Kapuso stars magbaha sa Cebu

CEBU, Philippines – Samtang nagkadoul ang adlaw sa Sinulog Festival  ,  pipila ka Kapuso stars ang molingaw sa mga Sugbuanon.

Karong  adlawa,  ang  Asia’s Pop Diva ug ‘All-Out Sundays’ host  nga si Julie Anne San Jose molugwa sa  Kapuso Mall Show sa  Gaisano Fiesta Mall Tabunok South karong alas  4 sa hapon.  Makauban ni  Julie Anne ang mga bitoon sa  TV adaptation sa  1984 movie nga  ‘Anak ni Waray vs. Anak ni Biday’  nga sila si  Barbie Forteza ,Kate Valdez ug  Migo Adecer.

Molingaw usab sa mga Sugbanon sila si Kyline Alcantara ug  Yasser Marta nga mga bitoon sa TV adaptation sa  1989 award-wining blockbuster movie nga  ‘Bilangin ang Bituin sa Langit’. Aduna pu’y  ikaduhang hugna sa Kapuso Mall Show nga mahitabo sa The Terraces sa  Ayala Center Cebu karong  6 p.m.

Samtang ugma,  Sabado, January 18, ang mga bida  sa local adaptation sa hit Korean series  nga ‘Descendants of the Sun (DOTS) maoy molingaw sa mga Sugbuanon.

Gilangkoban kini nila ni  Kapuso Primetime King Dingdong Dantes ug  Ultimate Star Jennylyn Mercado.   Naa usab sila si Rocco Nacino, Lucho Ayala, Jon Lucas, Paul Salas, Prince Clemente, Andre Paras, Hailey Mendes, and Chariz Solomon.

Ang mall show sa  DOTS team mahitabo sa Gaisano Island Mall sa  Mactan (4 p.m.)  ug   Robinsons Galleria Cebu (6 p.m.)

Sa Sinulog Grand Parade karong Dominggo, January 19,   ang cast sa DOTS  maoy motungtong sa Kapuso Float.

Aduna pu’ special coverage ang  grand parade nga magsugod alas 8 sa buntag  , nag-ulohan kini og  “Pit Senyor: The Balitang Bisdak Special Live Coverage” nga dumalaon nila ni  Bobby Nalzaro, Alan Domingo, ug  Cecile Quibod-Castro. Molugwa usab ang  Balitang Bisdak correspondents  nga sila si Lou Ann Mae Rondina,ug  Nikko Sereno.