Libre ang serbisyo

CEBU, Philippines – Gibutyag ni KZ Tandingan nga wala siya’y nadawat nga bayad sa duha ka tuig sa National Commission for Culture and the Arts [NCCA] isip music ambassador. Dali sab siya nga nakadepensa mahitungod niini. “This is an advocacy and hindi rin kaya tapatan ng salapi ang platform na ganito and I think kahit hindi ako naging ambassador ng NCCA, I think it is my responsibility na I promote ang ating kultura,” suma pa ni KZ.

Si Alodia ang ginikanan

Wala gyud makapugong si Christine Samson o mas naila na karon isip “Genie-Nga” sa It’s Showtime sa dihang milugwa siya sa “Magandang Buhay” kagahapon. Kauban niya si Alodia Gosiengfiao sa maong guesting kun diin dako gyud ang iyang pasalamat ngadto sa giila niya nga ginikanan sa iyang showbiz career.  Gisaysay ni Christine nga si Alodia gyud ang mikuha niya isip talent sa usa ka video game streamer ug mao sab kini ang migiya kaniya aron sudlon ang showbiz.

Giluwas sa kadenang ginto

Dako og utang kabubut-on si kanhi PBB housemate Criza Ta-a sa mga naggama sa “Kadenang Ginto” gumikan kay mao kini ang miluwas sa iyang imahe human siya nahimong kabahin sa PBB niadtong 2019. “It saved me. Kasi po noong time na ‘yon, paglabas ko sa ‘PBB’ na-bash ako, sobrang bash. Nung nakapasok ako sa ‘Kadenang Ginto’ nagkaroon ako ng time na i-prove sa kanila na ‘hey, pangarap ko ito, kaya ko ito at patutunayan ko sa inyo.’ And I’m so happy na napatunayan ko sa kanila na kaya ko ito,”  suma pa ni Criza.

Gihikay ang Sequel

Gikumpirma ni Direk Jason Paul Laxamana pinaagi sa iyang Twitter account nga gihikay na nila ang sequel sa “100 Tula Para Kay Stella” nga gibidahan nila ni JC Santos ug  Bela Padilla. Una kini nga gipasalida niadtong 2017 diin daghan sab ang mi-request nga sundan pa ang maong pelikula.

Gitangtang ang hulagway

Gitangtang ni Miss Universe Philippines 2019 Gazini Ganados ang hulagway nga anaa sa iyang Instagram kun diin kauban niya ang iyang amahan nga unang higayon niya nga nahimamat. Kahinumdoman nga nagtrending gyud kini gumikan kay karong tuiga lang gyud kini niya naila-ila sa personal. Wala pa mo-esplikar si Gazini kabahin sa maong pagtangtang sa maong hulagway.

Walay honeymoon

Wala na sa listahan sa bag-ong gikasal nga sila si Mikael Daez ug Megan Young ang “honeymoon.” Matud pa ni Mikael nga daghan na sila og nahimong byahe nga gawas na sa nasud sulod sa siyam ka tuig sa ilang relasyon. Sa pagkakaron, wala pa sab sila magplano nga magbaton og ilang liwat.

Nabuhi ang kasingkasing

Hungihong karon nga inlove na sab ang sexy actress nga si Ellen Adarna nga kasamtangang anaa sa Madrid, Spain aron sa pagbakasyon kauban ang iyang mga higala. Ang espekulasyon sa mga makakita sa IG story  ni Ellen nga si Carlos Lemus mao karon ang nagpabuhi sa iyang kasingkasing.

Nagduhaduha pagdawat

Wala gilimod ni Shamcey Supsup-Lee nga nagduhaduha gyud siya sa pagdawat sa dihang gitudlo siya nga National Director sa Miss Universe Philippines. To be honest, when I first heard of this, I was quite hesitant. But, you know, because of the time that’s gonna be taken away from me. I have work, I am a full-time mom, I also have businesses. And then, thinking about it, parang that is the reason why it was given to [me], because [they] are looking for a multi-faceted woman”, suma pa ni Shamcey.

2 million streams

Miabot na sa kapin 2 million ang stream sa version ni Julie Anne San Jose sa awit nga “Nobela” sa Spotify. Ang maong awit una nga gipasikat sa Join the Club. Matud pa ni Julie nga lima ka tuig na sab kini ang maong awit sa Spotify sukad kini nga giupload.

Anorexic kaniadto

Gibutyag ni Beauty Gonzales nga dili maayo ang kondisyon sa iyang panglawas sa wala pa maabot ang proyekto nga “Kadenang Ginto” sa iyaha. “When I started the show, I was anorexic. I was 100 pounds. Now, I’m the healthiest I’ve been in my life. And to be working with [these people], it’s a blessing. It’s a blessing to be alive right now and to be healthy. I am happy to be here and healthy”, suma pa ni Beauty.