Inato nga tips sa Valentine’s Day

CEBU, Philippines — Palahi ta karong adlawa! Idalit sa Banat In ang  tips alang sa umaabot nga Valentine’s  Day.

Pipila kanato  ang wala pa gyu’y ideya kun unsa’y ilang mugna  sa maong okasyon.

Huna-hunaa , tingbits  ang February 14, busa makakalot og ahat sa ulo ang mga tawong  naanad sa 15/30 nga suweldo.

Maihap na baya sa kumingking ang mga adlaw sa dili pa ang adlaw sa kasing-kasing busa pahimutang na, ani ang inato nga tips alang kaninyo:

•    Ayaw lang gud ka –pressure. Mahimo ra kaayo nga  motikang mo sa  baratohon nga kan-anan. Apan kun gamay ra gani kaayo ang inyong budget,  pagluto-luto nalang mo sa inyo ug seguradong makadaginot ka, diba mas romantic?/

•   Bahalag moingon mo og corny, ayaw kalimti  ang pagpadala og  sweet message ngadto sa inyong  hinigugma.  Kahibalo ko nga uso na kaayo ron ang messenger.  Ang uban man gud, mauwaw mopadayag sa ilang pagbati sa personal, puwes naa ra mo’y option.

• Mahal  baya ang baligya sa mga buwan basta Valentine’s Day. Kihahanglan nga  practical  ta uy,  puwede raman mo mohatag og cake o chocolates, mas maayo na kay ma-enjoy gyud ang inyong gihatagan ug sulit inyong kuwarta. Dili na kinahanglan nga imported, naa ra’y mga baratohon, makilig ra gihapon niana  ang imong  hinigugma . Sa kinaraan pa nga panultihon, ang  paghatag  og something  maoy usa sa mga  simbolo sa pagyagyag sa  feelings ngadto sa usa ka tawo nga iyang gihatagan niini.

• Sa mga wala’y uyab diha,  dili angayan maguol. Ibutang gyud permi sa inyong alimpatakan  nga  dili raman mag-uyab ang magsaulog  sa Valentine’s Day. Mahimo kaayo mo magselebra niini pinaagi sa pagpanuroy uban inyong mga higala o  ba kaha sa inyong pamilya. Gitawag kana og group date, kun mahimo , adto mo standby sa balay inyong barkada nga single pud.