sinugdanan apan kun pangitaan lang kini og paagi, makalingkawas ra gyud kita sa kalisdanan nga nahiaguman.