Baron sinupalpal si Robin

May comment si Baron Geisler tungkol sa isyu kina Robin Padilla at Coco Martin at sabi nito, “I have worked in probinsyano for 7 months never did I hear nor see anyone na binastos ni Coco. Puro praises nga e.”

Ano kaya ang magiging reaction ni Robin sa pagtatanggol ni Baron kay Coco? May mga kampi pa kay Coco, hindi lang lumalabas bilang respeto na rin siguro kay Robin.

Sayang at disable ang comment box ng IG ni Robin, maganda sanang marinig ang comment niya sa nabanggit ni Baron. Marami ang naghihintay na muling marinig at mabasa ang mga sagot ni Robin sa comment ng netizens sa kanyang IG, sana i-open na niya.

Anne, Georgina, Isabelle at Solenn planado ang birthday suit

Lumalabas na usapan na nina Anne Curtis, Georgina Wilson, Isabelle Daza at Solenn Heussaff na magpakuha ng litrato na tinawag nilang “birthday suit” pose dahil sa pinost ng isang fan ng “It Girls” na photos ng apat na nagpakuha ng litrato na hubad during their pregnancy.

Sa apat, si Anne na lang ang hindi pa nanganganak dahil kundi end ng February, early March na niya isisilang ang baby girl nila ni Erwan Heussaff.

Brandon Vera sina-suggest na Big Bert sa Voltes V

Sa 2021 pa ang airing ng Voltes V: Legacy, pero mukhang  sisimulan na ang taping ni director Mark Reyes dahil nakailang meetings na sila ng kanyang staff. Pati sa hahawak sa visual effects, CGI at iba pang technical aspect ng Voltes V, kinausap na ni direk Mark.

Ibinalita sa 24 Oras na may napili nang gaganap sa role ni Steve at tamang-tama na after ng balita sa Voltes V, may Kapuso actor na nag-comment na thankful siya sa magandang balita na dumating sa kanya. Inakala tuloy na siya ang gaganap na Steve sa live action adaptation ng GMA-7.

Ang hinahanap ngayon ng Kapuso Network at ni direk Mark ay aktor na gaganap sa role ni Big Bert. May pa-audition ang network sa Monday, February 24, 11am., sa GMA Annex building. Open sa lahat ang audition sa may height na 5’8, 18-20 years old marunong ng martial arts, at malaki ang katawan. Ang suggestion ni Tom Rodriguez kay direk Mark, si Brandon Vera ang kunin niya for the said role.