Yeng nakapiyansa na!
CEBU, Philippines — Nakapiyansa na ang singer nga si Yeng Constantino kalabot sa giatubang niya nga kasong cyber libel nga nga gipasaka ni Dr. Esterlina Tan.
Una na nga nipasaka og kaso ang doktora sa reklamong paglapas sa singer sa R.A. 10175 (Cybercrime Prevention Act of 2012) nga dunay relasyon sa Article 355 sa Revised Penal Code sa RTC Branch 31 sa Dapa, Surigao del Norte.
Una na nga nalutsan og warrant of arrest ang Kapamilya singer niadto pang December 12, 2019.
Kahinumdoman nga nakugang ang kampo ni Yeng sa maong balita gumikan kay wala gyud kini nasayod nga duna siya’y giatubang nga kaso didto sa Surigao del Norte.
Nasayran nga P30,000 ang gipiyansa sa singer.
“Our client Ms Yeng Constantino-Asuncion has posted bail and an Order approving the same has just been signed,” mensahe pa abugado ni Yeng nga si Atty. Joji Alonso nga gipadala ngadto sa Pep.ph.
Nag-ugat ang problea sa nahitabo niadtong 2019 . Trending ang hashtag nga #NoToDoctorShaming nga gigamit sa netizens sa pagsaway ngadto sa singer nga si Yeng . Nasayran nga naglitanya si Yeng batok kang Dr. Tan nga matud pa walay ayo ang serbisyo niini sa usa ka tambalanan didto sa Siargao. Nasayran nga nadisgrasya ang bana ni Yeng nga si Yan Asuncion sa usa cliff diving spot sa Siargao. .Pipila ka netizens ang nilaban sa doktor ug matud pa nga dili kini angayan basulon ilabi na nga dili kompleto ang gamit sa tambalanan. Suma pa pipila ka netizens nga dili sala sa mga medical staff kun gamay lang ang budget nga giayuda sa gobyerno sa maong tambalanan nga niresulta sa limitado nga serbisyo niini.
Nangayo og sorry si Yeng tungod sa nabuhian niya nga mga pulong apan wala kini dawata sa Philippine Medical Association (PMA).
Maja midayeg kang Joshua
Ndiayeg og maayo si Maja Salvador sa maayo nga pag-arte ni Joshua Garcia sa teleserye nila nga “The Killer Bride.”
Sa iyang Twitter account, gipadayag ni Maja ang pagdayeg niya sa aktor ilabi na sa eksena nila niadtong Huwebes sa gabii.
“Galing mo eh!” hirit pa ni Maja alang kag Joshua. Ni-reply rapud dayon ang aktor og , “Mas magaling ka eh.”
- Latest
