Technical problem sa Bb. Cebu gipistahan

CEBU, Philippines – Gisumsoman karon sa  netizens ang nahitabong koronasyon sa Binibining Cebu 2020 niadtong Lunes sa gabii kun diin matud pa nakabaton og technical problem.

Sa unang bahin sa pagrampa sa mga kandidata,  nabatyagan sa kadaghanan ang kangitngitan sa entablado. Kalit nga nihatag og mensahe ang voice over talent  nga balikon sa uno ang maong production number tungod sa naagkon nga kakulian.

Tuod man, tungod sa maong panghitabo, nahugyaw ug naukay ang tanang misaksi sa kompetisyon ug lakip na sab ang mitan-aw sa live coverage.

Gisuwayan og  kontak  sa Banat News Hugyaw ang pipila ka tagdumala sa maong indigay aron pangayoan og habig apan wala pa  kini  nitubag sa pagsuwat niining balitaa. Una na nga nabalita kaniadto nga ang taga Manila nga gipangulohan ni Ahwel Paz ang modumala sa production sa maong indigay.