Myrtle, Kapuso na!

CEBU, Philippines — Pormal na nga nipirma og  exclusive contract kagahapon sa  GMA Artist Center, ang kanhi Kapamilya actress nga si Myrtle Sarrosa.

“Hindi pa rin ako makapaniwala. Kasi bata pa lang ako, nanonood na talaga ako ng ibat-ibang fantaserye sa GMA and ngayon na first time ko nakapasok dito sa GMA building, surreal pa siya sa 'kin. Pero I'm so excited sa mga mangyayari dito,” saysay pa aktres ngadto sa GMA News.

Nagpanikad na ang aktres sa umaabot niya nga projects sa bag-o niya nga network,

“Subrang grateful ko rito sa GMA kasi pagpasok ko pa lang, sinabihan na nila ako na they believe in me and excited na ako sa iba't ibang breaks na parating for me,” dugang pa niya.

Produkto  si  Myrtle  sa Pinoy Big Brother sa ABS-CBN niadtong  2012.

Ginganlan og malas

Kalmadong gitubag sa  singer nga si   Ogie Alcasid ang iyang basher nga mihingalan kaniya ug sa iyang asawa nga si  Regine Velasquez nga  matud pa  magtiayon nga nagdala og malas.

Igo ra gyud mitubag  si Ogie og,“ God bless you.”

Kahinumdoman nga sa miaging adlaw, naglitanya  ang ilang basher nga matud pa nga sila ang nagdala og malas sa gibiyaan nila nga mga show sa GMA-7 kaniadto  hinungdan nga nawala kini sa ere.

Nahisgotan sa  basher ang kanhi musical-variety shows sa GMA-7 nga SOP, Party Pilipinas, ug  Sunday All Stars.

Nilenggua pa gyud ang maong basher  nga nagdala gihapon  og malas ang magtiayon sa  ABS-CBN nga nag-atubang karon sa  isyu sa pag-renew sa franchise.

Matteo –Sarah wedding  nagkagubot

Nabulabog  ang civil wedding   nila ni Matteo Guidicelli ug  Sarah Geronimo niadtong Huwebes sa gabii sa usa ka dakong hotel sa Taguig.

Suma pa sa taho sa kapolisan, gisumbag  ni Matteo  ang  body guard  ni Sarah nga si Jerry Tamara .

Nahitabo pa gyud kini sa tunga-tungang bahin  sa seremonya.

Nasukgamagan si Tamara ni   Matteo human kini  nisugilon sa inahan ni Sarah nga si Divine  kalabot sa maong civil wedding.

Gikatahong naabot diay og kalit sa venue si Divine  ug ganahan makighinabi kang Sarah  human nasuta niini nga nagpakasal  na diay ang iyang anak.

Wala mopasaka  og kaso  batok kang Matteo  ang body guard ni Sarah.

Kahinumdoman  nga nitikang pa si Sarah   sa taping  sa The Voice Teen  niadtong Huwebes sa buntag ug nidretso na dayon kini sa preparasyon sa kasal. 

Gitupo sa fans

Tsika pa ni RK Bagatsing  nga maayo og batasan  si Jane Oineza  busa  suwerte gyud ang lalaki nga mauyab niini.   Susama nga single sila  si Jane ug RK  ug  gitupo sila og maayo sa ilang fans. Nag-uban ang duha sa pelikulang ‘Us Again’.

Nagpabilin ang komunikasyon

Bisan  buwag na sila si Cristine Reyes ug  Ali Khatibi, wala nila putla ang ilang komunikasyon  gumikan sa ilang anak nga si  Amarah.  Wala  pa’y plano ang aktres nga mosulod og bag-ong relasyon.

Alahas wala mauli?

Pabiling  tak-om si  Sharon Cuneta kalabot sa tsika nga dunay nanghulam kaniya og mga alahas nga  moabot ngadto sa P20M ang kantidad. Giingong wala pa gyud nahibalik  kang Sharon ang iyang mga alahas.

