#AyOS maoy mohulip sa Sunday PinaSaya?
CEBU, Philippines — Mi-release ang GMA-7 og online artcard teaser sa bag-ong Kapuso TV program nga nagtangag sa petsa nga
“01.05.2020 “ o January 5, 2020 ug dunay hashtag nga #AyOS.
Dali usab kini nga gi-share sa Kapuso celebrities, nga sila si Kyline Alcantara, Rayver Cruz, Miguel Tanfelix, Kim de Leon, Ken Chan, Cassy and Mavy Legaspi, Paolo Contis, Christian Vazquez, ug sa director nga si Mark Reyes .
Nitumaw ang tsika nga matud pa mahimong kabahin sa maong show sila si Julie Anne San Jose ug Alden Richards.
Ang espekulasyon sa pipila ka netizens nga mao kini ang ang bag-ong Sunday noontime variety program sa GMA-7 nga maoy mohulip sa Sunday PinaSaya nga matapos karong buwana.
Taylor, labing adunahan nga musician
Si Taylor Swift ang nahimutang sa top spot sa listahan sa Forbes Magazine alang sa labing adunahan nga musician karong tuiga human nikita kini og $185 million .
Nahimutang sa ikaduhang puwesto mao si Kanye West nga nikita karong tuiga og $150 million .
Nalakip usab sa listahan ang Korean pop band nga BTS nga nakalangkat og $57 million nga kita , ug Ariana Grande nga nikita og $48 million.
Angel mitabang sa Samar
Padayon ang pagtabang ni Angel Locsin sa mga naapektohan sa Bagyong Tisoy. Niining higayona, nitikang napud ang aktres sa Northern Samar alang sa nalin napud nga relief operation “Hi Darna ng lahat. From Manila lumipad patungong Samar. Grabe kaka-proud ka. Ms. Angel Locsin thanks a lot for helping people, love and concern sa ngiting iniwan mo,” suma pa sa mensahe sa usa ka netizen nga nakakuha og hulagway sa aktres.
Dili pa lang dugay, nitikang usab si Angel sa Cotabato alang pag-apod apod og hinabang sa mga naapektohan sa linog sa maong dapit.
- Latest
