“Anghel” sa Yuta!

CEBU, Philippines — Nagmaya ang mga fans ni Angel Locsin human siya nalakip sa listahan sa Forbes Asia Magazine’s “Heroes of Philantrophy” nga gipagawas kagahapon.

Gitumbok sa nahisgutang magazine ang maayong buhat ni Angel human sa makusog nga linog nga nahitabo didto sa Mindanao diin nitaak gyud ang aktres didto aron mag-apod-apod og mga hinabang gamit ang P1 million gikan  sa iyang mismong bulsa.

Si Angel ug ang chairman of the executive committee ug director sa SM Prime nga si Hans Sy lamang ang mga Pinoy nga nalakip sa maong listahan. Ang SM executive nalakip gumikan sa iyang mainiton nga suporta sa mga natakboyan og cancer ug isip nag-unang tigpaluyo sa  Child Haus , usa ka institusyon nga pasilungan sa mga bata nga adunay cancer.

Heart, kahilakon kay gilibak

Gipaambit ni Heart Evangelista kagahapon ngadto sa iyang mga followers nga nakadungog matud pa siya nga gilibak siya sa usa ka grupo sa mga babaye.

Wala gidetalye sa actress/designer/social media influencer kun kanus-a ug diin kini nahitabo, apan masabot nga mga adunahan sab ang grupo sa mga babaye nga nihisgot og dili maayo kabahin niya.

Apan wala nagpa-stress ang aktres ug niingon nga ang mga nanlibak niya maoy angayan nga mauwaw sa ilang dili maayong binuhatan busa dili siya angayan nga magpa-apekto.

Hindi niya tinukoy kung nasaan siya nang hindi sinasadyang marinig na pinag-uusapan siya ng mga babaeng ito.

Apan giangkon niya nga kahilakon siya pagkadungog niya sa maong grupo. Hinuon na maayo na iyang paminaw human siya nag-ampo.

“Not the type to get bothered but I heard a group of women talking ill about me and I wanted to cry (maybe I’m just tired /weak today) “but soon after I prayed I realized ... why should I cry?

“They should feel horrible/ dirty saying bad things about someone who didn’t wrong them ... esp if they are SO much more blessed compared to others.”

Miles, dapig kang Sharlene

“Away-bata”, ang paghulagway ni Miles Ocampo sa isyu nga naglambigit nila ni Alexa Ilacad, Sharlene San Pedro ug Nash Aguas.

Gibutyag ni Miles nga dugay siya nasayud kabahin sa maong isyu, apan wala na lang siya naglangas gumikan kay dili siya ganahan nga hisgutan kini sa social media kay alang niya angayan nga personal kining istoryahan sa matag habig.

Kauban ni Miles ang mga nahisgutan sa kiddie show Goin Bulilit ug say out-oriented show nga Luv U kaniadto sa ABS-CBN.

“Sabi ko, parang ang hirap magsagot ng… ang hirap ng maninira ka sa national TV kasi ang liit-liit lang po ng industriya natin. “Magkakasalubong at magkakasalubong kayong lahat.

“So, parang at the end of the day… or kung gusto niyo talagang mapag-usapan yung issues ninyo, dapat personal na lang.”

Kahinumduman nga gi-akusahan ni Alexa sila si Sharlene ug uban pang kauban nila sa Goin Bulilit kaniadto nga nag-bully niya pinasikad usab sa sugo ni Nash nga kanhi ka mutual understanding.

Human niya natimbang-timbang, matud ni Miles, mutuo siya sa habig ni Sharlene.

“Siyempre po, and kasi nga parang alam ko na wala naman talagang isyu, so hindi ko alam kung san nanggaling yun…

“Ba’t ako maniniwala dun sa alam kong hindi naman nag-e-exist pala?”

Nahinabi si Miles sa www.pep.ph ug uban reporters sa wala pa nagsugod ang red carpet premiere sa pelikula nga Write About Love nga entry sa umaabot Metro Manila Film Festival. Bida sa maong pelikula sila si Miles, Roco Nacino, Joem Bascon ug Yeng Constantino.

Carmina ug John na sab

Sa ikatulong higayon, subling mag-uban sila si Carmina Villaroel ug John Estrada sa usa ka teleserye.

Unang nagkatrabaho ang duruha sa sitcom sa ABS-CBN kaniadto nga Palibhasa Lalake. Paglayat nila sa GMA-7, nidala ang duruha sa papel nga magtiayon sa pantaserye nga Kara Mia.

Karon, magpares na sab sila alang sa us aka afternoon teleserye nga wala pa ibutyag ang titulo. Makauban nila dinhi ang mga batan-ong artista nga sila Kristoffer Martin, Dave Bornea, ug David Licauco. Malakip sab si StarStruck season 6 finalist nga si Liezel Lopez.

Kining maong proyekto matud pa maoy molusad kang Kambal, Karibal star Pauline Mendoza ngadto na sa full-stardom. Gipahigayon na ang story conference alang niini niadtong November 26.