Nag-duet ang mga lig-on

Gikagobtan sa  netizens ang cover ng "The Clash" grand champions nga sila si Golden Cañedo ug  Jeremiah Tiangco sa themesong sa  "Aladdin" nga  "A Whole New World."Mao kini ang labing unang higayon nga  nag-cover sila og usa ka Disney song.

Halik sa Jeepney TV

Ibalik  sa ere ang teleseryeng  Halik  pinaagi sa  Jeepney TV sugod karong adlawa.  Bida sa maong teleserye sila si Sam Milby, Yam Concepcion, Yen Santos, ug  Jericho Rosales. Kabit-kabit ang tema sa Halik.

Malinawong relasyon

Malipayon kaayo si  Rocco Nacino gumikan sa tulin nga relasyon nila sa  volleyball player nga si Melissa Gohing. Igo lang mopahiyom ang aktor kun pangutan-on kanus-a sila magpakasal.

Angayan ra

Gikuha  si  Gil Cuerva isip model sa usa ka  brand sa  underwear.  Gidayeg og maayo si Gil   gumikan kay angayan ra siya sa iyang  mga  hulagway alang sa maong produkto.

Nakapili na

Adunay na’y napili  ang GMA-7 sa  alang sa aktor nga   modala  isip  Steve sa umaabot nga  Kapuso live action adaptation sa  "Voltes V."  Ilaha ra kini nga ianunsyo sa  umaabot nga mga adlaw.

Nagpadagat

Nanuroy sa usa resort sa   El Nido, Palawan  ang magtiayong Rachelle Ann Go ug  Martin Spies . Ilahang gipahimuslan ang bakante nila nga mga oras. "Always more fun in the Philippines,” suma pa sa IG post sa bana ni Rachelle Ann. 

Marcelito mag-concert sa US

Malipayong gianunsyo kagahapon ni Marcelito Pomoy  nga makabaton  siya   og US  concert tour    mahitabo karong   June ngadto sa August 2020.

Una na nga nikisaw ang pangalan ni Marcelito sa Amerika human  siya nisalmot sa America’s Got Talent kun diin nalandig siya isip  third runner-up.

Ang concert  ni Marcelito nag-ulohan og   og "The Voices of Marcelito."

"I just couldn’t believe that this is all happening now. Up until now I feel like I am in Cloud 9.Thank you dear Lord Jesus Christ for everything that you have done for me,” suma pa sa iyang IG post.

“Kita Kita sa Paris”

Human  gikagat sa publiko ang pelikula nila nga “Kita Kita” niadtong 2017, subling  magpares sa lain napud nga peilikula sila si  Alessandra de Rossi ug Empoy Marquez .

Kahinumdoman nga ni-click gyud sa masa ang ilang  niaging pelikula.

Sa ilang follow-up  movie  , nag-ulohan kini og “Kita Kita sa Paris”!

“Undangi na” gipalanog na!

Gi-release na  dili pa lang dugay ang  bag-ong awit  sa Cebuano singer nga si  Christian Paul Rosa  nga nag- ulohan og “Undangi Na”.

Gikonsiderar   kini  ni Christian isip “hugot song”    ug dako ang iyang pagtoo nga maka-relate ang kadaghanan niini.

Mapasigarbohong  gibutyag sa singer nga  siya mismo ang nag-compose sa  “Undangi Na.”

Ang tagdumala sa Antolihaw Recording Studio  nga si  Frenyx Tarongoy  maoy nag-arrange sa maong awit.

Mga bitoon sa Click nag-reunion

Human sa 16 ka tuig, subling nagkatapok ang upat ka mga  bitoon sa youth-oriented series kaniadto sa GMA-7 nga Click.  Kini nalangkoban nila ni  Chynna Ortaleza, Tricia Roman, Maybelyn dela Cruz ug  Iya Villania. Nahitabo kini sa programang  Mars Pa More sa GMA News  TV.

Gipaukyab sa maong   mga artista  ang ilang latest  group photo  kun diin gipaapil nila si  Camille Prats  nga bitoon sa  G-Mik sa ABS-CBN nga  ka-kompetensya sa Click.