Pagpangandam sa umaabot

CEBU, Philippines — Name: Danielle Therese M. Monterde

Nickname: Thea

Birthday: September 17, 2002

Address: Inayawan Cebu City

School & Course: University Of Cebu - METC (PREBACC)

Height: 5'

Weight: 38 kgs.

Genre: Pop Rock

Favorite Colors: White/ Blue

Favorite Song: True Colors

Favorite Singers: Janine Berdin,

Kz Tandingan, Shirley bassey

Celebrity Crush: BTS

Motto: Never let God be your

second choice

Titles/Achievements in Life:

- 2nd runner up Sinulog Idol S11

- Sinulog Idol Best Performer

in Launching 2020

- Mega Prime Choice Award 2020

- UC-METC Battle of the Bands Champion 2019

- 3rd placer in Vocal Duet Singing Competition in UC Intramurals 2019

- UC METC The Great Ruler (1st runner up) Almighty Diety 2019

- Day Care Center Congress Grand    Champion 2008

- Day Care Center Regional 1st runner up 2009

- GMA Kapuso Caroling “Grand Champion” 2010

- Girls Scout “Grand Champion” Handog sa Pasko 2010

Ang paghatag og inspirasyon ngadto sa uban maoy nag-unang rason sa 17 anyos nga si Danielle Therese “Thea” Monterde atol sa iyang pag-apil sa ika-11 nga edisyon sa Sinulog Idol.

Gisaysay niya nga gusto niya ipakita sa uban ang iyang talento nga bisag unsa man ang mga kasaypanan sa iyang pagkanta, mamahimo gihapon nga mausab pinaagi sa pagkat-on pa aron lang hulipan kini sa husto nga pamaagi. Matud pa niya nga sa pagsalmot sa  Sinulog Idol, daghan kaayo og workshop  ang maagian , nagpasabot kini nga daghan usab og makat-onan.

Sa higayon nga gi-agni siya sa iyang inahan nga mosalmot karong tuiga sa Sinulog Idol, wala gyud siya magduhaduha gumikan kay anaa sab mihatag og suporta ang ilang Barangay Kapitan sa Barangay Inayawan nga si Atty. Kirk Repollo.

Usa lang ang gihuptan ni Thea sa iyang pagpaubos og audition ug mao kini ang iyang estilo nga lahi gyud sa uban.

“I have this style of singing nga pwede ko maka-imitate sa akong idols pero I can perform sa akong own rendition pud”, siya miingon.  Gihulagway ni Thea nga dili kabayran ang iyang  kasinatian sa workshop  gumikan kay dako gyud kini og natabang sa iyang pagkamag-aawit.

Praktikal gyud ang gipanudlo nila nila Celebrity coach Jay Unchuan, former Pinoy Dream Academy finalist Apple Abarquez ug Social media influencer/Hugyaw editor Ryan Mark.

“Ang dili gyud nako makalimtan nga akong nakat-unan kay ang pagkanta nga gikan sa dughan, kailangan nga naay emosyon ug ipakita nimo kun kinsa gyud ko kung mo-perform ko sa atubangan. Ug usa sab, bisan on-going na ang competition, naa gihapon silay input sa amoa nga dili lang namo magamit sa duration sa competition pero magamit namo bisan pa man og after sa   competition ug kun asa man mi ihatod sa among kapalaran sa among career”, si Thea misaysay. Si Thea mibutyag nga dako sab gyud ang kausaban nga nahitabo sa iyang pagkanta human sa Sinulog Idol.

“Makaingon ko nga singer ko before ko nisulod sa Sinulog Idol pero makaingon nako karon nga performer ko kay lahi ang normal ra nga mangantahay kung makasulod gyud ka sa SI. Mausab gyud ang imohang paagi sa pagkanta ug kinahanglan nga kamao ka sa tanan”,suma pa niya.

Gitug-an sab ni Thea nga kanunay gyud siya masayop sa iyang lyrics matag higayon nga mosalmot siya og contest kaniadto. Gani, tumang kakulba sab gyud iyang bation ug dali sab siya nga ma-discourage hinungdan nga nakahukom siya kaniadto nga mohunong una sa pagkanta. “Naka-realize ko sa akong kaugalingon karon nga ang mga sayup sauna mao ang rason para bag-uhon ug usbon to siya nga i-improve nako akong kaugalingon nga makabangon ug gamiton ang kung unsay talento nako”, matud pa ni Thea.

Kontento si Thea sa pito ka gabii sa kompetisyon ug dako ang iyang pasalamat nga nalakip siya sa Top 3 gumikan kay alang kaniya, dako na kini nga achievement sa pila ka tuig nga iyang pag-apil-apil og singing contest.

Gawas sa mga coach, nihatag usab siya og pagyukbo sa  power couple nga sila si Gani Villarojo ug Gloria Villarojo.

“Nagbunga akong pag-ampo nga dili maghunahuna sa problema ug focus lang sa kompetisyon. Dako gyud ang kausaban nako after sa competition. Daghang oportunidad ang nangabut para nako, ug lahi nagyud ang pagtan aw sa tao nako sa gawas. Dako kaayu kug pasalamat gyud nila ni tita Gloria ug tito Gani ug sa mga coaches namo nga nitabang para ma- improve ko”, padayag pa ni Thea.  Gani, alang kang Thea nga dream come true sab kini nga makapasundayag sa makasaysayanon nga rotunda sa Sugbo nga mao ang Fuente Osmeña.  “Grabe nga fulfillment kay bata pa lang ko kay mag-imagine ko nga artista ko nya mag-concert kunohay ko sa stage pero mupatong pako sa lamisa nga magunit og sudlay nga himuong microphone”, ni  Thea pa.

Dos anyos pa lang nga nasayran sa inahan ni Thea nga kamao na siya mokanta.

“Ingon akong mama kay mag sabay-sabay rako kung mag-practice akoang maguwang og kanta kung naa siyay competition apilan hangtud nakita ni mama nga naa koy potensyal nga mokanta”, asoy pa niya  Sukad niadto, gitudluan na siya nga magkontrolar sa iyang kan-on ug imnon. Gani, gidisiplina sab siya nga mopahuway og tarong aron nga maampingan ang lawas ug ang tingog.

Hangtud karon, ginabuhat gihapon kini nga disiplina ni Thea gumikan kay buot gyud niya nga mosidlak pa ang iyang karera. Gawas sa iyang unang pangandoy, tinguha sab gyud niya ang mahimong usa ka seafarer.

Karon, inanay na nga nangandam si Thea sa umaabot.  Gani, tambag sab ni Thea sa mga buot nga mosangka og mga dagkong kompetisyon sama sa Sinulog Idol nga kinahanglan ang determinasyon ug kinahanglan nga andam kanunay sa mga panghitabo.