Kumpirmadong mag-uban

CEBU, Philippines — Gikumpirmar ni Alden Richards nga mag-uban sila ni Bea Alonzo alang sa usa ka  TV commercial. Makauban usab nila si John Lloyd Cruz. Kahinumdoman nga nasigpatan ang duha nga nag-uban sa laing nasud sa miaging adlaw.

Cultural differences

Gibutyag  ni Nathalie Hart  nga  “cultural differences”  ang rason  sa breakup nila sa iyang bana nga usa usa ka Indian.    Gusto sa aktes nga makabaton og malinawong kinabuhi . Samtang naa sa proseso sa pag-move on.   NIdawat og show  projects   ang aktres.

Action project

Gkatahong dunay action scenes  ang umaabot nga proyekto nila ni Daniel Padilla ug Kathryn Bernardo. Nagpanikad na niini ang ilang fans sanglit taod-taod  na nga  wala sila nagkapares sa proyekto.

Isunod ra ang dream house

Kun si  Carla Abellana  ang pasultion ,  ganahan siya nga mag-una ang kasal  sa dili pa magpatukod   og  dream house nila ni  Tom Rodriguez.    Una na nga gipadayag  sa aktres  nga  andam na siya   magpakasal  sa iyang  uyab  gumikan kay naa na sila sa saktong edad.

Pasok sa show

Malakip  si   Kisses Delavin sa programang   ‘Daig Kayo ng Lola Ko’.  Wala damha  sa aktres nga  makalugwa siya sa maong show   nga usa mga sikat kaayo nga programa karon sa GMA-7.

Mapasalamaton sa Viva

Dako gyud ang pasalamat ni Anne Curtis sa Viva  kinsa naka-discover  sa iyang talento.    Niabot na og 23 ka tuig si Anne sa showbiz industry.    “I’ve been with my Viva Family since the age of 12 (yes, since Princess Dahlia in Magic Kingdom) & this year I’ll be celebrating my 23rd year in the industry and with Viva who have become my family,” suma pa sa iyang IG post..

Gihambin ni  Iwa

Giangkon ni   Iwa Moto nga   na-diagnosed siya nga  dunay  bipolar with severe panic attack, post-traumatic stress disorder (PTSD), ug restless leg syndrome (RLS).“Everyday I struggle to live my life as normal as possible. It’s hard for me to wake up and sleep.. to control my emotions. To be as jolly as I used to be. And to be ME,” suma pa sa iyang IG post.

Maghuwat ma-single

Gitataw ni  Sam Concepcion nga panguyaban lang niya  si Janella  Salvador  kun single  ang aktres.    Nasayran nga   si Markus Peterson maoy kasamtangang uyab karon ni Janella. Apan niulbo ang tsika nga nagkahanap na ang relasyon sa duha.

Wala magmahay

Tsika pa ni Janno Gibbs nga wala na siya’y pagmahay  sa mga  sayop  nga iyang nabuhat kaniadto  gumikan kay ang mabuhat niya  karon mao  ang pagtul-id sa sa iyang mga nabuhat nga kasaypanan. “Dati siguro, noong bata-bata ako, pinagsisihan ko ang mga pagkakamali ko.Pero now, parang wala nang point para magsisi ka, e. Bumawi ka na lang,” suma pa niya.

Praktikal nga magtiayon

Suma pa sa magtiayong  Megan Young ug  Mikael Daez nga puros sila   praktical pagkatawo. Gipaneguro sa duha nga dili sila mogasto og dako  kun maghinatagay sila og regalo sa usag-usa. Gihatagan nila og bili ang ilang panaghigugmaay .

Mobalik  na sa showbiz

Balik-telebisyon na si Rhian Ramos  pinaagi sa GMA-7 drama series nga Love Of My Life .  Kahinumdoman nga  usa ka tuig siya nga nipahuway sa showbiz gumikan kay niistar siya didto sa New York.