Kapamilya stars naningog na!

CEBU, Philippines – Nipadangat   na sa ilang mga mensahe  isip pagsuporta  sa  ilang mother network  pipila  ka  Kapamilya stars   kalabot sa isyu sa renewal sa  ABS-CBN .  Ang  TV host Boy Abunda nga si Boy Abunda   nipadangat sa iyang statement pinaagi sa programa niya nga  Tonight With Boy Abunda .

“Noon, kapag tinatanong ako ng nanay ko ng nanay ko, tuwing napapabalita po ang problema ng prangkisa ng ABS-CBN, I’ve worked here for over 20 years. Sinasabi ng Nanay, ‘Sana huwag ipasara ang ABS-CBN kasi kapag wala ka sa bahay, ito ang kasama ko. Alam kong nariyan ka.Para sa aking ina, kapag nakikita niya ang ABS-CBN, alam niyang safe ako. Nandyan ako.

Nagtatrabaho ako, at uuwi ako sa kaniya. Dati kapag tinatatanong ako ng Nanay, Kapag nawala ang ABS-CBN, ano’ng gagawin mo? She was so worried. I know, Nanay, that you’re an Angel up there. I just wanted to tell you na wala pong masamang ginawa ang ABS-CBN. Ilalaban po natin ito ng maayos and we will continue to do what is right. You know that in your heart, Nanay,” suma pa ni Boy.

Ang aktres nga si   Angel Locsin ni-post  usab sa   Instagram: “Praying that the law shall be used to protect jobs, press freedom, justice and betterment of the Filipino people.”

Wala usab  nagpaulahi  ang  bida sa Ang Probinsyano nga si  Coco Martin kinsa nagkanayon: “Mahabang taon na napatunayan ng ABS CBN na kahit ano man ang dumating na pagsubok sa ating bansa lagi sila nandyan para tumulong sa ating bayan!!!” Ang paghatag og libreng kalingawan sa publiko  maoy  gipatigbabaw  ni   Regine  kalabot sa dakong  importansya sa ABS-CBN.

“Alam kong sasabihin nyo meron pa namang ibang networks, tama kayo and akin lang naman diba parang tinanggalan tayo ng kalayaang pumili ng gusto natin mapanood?? Maganda rin may pinag pipilian ka dahil alam ng networks yun kaya pinagbubuti talaga ang bawat palabas na mapapanood natin. Higit pa dun may laya ang bawat mamamayan pumili kung ano ang makapagpapasaya sa kanila,” tipik sa IG post ni  Regine.

Nipabuhagay usab sa ilang  simpatiya  ngadto sa ilang mga mother network   sila si Gerald Anderson,  Bea Alonzo, Kim Chiu, Ogie Alcasid, JM De Guzman, ug uban pa.

Ang TV host nga si Vice Gandan nisaysay usab  ,”  “Ikalulungkot ng higit na nakararaming Pilipino sa Pilipinas at sa buong mundo kung isasara ang ABS-CBN,” he wrote.

Una na nga gipadayag sa ABS-CBN  nga  ang ilang  operasyon pinasubay kanunay sa balaod  ug wala sila’y  hiwi nga binuhatan.

Nadine paresan ug Thai actor

Ang sikat nga  Thai actor   nga si  Denkhun Ngamnet maoy usa sa mga bida sa  upcoming ABS-CBN prime-time drama series  nga Burado.

Gikatahong  si Nadine Lustre   ang ipares  kang Denkhun   hinungdan nga nagmaya ang fans sa aktres gumikan kay  mahibalik na sa usa ka   teleserye ang ilang idolo.

Nalakip usab sa Burado  sila si  Julia Montes, Zanjoe Marudo, ug Paulo Avelino.

Gawas sa Pilipinas,  ang pipila ka mga eksena sa maong show pagahimoon  sa  Thailand, Cambodia, ug  India.

Khalil-Gabbi movie sa Osaka Asian Film Festival

Nalakip sa lineup sa 15th Osaka Asian Film Festival (OAFF).  Ang pelikula nila ni Gabbi Garcia ug Khalil Ramos'  nga "LSS" .

Ang maong pelikula nga ubos sa direksyon ni Jade Castro nalakip sa "Special Programs - New Action! Southeast Asia" .

Moabot ngadto sa 64  ka mga pelikula    ang  nalakip sa maong kalihokan  ug nagikan kini sa Philippines, China, Hong Kong, Taiwan, Korea, Thailand,  Malaysia, Indonesia,  Singapore, Cambodia,   India,  Bangladesh, Nepal, Kazakhstan, Poland, France, Germany, Denmark, Portugal, Italy, USA, Mexico ug Japan.

Kahinumdoman nga  ang LSS nalakip sa Pista ng Pelikulang Pilipino sa miaging tuig.

Running Man Philippines mugnaon

Nagpirmahanay  na og kontrata  ang South Korean TV Network  nga SBS ug  GMA Network   kagahapon   alang sa co-production sa Running Man Philippines nga gikatakdang molugwa karong  2021.

