Kris ug Perry engaged na!

CEBU, Philippines — Segurado  na si   Kris Bernal nga ang iyang boyfriend nga si  Perry Choi  maoy makauban niya sa pagpaso paingon sa altar sa  kaminyoon.

Wala’y duha-duha si Kris sa pagsanong sa dihang ni-propose  si Perry kaniya sa miaging gabii.

Naatol kini  sa birthday party  ni Perry  hinungdan nga nasorpresa gyud  si Kris sa maong hitabo.

Nahimong ka-partner  ni  Kris  si Perry sa iyang negosyo  ug dinhi sila nagkaoud og maayo.

“I want to thank you for the endless things you do for me and for everything that you are, @choi.perryFor loving me endlessly, honestly, constantly, completely, with all your heart, mind, and being!Seriously, I can just count in my fingers our ‘tampuhans’ this year! 3 out of 365 days? No major major!,” tipik sa mensahe kaniadto ni Kris ngadto sa iyang hinigugma.

Ivana naka-kontrata na sa ABS-CBN

Opisyal na nga Kapamilya  ang   online sensation  nga si  Ivana Alawi  human kini nipirma og kontrata sa ABS-CBN kagahapon.

Nasayran nga puwerting sikata ni  Ivana  sa online gumikan sa iyang mga vlog kun diin nilutaw ang iyang kaguwapa  ug ka-sexy. Naghinam-hinam   na ang iyang followers kun unsa nga proyekto ang ihatag sa ABS-CBN sa ilang idolo. 

Moarangkada karong Lunes

Molutaw gihapon ang timplada   sa  Pinoy  ug ang  mahimong dagan sa istorya magpabilin.

Mao kini   ang masaksihan  sa   Pinoy adaptation  sa  Korean  drama series nga  Descendants of the Sun (DOTS) nga  magsugod na sa GMA-7 karong Lunes, Pebrero 10.

Gipasigarbo  sa usa sa mga bida sa maong teleserye nga si Dingdong Dantes   ang maog proyekto gumikan kay dili basta-basta ang preparasyon niini.

“Grabe  yung training   namin dito, isang proyekto na ipagmamalaki mo ,” saysay pa ni Dingdong ngadto sa E-Group atol pagtikang niya dinhi sa Cebu alang sa promosyon sa maong teleserye. Ang Ultimate Star nga si  Jennylyn Mercado  maoy kapares   ni  Dingdong  sa maong teleserye .

Sila ang modala sa mga karakter nila ni   Captain Lucas Manalo ug Dr. Maxine Dela Cruz.

“Sa wakan, nakasama  ko na sa isang teleserye si Dingdong. Matagal ko nang  pinangarap na maka-partner ko siya sa isang project,” matud pa ni Jennylyn.

Suma pa nila ni Jen ug Dong  nga   nagpanikad na sila mahimong reaksyon sa viewers .

“Pinaghandaan talaga namin ang bawat  eksena. Mahirap  siya   pero worth it siya kasi lahat nagtitiyaga at nagtutulong-tulong. Lahat nagtutulungan para maibigay namin ang hinahanap ng mga tawo,” suma pa ni Jen.

Samtang si Dingdong sa iyang bahin,  “Yung mag-eenjoy  ang viewers,  yan naman talaga ang hangad namin.  Kami ay naniniwala na    magugustohan ninyo,.”

Nalakip  usab sa maong  teleserye    ang   award-winning stars nga sila si  Rocco Nacino ug  Jasmine Curtis-Smith kinsa modala isip   Technical Sergeant Diego Ramos ug  Captain Moira Defensor.

Ang ubang mga bitoon niini mao  sila si  Renz Fernandez isip Dr. Earl Jimeno; Chariz Solomon isip Nurse Emma Perez; Pancho Magno isip   Dr. Daniel Spencer; Andre Paras isip  Dr. Ralph Vergara; Nicole Donesa isip  Nurse Via Catindig; Reese Tuazon isip  Dr. Sandra Delgado; Bobby Andrews isip  Eric Feliciano; ug  Jenzel Angeles isip  Nurse Hazel Flores.

Samtang ang  military team  naglangkob  nila ni  Antonio Aquitania isip  Lt. Col. Bienvenido Garcia; Ricardo Cepedaisip Lt. Gen. Carlos Defensor; Paul Salas isip  Marty Talledo; Jon Lucas isip  Staff Sergeant Benjo Tamayo; Lucho Ayala isip  Staff Sergeant Alen Eugenio; ug Prince Clemente isip Sergeant First Class Randy Katipunan .

Molugwa usab dinhi sila si Neil Ryan Sese , Rich Asuncion , Carlo Gonzalez , Roi Vinzon ,  Hailey Mendes, Marina Benipayo, Tonton Gutierrez, Sophie Albert, Kim Rodriguez, Addy Raj, Ronnie Henares, Mark Herras, ug Gabby Eigenmann .