Marcelito gidayeg na pud

MANILA, Philippines — Padayon nga naglawig   ang pangalan ni Marcelito Pumoy sa   “America’s Got Talent: The Champions.”

Puros na pud  mga pagdayeg gikan sa mga hurado  ang nadawat ni Marcelito tungod sa hugyaw niya  nga performance.

Nakadawat si Macelito  og  standing ovation gikan sa mga  hurado nga sila si  Howie Mandel, Alesha Dixon, Heidi Klumug  Simon Cowell.

Gikanta niya ang awit ni  Andrea Bocelli nga “Time to Say Goodbye” .

“I gotta say that I believe that you have the best shot of winning this whole thing. This is the semifinals and you raised your game. The woman in you was just as good as she was the last time. But you as a man, you went up a notch. She tried to stay up with you but she couldn’t,” suma pa sa hurado nga si  Howie.

Samtang ang laing hurado nga si  Alesha nagkanayon,”  “It really enabled you to shine. I just love everything about you Marcelito. That was a fabulous performance, well done.”

Tungod niini, makasulod na si  Marcelito sa sunod nga round kun diin mag-abot ang mga lig-on.

Parokya ug Kamikazee mag-kolaborasyon og balik

Human sa pipila ka  tuig, mag-kolaborasyon na pud og balik  alang sa usa ka awit  ang  sikat nga mga banda nga Parokya  Ni Edgar ug  Kamikazee.

Ni-post  sa Instagram ang  Parokya Ni Edgar frontman  nga si Chito Miranda og hulagway sa iyang grupo kauban  ang  mga sakop sa Kamikazee.

Suma pa ni Chito nga excited na kaayo siya sa lain na pud nila nga kolaborasyon.

“Recording kasama ng Kamikazee. Sobrang excited kami na marinig niyo ‘yung ginagawa namin,” suma pa sa IG post ni Chito.  Una na nga nag-uban ang duha ka banda niadtong 2007  alang sa  version nila sa awit sa APO Hiking Society nga “American Junk”.

Niadtong 2005, nagmugna usab sila  og version sa  “The Ordertaker”. 

Magpakailanman vs. MMK

Sa labing unang higayon, bida si Maine Mendoza sa  usa ka episode sa Magpakailanman.

Matud pa nga karong Pebrero 8 ang pagpasalida sa maong episode. Makauban ni  Maine si Ruru Madrid.

Samtang ang aktor nga si  Louise Abuel maoy bida sa  kaatbang niini nga Maalaala Mo Kaya  sa ABS-CBN.

Nisamot ang popularidad ni Louise sa dihang nilugwa  kini sa teleseryeng Kadenang Ginto. 

Best in pasingit?

Niiulbo ang tsika nga nagpadayon gihapon diay ang bugnaw nga pagtagdanay nila ni Sharon Cuneta ug sa iyang anak nga si KC Concepcion.

Sa miaging adlaw  nag-post si KC og mga hulagway sa social media nga kuha sa panagkita nila sa iyang amahan nga si Gabby Concepcion.

Nag-post  usab si Gabby sa IG og, “I will always be here for you. I love you my baby.—Papa”

Nigamit  si  Gabby og hashtags  nga  babygirl #papa #baby #love #priceless #bonding #fatheranddaughter ug  #goodvibes.

Pipila ka oras, dali nga ni-post si Sharon og hulagway sa mga  anak nila ni Senator Kiko Pangilinan nga sila si Frankie ug Miel.

Kahinumdoman nga nagsagunson ang mga post ni Shawie kalabot sa  importansya sa pamilya.

On Vodka , Beers and Regrets

Mosikad na sa mga sinehan sugod karong adlawa,  February 5, ang subling panagpares  nila ni  JC Santos ug  Bela Padilla  pinaagi sa pelikulang  On Vodka, Beers and Regrets.

Istorya kini  ni   Jane Pineda, usa ka artista nga hapit mawad-an og  career. Sa nagsagunson nga kapakyasan nga iyang nahiagoman,  sa ilimnong makahubog lang siya magpalaban.

Sa usa ka bar, naila-ila ni Jane  si Francis, bokalista sa usa ka  banda. Dinhi nausab ang dagan sa iyang kinabuhi.

Ang  “On Vodka , Beers and Regret”   maoy ikatulong pelikula kun nagpares sila si JC ug Bela.

Una na sila nga nagpares kaniadto sa 100 Tula Para Kay Stella   ug sa The Day After Valentine’s.

Kahinumdoman nga gipistahan sa netizens ang  teaser sa “On Vodka , Beers and Regret”.

Human sa  24 oras sukad kini gi-upload, nakaangkon dayon kini og  4 million views sa tanang  social media platforms.

Si Irene Emma Villamor  ang direktor ug writer sa maong pelikula. Siya usab ang direktor kaniadto sa pipila ka  box-office hits, sama sa Sid And Aya: Not A Love Story,  Meet Me In St. Gallen ug Camp Sawi.

Ang sunod nga Marimar?

Gikagobtan  na pud   ang  mga hulagway ni  Jillian Ward  sa social media  kun diin nag- ala Marimar  ang iyang postura.

Nasayran nga nisaka na ngadto sa 1.4 milion ang iyang  followers  sa Instagram.

Pipila ka netizens ang  nipadayag nga angayan si Jillian nga modala isip Marimar kun pananglitan himoan kini og laing adaptation.

Usa  si Jillian sa mga  bida  sa Kapuso afternoon series  nga Prima Donnas.