Nitambong sa contract  sila si  GMA Network Chairman and CEO Felipe Gozon, GMA Network President and COO Gilberto R. Duavit, EVP, CFO Felipe S. Yalong, SBS Korea Chief Global Contents Officer SBS Korea Kim Yong Jae ug Global Production & Business Team Director Kim Soo Hwan.

Mao kini ang labing unang higayon nga nakig-partner ang SBS  sa usa ka network dinhi sa Pilpinas.

"We experienced the success in Vietnam and China and we're expecting a lot in the Philippines also," suma pa ni Yong Jae ngadto sa GMA News.  Kahinumdoman nga puwerting sikata sa  Running Man didto sa Korea   nga gibidahan nila ni  Yoo Jae Suk, Ji Suk Jin, Kim Jong Kook, Haha, Lee Kwang Soo, Song Ji Hyo, Yang Se Chan, ug  Jeon So Min .

Alden gipangandoy ni Heart

Sa #RealTalk sa GMA News and Public Affairs,   wala’y lipod-lipod  nga gipadayag  ni Heart Evangelista nga  ganahan gyud siya nga makatrabaho   si  Alden Richards. Hinoun hanap  pa kini nga mahitabo karong panahona gumikan kay nagbaha pa ang mga programa ni Alden sa GMA-7.

Samtang  wala pa’y  gikatahong proyekto   si Heart,   busy kini sa pagsuporta sa mga programa sa iyang bana nga si Sorsogon Governor Francis Escudero.

Tam-is nga balos

Tsika pa ni  Vice Ganda nga ang pagpakita sa  tinud-anay nga paghigugmaay nila ni Ion Perez maoy mopahasol sa ilang bashers.   Mensahe pa ni Vice ngadto sa iyang mga kritiko nga unta mosuporta  na lang a mga butang nga iyang ikalipay.

Hilom nga lugar

Alang sa kasaulogan  sa  49th birthday ni  Kris Aquino, tingoha sa social media queen   ang hilom nga selebrasyon niini.    Moadto siya sa hilom nga lugar  ug nagdumili siya sa pagbutyag niini. Ang iyang mga staff  lang  ang nakahibalo kun asa siya motikang sa maong espesyal nga okasyon.

Plastada na?

Gikatahong nagpungasi  ang love life karon sa beauty queen nga si  Pia Wurtzbach. Nagsige kini og bakasyon sa laing nasud. Gikatahong kauban niya ana gidungog niya nga uyab nga si  Jeremy Jauncey .

Gitabangan ni Kuya

Si Daniel Padilla mismo ang nag-produce  sa musc video sa  banda sa iyang igsoun nga si  Jose Carlito Padilla. Ang maong awit nag-ulohan og  Big White Wall . “One thing kasi sa project na ‘to magkakakilala kami. Tapos si kuya bilang director-producer, masaya lang kasi parang di namin nararamdaman na may gagawin tayong ganito. Nag-enjoy lang kami. Masaya lahat. Tsaka si kuya, magaling din. Iba din mag-isip ‘yon,” suma pa ni  Jose Carlito.

Gihukman na

Pagkapriso sa  tibouk niya nga kinabuhi maoy silot   sa kanhi aktor nga si  Dennis Da Silva kinsa nag-atubang og kasong  rape ug child abuse .  Kahinumdoman nga nahitabo kini niadtong 2001  ug  ang anak sa iyang kanhi ka-live in partner maoy  iyang  biktima.Gihukman si   Dennis sa Branch 261 sa  Regional Trial Court sa  Pasig City sa miaging adlaw.

John isip Fr. Suarez

Si John Arcilla ang modala sa karakter  sa healing priest nga si anhing  Fr. Fernando Suarez alang pelikulang   Suarez: The Healing Priest.  Nasayran nga niadtong buhi pa Fr. Suarez   , siya mismo ang nipili nga si John maoy padalhon sa maong proyekto  nga gidumala sa  Saranggola Media Productions ug ubos kini sa direksyon ni Direk Joven Tan .

Mipasilong sa Viva

NiIbalhin  na sa  Viva Artists Agency si Benj Manalo. Nagikan ang aktor sa  Cornerstone kun diin dul-an siya lima ka tuig sa maong talent agency. Gitataw ni Benj nga tarong siya nga nananghid sa Cornerstone  busa wala ra siya’y  problema niini.

Single lage

Gitataw  ni  Tony Labrusca nga wala ra siya’y ka-date  karong  Valentine's Day . Suma pa sa aktor nga dako siya nga single.   Suma pa ni Tony nga daghan ang nahibulong kun nganong single siya  ug igo nalang siya mopahiyom.

Gihangyo ni Daniel

Wala gyuy pagduha-duha si Cathy Garcia-Molina sa dihang gidawat niya ang  pelikulang After Forever nila ni  Kathryn Bernardo ug  Daniel Padilla.  Suma  pa ni Dikre Cathy nga si Daniel mismo ang nihangyo kaniya  ug  maglisod siya og balibad niini.

MYX Celebrity VJ

Si  Donny Pangilinan ang  MYX Celebrity VJ karong buwana. Puwerting lipaya sa iyang fans sa dihang nilugwa kini og balik sa maong music channel.  Tipik kini sa promosyon sa pelikula niya sa Star Cinema nga  “James and Pat and Dave.”