Jiro Manio, napriso!

CEBU, Philippines — Nagtingkagol sa prisohan ang former child actor nga si Jiro Manio sukad niadtong Biyernes sa gabii  sa  Marikina, City ug gitakdang pasakaan kini   og kasong frustrated homicide.

Suma pa nga usa ka ginganlan og Zeus Doctolero ang kasugat ni Manio nga naglakaw dihang kalit sila nga  nagsinukliay og daotan nga mga pulong.

Matud pa sa report nga sa dihang nitumaw ang kagubot,  nibunot og kutsilyo si Manio ug giingong nisuway pagdunggab kang Doctolero.

Apan si Manio sa iyang bahin niingon nga kalit siya nga gihapak og helmet ni Doctolero.

Si Jiro maoy  usa  mga bida  kaniadto sa usa ka sikat kaayo  nga pelikula nga Magnifico.