MMFF movies mosikad na ugma!

Sanden: Maayong adlaw mga higala. Sugaton na nato unya ang Pasko, excited na kay ko guys. Tungod kay Pasko naman ugma, mosikad napud ang mga pelikula nga nalakip sa tinuig nga Metro Manila Film Festival. Nindot kaayo irampa sa mga sinehan ugma uy ug suportahan ang mga Pelikulang Pinoy. Nagmalampuson usab sa miaging adlaw ang  Parade of Stars   alang sa mga nalakip sa MMFF. Nag-iyahay   gyud sila og pabonggahay sa ilang mga float. Ang walo ka entries sa MMFF 2019 naglangkob sa  The Mall, The Merrier (Vice Ganda ug  Anne Curtis) , Mindanao  (Judy Ann Santos Ug Allen Dizon), 3Pol Trobol: Huli Ka Balbon (Coco Martin, Jennylyn Mercado, ug Ai-Ai delas Alas), Sunod (Carmina Villarroel ug Mylene Dizon), Culion (Iza Calzado, Jasmine Curtis-Smith, ug  Meryll Soriano), Mission Unstapabol’: The Don Identity (Vic Sotto ug  Maine Mendoza), Miracle in Cell No. 7 (Aga Muhlach ug  Bela Padilla) ug Write About Love ( Yeng Constantino ug  Rocco Nacino).   Excited ko sa movie ni Vice ug plano usab nako motan-aw sa pelikula ni Aga.

Jaypee: Hello Mga Kabanatanay! Before anything else, allow me to greet you all a Merry Merry Christmas! Salamat kaayo sa tanan ninyung suporta sa Banat News .  Excited kaayo ko motan aw sa  movies karon sa MMFF. Mas excited ko sa Miracle in Cell Number 7. Linahi na pod. Remake na pod. Kaysa anang kang Vice Ganda, sige’g balik-balik,  sum -ol na kaayu. Utro sad nang ka Vic ug Maine.  Klaro kaayung mohatag ra og movie nga walayy nindot nga script. Ang ilaha lang maka-block buster. Unta atong i-support katung mga movies pod nga gi-produce sa mga dekalibre nga mga director ug mga artista.

Yuri: Merry Christmas!!!! Mga KaBANATanay ,ayaw kalimot nga ang gugma sa Ginoo mao  ang rason sa selebrasyon. Nganong initan man gyud nimo si Mommy Vice, Vic  ug uban pa ? Just be happy sest Jaypee. Maong  ga-produce sila og mga ingon  ana nga movie kay para malingaw ang mgaw tawo. Tatatawa ng tatawa lang po tayo day Jaypee. Di parehas anang gi mention nimo nga movie makahilak ka! Para sa mga fans walay sum-ol para sa ilang idol. Gogogoogo!

Sanden:  Naka-kaon na sad ka og tunga sa kilo nga sabon Jaypee? Kun makasaway sa movie ni Vice,  wagas kaayo.  Wala man unta ka unsaa ni Vice, pero sa una pa gyud sige og dumot niya.  Nag-agi og screening committee ang entries sa MMFF, busa seguradong  dekalidad gyud ang maong mga pelikula, puros gyud na nindot.   Aron ka masayod Jaypee,  tumong sa MMFF nga makahatag og dugang kalingawan sa mga Pinoy panahon sa Pasko. Laktod pagkaistorya,  importante nga malingaw ang mga tawo  nga motan-aw  sa mga pelikula. Bahalag moingon pa ka nga sum-ol na, pero malingaw ra man gihapon ang mga tawo, wala nakay mabuhata niana.

Jaypee:  Ay dah,  daghana ninyo og putak oy. Basta mao ra na kay ako every year man sab ko mag tan- awan sa movie ni Vice, matag tuig pud nagkabati. Hindi pinag- iisipan. Ang ilaha lang gyud nga makapa salida lang gyud sila. Bahalag wala  nay sense kaayo. Gimingaw na hinuon ko sa  movie ni Ai Ai delas alas nga Ang Tanging Ina. Mao tu ang best comedy ever. Pero for sure, mokita gyud ni kang Vice  bisan bati ang maong pelikula. Mao man gyud ni ang linyahan sa mga tawo. Kahibawo kong angay mag –happy happy sa Pasko, dili pod pasabot ana Yuri nga dili  na pwede makatan- aw og hilak -hilak nga movie . Miracle in Cell Number 7pa rin for me. Pak na pak

Yuri: Noh? Walay sense? Kataas sa imong standard gud diay sest. Bisag ingon  ana ilang movie, naa gihapon  kini lessons nga makuha. Para masayod ka Jaypee, lisod magbuhat og comedy movie. Unya it’s still business. Nagbuwabuwa lang na imong baba. Maka-stress man ka Jaypee uy, maypa magpuyo  ka ug maglanlan og dahon sa santol.