Nag-abot ang mga gwapa

CEBU, Philippines — Nag-abot na gyud silang Miss Universe 2018 Catriona Gray ug Kapamilya star Liza Soberano sa programang It's Showtime! . Nahitabo kini atol sa  guesting  ni Liza ug Enrique Gil sa It’s Showtime  aron i-romote ang bag-ong nilang teleserye sa ABS-CBN nga Make It With You . Kahinumduman nga usa si Catriona sa mga dumadayeg kang Liza.

Magpakasal puhon

Gipaambit sa aktres nga si Yam Concepcion nga makaingon na gyud siya nga makauban gyud niya sa papaso sa altar sa kaminyoon ang  lima ka tuig na niyang uyab nga si Miguel Cu-Unjieng. Apan giklaro niya nga magpokos una siya sa nindot nga dagan sa iyang showbiz career karon.“Puwede, depende. Sana huwag nating i-jinx. Very secure na tao siya, very supportive. Mabait na tao,” asoy pa ni Yam.

Nasagmuyo

Gipaambit sa singer nga si Wency Cornejo nga gisuwayan niya og hagad nga moapil sa '90s Frontment Acousticized concert silang Ely Buendia, Bamboo Manalac, ug Rico Blanco apan nibalibad kini. “Imposible. Ayaw nila, ganoon ka-straightforward, ayaw nila. It is disappointing kasi siyempre, kasamahan din naman namin sila sa industriya before and it’s been four or five years already na try, not just in a capacity na kakanta sila for the show, but for other things,"asoy pa niini.

Nakahilak

Nakahilak ang 'Your Moment' judge Billy Crawford sa performance sa contestant nga hip-hop dance crew sa Davao nga Diadem. Giingong na-emosyonal si Billy tungod kay na-injured ang usa ka member sa Diadem atol sa rehearsal apan nipugos gyud kini og perform."Iyong pagmamahal, iyong suporta at tiwala na hindi talaga matatanggal sa isang group -- you guys are so inspiring," komento pa ni Billy.

Mibalik pagka-kondoktor

Nahimong konduktor sa jeepney si Alex Gonzaga sa latest vlog niini. Dili bag-o alang kaniya ang maong trabaho sanglit sa bata pa sila sa iyang mga igsoun  ,mouban man sila sa ilang amahan nga mamasahero og jeep. Nipahigayon og games si Alex sulod sa jeep ug nanghatag og premyo sa mga nakadaog nga pasahero.

Nag-date sa Sagada

Gisuroy sa singer nga si Ice Seguerra ang asawa nga si Liza Diño sa sanctuary sa Sagada atol sa ilang wedding anniversary. "I'm back in the arms of Mama Sagada with my person, my constant, my beautiful wife. Hindi ko alam kung anong klaseng saya yung mararamdaman ko now that I'm back in this place which I consider so sacred and special kasama ang asawa ko," sigon pa sa singer.

Puwerting lingawa

Gipaambit sa vloger nga si Richard Juan ang iyang kasinatian kauban silang Sandara Park ug Joon Park pinaagi sa usa ka travel show. Gilibot nilang tulo ang mga sikat nga destinasyon sa Seoul, South Korea."Meeting Joon, meeting Dara, the crew was amazing, such nice people, I really wish we can do more stuff," sigon pa ni Richard.

Tambag ni Mama

Mihatag og tambag ang inahan nga si Ruffa Gutierrez ngadto sa iyang mga anak nga silang Lorin ug Venice mahitungod sa paghigugma. Dili matod pa tinuod ang first love ug mas maayo pa nga mag-pokos una sila sa pagkab-ot sa ilang pangandoy."Achieve your dreams. I tell them that the world is big. Don't focus on guys. Darating din iyan,"tambag pa niRuffa.

Mipanaw ang amahan

Nagbangotan ang Kapuso actress  nga si Valeen Montenegro sa kamatayon sa iyang amahan nga si Iñaki Vicente. Gipaambit ni Valeen ang hulagway sa iyang amahan sa Instagaram nga may caption nga: "Our angel." Ang amahan sa aktres maoy general manager sa football school nga KAYA Futbol Club.