Special awards

CEBU, Philippines – Makadawat og special awards  sila si  Regine Velasquez-Alcasid ug Jose Mari Chan sa umaabot nga 11th Star Awards for Music karong January 23. Ang dakong natampo nila sa music industry maoy rason nga makadawat sila og pasidungog. Si Regine maoy makaangkon sa  Pilita Corrales Lifetime Achievement Award, samtang si  Jose Mari maoy modawat sa  Gawad Levi Celerio Lifetime Achievement Award.

Importante ang anak

Tsika pa ni  Judy Ann Santos nga bisan sa ka-busy niya sa trabaho,  mogahin gyud siya og igong oras alang sa mga anak nila ni Ryan Agoncillo.   Isip usa ka inahan, importante gyud  nga ma-feel sa iyang mga anak ang iyang presensya.

Hugyaw nga lugar

Dili gyud malimtan  ni Liza Soberano  ang  taping  sa teleserye nila ni Enrique Gil didto sa Croatia  gumikan sa ka-hugyaw sa maong lugar.  Ubay-ubay ka mga lugar  ang ilang giadto aron sulit gyud ang pagtikang nila sa maong dapit.

Tungod sa politika

Giangkon  sa aktor nga si  Dominic Ochoa nga hapit gyud sila nagkabuwag sa iyang asawa nga si  Denise Go sa miaging tuig.  Wala lang sila nagkasinabot niini sa dihang nisulod siya sa politika. Apan nakaamgo sila nga kuwang ra gyud sila sa saktong komunikasyon.

Gay role

Target  ni  Zaijian Jaranilla  nga ma-explore ang gay role. Dakong hagit sa usa ka artista nga makasuway og mga role nga bag-o sa iyang panlasa.

Nag-sorry kang Nadine

Nangayo na og pasaylo ang showbiz columnist nga si  Jobert Sucaldito ngadto sa aktres nga si  Nadine Lustre. Kahinumdoman nga nakasulti og dili maayo nga pulong si Sucaldito atol sa iyang radio show sa miaging gabii nga gihulagway sa netizens nga “suicide remark’.   “I would like to apologize to Ms. Nadine Lustre and to those who got bothered by that sa aspetong ito. I am also apologizing to my radio network DZMM for putting them in discomfort because of this,” saysay pa niya ngadto sa  ABS-CBN News .

Nagbuwag

Niulbo ang report nga matud pa nagbuwag na ang  Brazilian-Japanese model-actor nga si Daniel Matsunaga ug ang iyang  Polish model girlfriend nga si Karolina Pisarek.  Nitumaw karon ang tsika nga dunay nagbinuang sa ilang relasyon.

Lami og lovelife

Malipayon kaayo si JC Santos sa istado sa relasyon nila sa iyang non-showbiz girlfriend nga si  Shyleena Herrera.  Mapasalamaton usab si JC gumikan kay gawas sa nindot niya sa nga lovelife,  maayo usab ang dagan sa iyang career.