P3,590 lang ang wedding dress

CEBU, Philippines – Wala ka abo tog P4,000 lang ang wedding dress nga gisul-ob ni kanhi Miss World Megan Young atol sa unang kasal nila ni Mikael Daez.

Nasayran nga ka duha nagpakasal ang duruha. Ang una, gipahigayon niadtong January 10, didto sa Nasugbu, Batangas diin 10 lang ka buok ang nitambong.

Apan giklaro ni Mikael nga wala nila gi-sekreto ang maong kasal, natayming lang gyud nga 10 ra sab ka buok ang nakaabot gyud sa dapit.

Ang ikaduha nga kasal nahitabo niadtong January 25, sa Subic, Zambales diin didto na nitambong ang wala makalugwa atol sa unang kasal.

Nasayran nga Baja silk dress ang gisul-ob ni Megan nga baligya sa Zoo Label nga nagkantidad lang og P3, 590.

Nasurpisa ang Zoo Label pagkakita nila sa hulagway nila ni Mikael ug Megan kay ilaha diayng baligya ang gisul-ob sa kanhi beauty-queen. Fans matud pa sila sa travel vlog sa bag-ong magtiayon.

Si Megan ang ikatulong Pinoy celebrity nga practical kaayo kun wedding dress ang hisgutan. Si Rich Asuncion dihang nagpakasal, nagkantidad og P5000 ang sapot.

Apan kina hugyawan ang singer nga si Kitchie Nadal sanglit P799 lamang ang kantidad sa iyang gisul-ob atol sa iyang kasal.

Joshua, nipalag ni Julia!

Supak si Joshua Garcia sa baruganan sa iyang ex-gilfriend nga si Julia Barretto may kalabutan sa closure.

Sa usa ka interview, namahayag si Julia nga “not having a closure is closure”. Apan alang kang Joshua, binastos kining dako.

Sa pag-guest ni Joshua sa Tonight With Boy Abunda niadtong Martes, kauban sila si McCoy de Leon ug Yvez Flores aron i-promote ang pelikula nila ni Julia nga Block Z, gibatbat ni Joshua nga importante gyud ang   closure.

“Importante sa relasyon yung closure, kasi dun maiintindihan ng isa’t isa na yun na yun, dun na yung end. Kinahanglan matud pa ang closure aron klaro ang tanan alang sa masig habig.

“Dapat may malinaw kayong usapan, para pagdating ng panahon, walang sisihan na mangyari.

“Halimbawa, nagkabiruan na—kasi normal yun sa mga magbabarkada, magkasama-sama kayo, magkabiruan—na ‘ito nang-iwan, e.’

“Alam mo yung mga ganun na joke?

Kun walay closure, nagpasabot matud pa kini nga walay respeto. “‘Tsaka ang bastos naman nun sa karelasyon mo na hindi mo ibigay yung closure, e, minahal mo din naman yun,” niya pa.

Nasayop ang doktor

Nasayop matud pa ang unang doctor nga giduol ni Carla Abellana aron ipahiling unsa gyud ang iyang balatian.

Suma pa niya sa presscon niadtong Martes sa gabii alang sa “Love of My Life” nga bag-o niyang teleserye sa GMA7, lahi nga sakit ang gisulti sa doktor diin giresitahan siya og steroids hinungdan nga medyo nadugangan ang iyang timbang.

“Sayang nga po dahil sa misdiagnosis, nag-steroids pa po ako na hindi naman pala kailangan.

“So, lalo pa pong nag-cause ng weight gain iyong steroids ko,” nagkanayon siya.

Giingnan matud pa siya sa unang doktor nga aduna siyay hubak, apan ang iya gyud matud pa nga sakit kay, “Yun pong tachycardia, and then I had liver damage, and then hyphothyroidism.”

Apan matud ni Carla nga dili na matud pa siya muukiha kay naa man gyud matud pay panahon nga masayop ang doktor. Apan iya kining pahibaw-on kabahin sa kasaypanan. “Hindi po ako magdedemanda, pero I will just inform him and show him the test results para lang din po alam niya na… you know, nangyayari po talagang ganoon na may mga doctors na nagmi-misdiagnose,” nagkanayon siya.

AshMatt sa Italy kaslon?

Nibuto ang chika didto sa kaulohan nga matud pa karong March 14 na karong tuiga mahitabo ang kasal nila ni Sarah Geronimo ug Matteo Guidicelli.

Ang dugang chika pa mao nga adto kini sa Italy ipahigayon ug dili pa sigurado nga mutambong ang inahan ni Sarah nga si Divine.

Kanang maong mga chika ang tweet sa DZRH News kagahapon.

Duna hinuoy nagduha-duha og tuo kay duna sab matud pay chika nga dinhi sa Sugbo mahitabo ang kasal.

Makigtrabaho ra diay

Subling giklaro ni Alden Richards nga wala matud pa siya mangulitawo kang Miss Universe Catriona Gray, sukwahi sa nanggawas nga chika.

Suma pa ni Alden nga igo lamang siyang nipadayag nga naglaom siya nga magkauban sila og trabaho ni Catriona sama sa iyang nasinati kauban si Kathryn Bernardo diin mega-blockbuster ang ilang pelikula nga “Hello, Love Goodbye” nga didto sa Hongkong gimugna.

Gani, ang tinuod matud pa mao nga wala niya mahimamat sa personal si Catriona.

Samtang niingon si Alden nga andam na siya nga musulod og relasyon ug nga hayan mahibalag na niya ang iyang forever karong tuiga.

Tambok ang double…

Gipasigarbo ni Dina Bonnevie nga siya gyud matud pa ang gitukmod sa basurahan sa usa ka eksena sa “Anak ni Waray vs. Anak ni Biday”  sa GMA7.

Nagbugno sila ni Snooky Serna sa maong eksena, diin matud pa, giandaman na siya og double nga mao na untay itukmod sa basurahan, apan gibalibaran ni Dina.

Snooky Serna’s character (Amy Malatamban).

“Actually, hindi ako pumayag kasi ang taba nung double!” nagkanayon siya.

“Sabi ko, ‘Direk, in fairness tingnan mo naman yung katawan ko ngayon.’”

“Bakit naman ang kinuhang double ang jubis [obese] ever!’

“Ang sabi ko, ‘Dahil diyan, ako ang gaganap.’

Ang maong teleserye diin bida si Barbie Forteza bag-ohay lang nagsugod ug makita human sa 24 Oras.