Umaabot nga “sisters”
CEBU, Philippines — Managsama nga mga babaye ang gisabak nila ni Solenn Heussaff ug Anne Curtis. Si Solenn manganakay na, samtang si Anne, unom ka bulan na ang gisabak.
Pwes, post ni Solenn sa IG: “Our daughters are going to be like sisters :) i hope they arent as cray as we were when we were teens. Lol”
Buot pasabot ni Solenn sa “cray” kay crazy.
Gitubag kini ni Anne pinaagi sap ag-ingon nga, “biggest nightmare if that happens.”
Magbarkada sila si Anne ug Solenn isip tipik sa giisip kaniadto nga “It Girls” kauban sab sila si Isabelle Daza, Georgina Wilson ug Liz Uy. Nisamot ang ilang kasuod dihang naminyo si Anne ngadto sa igsuon ni Solenn nga si Erwan. Si Solenn naminyo ngadto sa model ug negosyante nga si Nico Bolzico.
Tuig na sila!
Daghang gikilig kagahapon sa IG post ni Maine Mendoza diin iyang gi-greet ang iyang uyab og happy first anniversary.
“Happy first [heart emoji]”, ang caption ni Maine sa ilang hulagway ni Arjo Atayde.
Nga gitubag sab ni Arjo og, “I’m crying... I love you [heart emoji].” Gikalipay sab ni sa igsuon ni Arjo nga si Ria: “My hearttt [teary eyes emoji]. Happy anniversary, love birds! Loffyu both [yellow heart emoji].”
Human nikomento sa post ni Maine, nag-upload sab si Arjo og hulagway nila sa iyang mismong IG account. Ang caption niini: “Thank you for everything, babs. Happy first anniversary!!! I love you [heart emoji].”
“Bestfriends”?
Gipistahan sa netizens ang gi-upload ni Yassi Pressman nga mga hulagway nila ni Coco Martin samtang nanuroy didto sa Germany.
Kasagaran sa ni-react mga fans nila sa teleserye nga “Ang Probinsyano” sa ABS-CBN. Suma pa sa fans nga angayan gyud pareson ang duruha sa usag-usa bisan sa tinuod nga kinabuhi.
Samtang caption ni Yassi sa ilang IG photos ni Coco: “Hihi, nakapasyal din ang onscreen partners na sina Cardo at Alyana! Pero sa totoong buhay din naman, napakarami kong ipagpapasalamat sa partner kong ito.”
“Thank you for being one of my best friends. You’re truly a blesing to everyone, at mahal ka naming lahat.”
- Latest
