Nangawat ang wedding coordinator?
Merry Christmas mga BisChikadora!!!! Pila nalang gyud ka adlaw Pasko na! Sa akong mga kinugos as usual late Christmas gift kay ang inyong Ninang Butanding kay best in raket pa! Hahhahaha! Bitaw, lahi ang kalipay kun ikaw makahatag sa isigkatawo. It doesn’t matter gamay o dako basta kinasingkasing. Ingon sila be a cheerful giver.
Sa mga nakadawat, magpasalamat kay kana nagpasabot nga you are loved. Let’s appreciate the gifts especially kanang personal nga gihimo kay dili lang siya basta basta nga regalo— meaning pinag isipan, gihaguan ug labaw sa tanan all the love ang gihatag sa maong handmade gift. One time nakadawat ko’g hand lotion nga gihimo sa mga indigenous brothers and sisters, gihinay hinay nako’g gamit kay humot kaayo unya peppermint pa gyud. The thought nga gikan pa kini sa Manila gipadala pa nila. Very relaxing makawagtang sa stress sa inyong Mother Butanding!
Speaking of giving, tungod sa holiday season ang inyong Yur’s truly kay daghan og mga invitation nga dili nako mabalibaran especially pasok sa akong oras ug ang tuyo niini ug tumong kay makatabang. Usa ka adlaw, nailaila nako si Miss Rikah Cinco sa Baby Company pinaagi sa akong prayer buddy nga si Gilbert Manego.Nangita sila og beneficiaries sa ilang mga strollers nga ilang ipanghatag. Tuod man, kami ni Miss Rikah nibisita og pipila ka nga mga center nga possible na mahatagan. God led us to the Missionaries of the Poor sa Sawang Calero. Hugyaw ang mga panghitabo sa among pagbisita ug nagkasinabot na sa adlaw sa pag turn over. Full force ang Baby Company sa pagturn over sa mga strollers, nakita nila ang sitwasyon sa mga bata sa Missionaries of the Poor. Dako kaayo ang kalipay sa mga brothers nga nagdumala sa maong center. Gani, gipasakay dayon nila ang mga bata sa mga strollers, diha nila nahibaw-an nga dili lang wheelchairs pwede isakay ang mga bata. Kudos sa team sa Baby Company for having this campaign #LoveToGive, nga ang mga dunay mga wala nagamit nga strollers pwede nila e donate o pwede nila ipa swap og bag-o or makakuha sila og dakong discount.
* * *
Ania na ang Hugyaw nga Kinsa Siya????? Wedding coordinator kay best in matchas (kawat ), og pipila ka libo. Mao kini ang nahitabo: Sigon pa sa atong Kinsa Siya Insider, pagkahuman sa kasal kay derecho na dayon kini sa reception. Hapsay ang dagan sa program pero diha kini na hugyaw kay pagkahuman sa money dance sa couple gipanguha ang kwarta nga naka pin sa gown ug barong sa bag- ong kinasal. Sa dihang gihapnig ang kwarta ug gisulod sa usa ka plastic, nakit-an ang wedding coordinator sa usa sa wedding entourage nga dunay gikuha nga pipila ka libo ug gisulod kini sa iyang bulsa. Hala noh? Miyembro ba kini sa Lupin group nga pagka abtik naman lang gyud. Sa walay pagduhaduha kay gisumbong ang wedding coordinator sa couple ug napamatud-an kini kay gi preview ang CCTV camera. Ang wedding coordinator na hulicam! OMG! Kinsa Siyaaaaaa? Pagkasakop niya kay best in dress ang yadz meaning usa ka LGBT member ang wedding coordinator! Dugang pa atong Kinsa Siya Insider dili lang kini Wedding coordinator usa pud kini ka Wedding host! Hugyawwwwwwwwww!
- Latest
