941 ka Polis sa Central Visayas gi-promote
CEBU, Philippines — Mokabat sa 941 ka polis ang na-promote sa Police Regional Office 7 atol sa katapusang hugna sa promotion sa Philippine National Police tibuok nasud.
Gahapon sa buntag gi-promote ang mga polis sa Cebu City Police Office, Cebu Provincial Police Office, PRO7, ug mga bag-o nga opisyal gikan sa naglain-laing police provincial ug city offices sa Central Visayas.
Gipangulohan ni Police Brigadier General Valeriano De Leon ang pagpanumpa sa mga bag-o nga na-promote nga police personnel.
“As step in this new chapter of your profession, I deeply expect that you will continue doing the job that is expected of you,” matud ni De Leon sa iyang mensahe ngadto sa mga bag-ong na-promote.
Mismo si National Police Commission 7 Regional Director Jose Concepcion ang nisaksi sa donning of ranks sa unang 553 ka mga polis.
Kini naglakip sa unom nga nahimong Police Lieutenant, siyam ka Police Major, 10 ka Police Captain, ug pito ka Police Executive Master Sergeant.
Sa mga Non-Commissioned Officers, adunay bag-o nga 213 ka Police Executive Master Sergeant (SPO4), 101 ka Police Chief Master Sergeant (SPO3), 256 ka Police Senior Master Sergeant (SPO2), 97 ka Police Master Sergeant (SPO1), 182 ka Police Staff Sergeant (PO3), ug 60 ka Police Corporal (PO2). GMR (BANATNEWS)
- Latest
