Angel, idol si Bono

CEBU, Philippines — Gikalipay gyud og maayo ni Angel Locsin nga nahimamat gyud niya ang iyang idolo nga si Bono sa grupong U2.

Si Bono nia sa nasud gumikan kay may concert kini nga gipahigayon kagabii didto sa kaulohan.

Apan una niini, nilugwa usa si Bono sa press conference nga gipasiugdahan sa Philippine Red Cross alang sa umaabot nila nga proyekto nga mao ang pagpaabot og tabang— ilabi na panginahanglanon sa dugo-gamit ang drones.

Nasayran nga volunteer sab si Angel sa Red Cross, diin iyang gipadayag nga idolo niya si Bono gumikan sa adbokasiya niini nga pagtabang sa mga nanginahanglan.

Sa instagram, gipadayag niya iyang dakong kalipay sa ilang panaghimamat sa iyang idolo.

“High salute to my love, Bono, the multi-awarded U2 frontman who has also been a frontman for advocating social justice worldwide.

Despite his tight schedule, he have chosen to accommodate [the Philippine Red Cross’] invitation and introduce us to this new technology of saving human lives through aerial drones”, ni Angel pa. Iya sab gipadayag nga excited na siya sa umaabot nga proyekto kay sigurado nga mas daghan sila og maabot nga mga tabangunon.

“Looking forward to this faster, easier, and hi-tech way to get blood where it’s needed, especially to remote places with poor road infrastructure and devastated by calamities. Thanks to you, Bono, Senator [Richard Gordon], Philippine Red Cross, and Zipline.”

Ka sweet...

Viral karon ang sweet photos nila ni Matteo Guidecelli ug Sarah Geronimo nga kuha atol sa kasal sa igsuong babaye sa aktor niining bag-o lang.

Kini kay usa sa duha ka mga hulagway, nakita nga gihawkan ni Matteo ang iyang hinigugma. Todo holding hands sab ang duruha.

Hagbay rang gibutyag ni Matt nga suod gyud si Sarah ngadto sa iyang igsuon sa sinugdanan pa lang.

Hinungdan nga gikalipay gyud ni Sarah nga gihimo siyang maid of honor sa kasal sa igsuon ni Matt nga si Giorgia.

Sa pag-speech ni Sarah, todo suporta sab si Matt. Nagkanayon si Sarah nga kalipay kaayo niya nga gidawat siya dayon ni Giorgia niadtong gipailaila sila sa usa’g-usa.

“I wanna thank you for treating me... Ay, mali! Kita niyo na, mali pala. I’m shaking, e. Teka lang,” ni Sarah pa nga gikuyawan.

Padayon niya, “I want to thank you for this opportunity for being kind to me.

“For treating me like a friend ever since Matt introduced us through a video call.”

Kinsay mas gwapa?

Gikagubtan karon ang hulagway nila ni Liza Soberano ug Kpop star Nancy of Momoland human hingpit na gyud sila nga nagkahimamat.

Una niini, daghang nag-ingon nga netizens nga managsama sila og dagway ug may mga panawagan nga unta magkauban sila og usa ka proyekto sa umaabot.

Nagtagbo na gyud ilang mga dalan human nahimong performer ang Momoland sa Christmas special sa ABS-CBN didto sa Araneta Coliseum niadtong Martes sa gabii.

May mga netizens nga nikomentaryo nga lahi ra og dagway ang duruha, apan may mga niingon sab nga managlahi lang gyud ang istilo nila sa buhok.

May niingon sab nga luya kaayog nawong si Nancy maong dili na anggid ilang mga dagway.

Si Nancy gitakdang mohimo og teleserye para sa ABS-CBN kauban ni James Reid.