Andam na manumpa!
CEBU, Philippines — Ubay-ubay na ka mga artista ang na-engaged niadtong 2019 ug gipaabot nga manumpa na kini sa ilang panaghigugmaay sulod karong tuiga (2020).
Pipila niini mao sila si Angel Locsin ug Neil Arce nga nianunsyo kalabot sa ilang engagement niadtong June 29, 2019. Kahinumdoman nga niangkon ang duha sa ilang relasyon niadtong October 2017.
Ang higala ni Angel nga si Dimples Romana maoy nitabang kang Neil aron mahan-ay ang pag-propose niini kang Angel.
Gipistahan usab sa netizens ang report nga engaged na sila si Matteo Guidicelli ug Sarah Geronimo.
Niadtong November 7, gikilig og maayo ang Instagram followers ni Matteo sa dihang ni-post kini og mensahe alang alang Sarah nga nagkanayon, “I love you, my love, now and forever.” Giangkon ni Matteo nga niadtong 2014 pa niya giandam ang ilang engagement ring.
Samtang pinaagi sa Instagram post, gipahibalo sa Kapuso stars nga sila si Joyce Pring ug Juancho Trivino nga engaged na sila niadtong August 3, 2019. Nahitabo kini atol sa birthday celebration sa inahan ni Joyce didto sa Boracay. Giangkon sa duha ang ilang relasyon niadtong May 2019.
Sa katapusang bahin sa 2019, malipayong gipahibalo sa sikat nga singers nga sila si TJ Monterde ug KZ Tandingan nga engaged na sila. Dugay ra nga napanglantawan sa duha nga sila gyud ang mag-uban sa pagpaso sa altar sa kaminyoon busa grabe ang ilang kalipay gumikan kay aduna na gyu’y pormal nga signal alang sa maong butang. Nagsugod ang ilang relasyon niadtong January 28, 2015.
8M followers
Nagmaya ang beauty queen nga si Catriona Gray gumikan kay niabot na sa kapin 8 million ang iyang followers sa Instagram Catriona Gray . Mapasalamaton si Catriona sa tanan niya nga fans. Kasamtangang nibakasyon si Catriona sa Australia kauban ang iyang pamilya.
Padayon sa pagtabang
Sa pagsikad sa 2020, naghima-hinam na si Angel Locsin sa iyang mga umaabot nga proyekto. Bisan paman sa iyang ka-busy , mogahin gihapon og oras ang aktres sa pagtabang sa iyang isigkatawo. Kahinumdoman nga miaging tuig, naapil ang iyang pangalan sa Forbes Asia magazine isip usa sa mga 30 ka notable charity donors. “Nahihiya talaga akong pag-usapan ‘yung mga ganung bagay,” mapaubsanong mensahe sa aktres.
Tungod ni Greta
Si Gretchen Barretto maoy rason kun nganong nagtingog na sila si Claudine Barretto ug Raymart Santiago. Giingong wala gyu’y problema si Claudine kun makighimamat si Raymart ang ilang mga anak nga sila si Sabina ug Santino. Una na nga nabalita nga nibakasyon si Raymart sa Japan kauban ang mga anak nila ni Claudine.
Wala’y paghupas
Wala gyu’y paghupas ang kaanyag sa beteranang aktres nga si Amy Austria . Mao kini ang nabatyagan sa kadaghanan sa dihang nidawat kini sa iyang Hall of Fame award nga gidalit alang kaniya atol sa Gabi ng Parangal sa 45th Metro Manila Film Festival .
Suwerte gyud
Dili gyud malilong ni Kim Chiu ang paglawig og samot sa iyang career karong panahona. Gawas sa kalamposan nga iyang naangkon, malipayon usab siya sa istado sa iyang mga igsoun. Una na nga gibutyag sa aktres nga usa na piloto ang iyang igsoyng lalaki nga si John Paul.
Alab gi-release na!
Gi-release dili pa lang dugay ang ikatulong single sa phenomenal Filipino Idol Group nga SB19. Ang bag-o nila nga kanta nag-ulohan og “Alab”. Nagmalaumon ang maong grupo nga suportahan sa mga Pinoy ang maong awit. Una na sila nga nagpasalamat tungod sa kalamposan sa ilang ikaduhang single nga “Go Up”.
Nagbaha ang pinaakay
Nagsagunson ang kissing scenes nila ni Sheryl Cruz ug Jeric Gonzales sa afternoon series sa GMA-7 nga Magkaagaw . Gikatahong single si Sheryl busa wala ra’y magselos sa maong eksena.
Nagminyo na
Gikasal na ang kanhi Pinoy Big Brother housemate nga si Jinri Park u gang iyang non-showbiz boyfriend nga si John. Nagpakasal ang duha didto sa South Korea.
Busy sa trabaho
Dili tinoud ang tsika nga matud pa nagsabak ang aktres nga si Beauty Gonzales. Gikatahong busy si Beauty sa teleseryeng Kadenang Ginto ug wala pa matino niini kun nila sundan sa iyang bana nga si Norman Crisologo ang anak nila nga si Olivia.
- Latest
