Gialirongan og Kapamilya stars

Nalingaw og maayo ang Kapuso actor nga si Rocco Nacino samtang gigama ang pelikulang Write About Love .  Kauban niya sa maong pelikula ang Kapamilya stars  nga sila si Miles Ocampo, Joem Bascon, ug Yeng Constantino . “Ako yung nag-stand out. Kasi three against one. Pero it was surprisingly easy to work with all of them at napaka-welcoming nila. Siyempre, ako yung kailangang mag-effort to break yung ice,” suma pa sa aktor.

Excited sa parade

Nagpanikad na ang TV host actress nga si Maine Mendoza sa taas nga rota sa  parade of stars sa  2019 Metro Manila Film Festival.  Usa si Maine sa mga bitoon sa pelikulang Mission Unstapabol: The Don Identity  kauban si Vic Sotto.

Aga nataypan

Nakadawat og daghang pagdayeg ang performance ni Aga Mulach sa   Philippine adaptation sa  Miracle in Cell No. 7 . Nakauyon kang Aga ang producer ug  director sa Korean version niini nga sila si Kim Min Ki ug  Lee Hwan Kyung.

Mipaambit sa blessings

Sa kadaghang grasya nga nadawat niya karong tuiga, gipaneguro ni  Kyle Echarri nga makapaambit sa  blessings nga iyang nadawat. Nibisita ang aktor sa miaging adlaw sa  Philippine Orthopedic Hospital sa  Quezon City ug nag-apod apod og regalo sa mga  pasyente sa  Pediatric Orthopedic Center.

Civil lang

Wala ra’y problema  alang kang  Harlene Bautista nga kauban niya si Romnick Sarmenta sa pelikulang  Write About Love nga entry sa  2019 Metro Manila Film Festival (MMFF). Nidawat siya sa maong proyekto gumikan kay nakauyon siya sa istorya niini.  Hagbay na nga nagbuwag sila si Harlene ug Romnick.

Ipasalida sa Vietnam

Molugwa sa Vietnam pinaagi sa pay TV ang pelikula nila ni Joshua Garcia  ug Julia Barretto nga ‘I Love You, Hater’. Kauban sa JoshLia sa maong pelikula  si  Kris Aquino, ug karong Pasko ang  TV premiere niini sa  Vietnam.

New look

Tsika pa ni Piolo Pascual nga  inspirasyon  niya si George Clooney alang sa  iyang new look. Nahugyaw  ang followers sa aktor sa social media gumikan sa hugyaw niya nga  hitsura ug gihulagway nila nga angayan kaayo ang ilang idolo.

Natukod na

Sa dili  pa maabot ang adlaw sa ilang kasal, gipanegruo  nila ni  Dianne Medina  ug Rodjun Cruz nga matukod ang ilang dream house. Gipakita nila pinaagi sa Instagram  ang  bag-ohay nga nahuman nga konstruksyon sa ilang balay.  Kaslon sila si Dianne ug  Rodjun karong adlawa  sa  Manila Cathedral.

Lahi ra gyud!

Naumol ang  House Resolution 628 nga naghatag og  pagdayeg sa historical drama nga  “Quezon’s Game” gumikan sa kalamposan nga naangkon niini nagkadaiyang  international film festivals. Gibidahan kini nila ni  Raymond Bagatsing ug  Rachel Alejandro. Nakadawat usab kini og mga pasidungog sa  Cinema World Fest Awards sa  Ottawa, Canada; IndieFEST Film Awards sa  California, United States; ug  WorldFest Houston International Fim and Video Festival sa  Texas, United States.

First anniversary

Gisaulog nila ni Iza Calzado ug Ben Wintle niadtong Huwebes  ang ilang  first anniversary isip magtiayon.   Target sa duha nga manuroy sa England.