"Beauty with a purpose"

CEBU, Philippines — Ang paghatag og mahinungdanon nga mensahe maoy ipatigbabaw sa 23- anyos nga  beauty queen ug environmentalist nga si Dannika Anne Ocampo sa higayon nga duna siya’y salmotan nga indigay.

"I always want to be heard and not just get looked at. I want to prove that I didn’t join because I think I’m physically beautiful or “just a pretty face” but I have story to tell and an obligation to make", suma pa niya.

Matud pa ni Dannika sa  iyang pagpakighinabi sa Banat News Hugyaw nga tumong gyud niya sa pagsalmot og mga pageant mao ang madungog ang iyang adbokasiya kun diin makatabang kini dili lang alang sa iyang kaugalingon apan alang usab sa tanan.

Tumong niya nga mahimo siya nga instrumento sa paghatag og tingog alang sa mga dinaogdaog, kababaenhan ug sa mga hayop.

" Akong primary goal is to spread awareness, ipasabot sa tanan unsa ka-importante ang pag-practice sa values of kindness and empathy, and most especially how our every action affects those around us", siya miingon.

Dugang pa niya nga dakong dungog isip usa ka beauty queen ang makahimo og kapuslanan gikan sa ginagmay ug kinasingkasing nga pamaagi.

"I make sure I get to prove how deserving I am because of the purpose I have in my heart", suma pa ni Dannika.

Isip usa ka environmentalist, tinguha niya ang makatabang unsaon ang paghatag og edukasyon sa tanang mga binuhat nga minosan ang pagamit og mga plastik. Dugang pa, tungod kay duol gyud ang iyang kasingkasing sa mga kahayupan, gusto niya nga tutokan ang iyang adbokasiya nga "animal welfare"

"This is the closest to my heart and I mainly concentrate on fighting against animal abuse and cruelty. Mao na ako i-encourage ang tanan nga we should be more compassionate and empathetic. Not everyone has the same heart for animals, but if it is so hard for one to develop this love for them, at least be kind enough not to hurt them,” matud pa ni Dannika.

Maingon nga puno sa pagmahal ang iyang kasingkasing bisan pa man og nagikan siya sa pamilya nga wala magtipon sa usa ka balay.

Nagbuwag ang iyang mga ginikanan sa dihang wala pa siya'y igo nga kabuot.

Ang iyang apohan nga si Dorothy Castañeda mao ang miamuma kaniya.  Ang iyang iyaan nga igsuon sa iyang amahan nga si Oliva Ocampo-De Leon ug ang bana niini nga si B-Jun De Leon mao ang nakadawat sa responsibilidad nga hatagan siya sa iyang mga panginahanglan sama sa paghatag og edukasyon.

Nakatatak gyud kanunay sa iyang kasingkasing ang nadawat niya nga mga tabang .

Giangkon ni Dannika nga bisan sab og lisod ang iyang kahimtang, apan padayon niya nga gitan-aw ang mga maayong panghitabo ug mga butang sa iyang palibot ilabi na sa mga gasa nga iyang nadawat.

"Swerte ko kay gipadako ko sa the best and most empowered people, akong family. Gitudluan ko nila sa great values and life principles nga na-apply nako sa uban", suma pa ni Dannika.

Gibalon ni Dannika ang mga gitudlo sa iyang ikaduhang ginikanan karon nga anaa na siya sa kalibutan sa indigay.

Gisaysay ni Dannika nga wala niya damha nga masulod siya sa pagsalmot og mga beauty pageants sanglit wala siya'y hilig niini kaniadtong bata pa lang siya.

"Nagsugod gyud siya kadtong nanghuwam ko og gown for a school event and the owner of the shop kay si Pete Del Rio. Randomly, niingon siya nga moapil ko og Miss Lapu-Lapu. Pero, 4th year high school pa ko ato", asoy pa niya.

Suma pa ni Dannika nga dili sab gyud iyaha ang maong panahon sa pagsalmot gumikan kay nagtungha siya sa usa ka catholic school ug dili mouyon ang administrasyon sa ilang tunghaan.

Human siya migradwar, anaa una sa iyang listahan nga buhaton mao ang pagsalmot sa Miss Lapu-Lapu.

Ug nahitabo gyud kini niadtong tuig 2012 kun diin nakauban niya sa maong entablado si Miss Earth 2014 Jaime Herrell isip iyang co-candidate.

"It was a very amazing experience! I was very young and a bit naive, but I remember being so eager and interested to learn the ways of pageantry. Even though I had to juggle going to college and joining the pageant, and given the fact that  it was my first time, I was lucky enough to place 3rd runner-up", asoy pa niya.

Nasundan dayon kini ug nasulod dayon sa iyang huna-huna nga himuon niya og dalan sa iyang mga adbokasita ang pagsalmot og mga indigay.

Tinguha niya ang makoronahan sab gumikan kay mas dako kini og kahigayunan nga mahatagan og katumanan ang iyang mga nahan-ay nga plataporma.

Karon, bisan pa man nga ma-busy siya  usahay sa mga indigay , gipaniguro gihapon niya nga nga masingit sa iyang schedule ang pagtabang sa komunidad.  Kasamtangan siya nga nisalmot sa presitihiyoso nga indigay sa Sugbo nga mao ang Binibining Cebu 2020 kun diin siya ang  representante sa Carmen, Cebu.

"My hands are really full but I’m not complaining. I am just taking it all one step at a time, one day at a time. I still feel very blessed to be in the position that I am in right now. And when things start getting to heavy to carry, I return to thinking why I started everything in the first place, and that is to fulfill my purpose", pagtapos ni Dannika.

FASTFACTS

Name: Dannika Anne Ocampo

Nickname: Nikka

Address: Pajo, Lapu-Lapu City

School/Degree: Cebu Doctors’ University / Bachelor of Science in Physical Therapy (graduate)

Height: 5 ft. 4 1/2 inches

Weight: 53 kg

Vital Statistics: 32-24-35

Favorite beauty queen: Catriona Gray

Favorite song: One Day by Matisyahu

Celebrity Crush: Theo James

Achievements:

• Bb. Lapu-Lapu 2019

   1st Runner-Up

• Dean’s / President’s Lister

   in college