Samantha gitangtangan na og korona?

CEBU, Philippines — Niulbo karon ang hungihong nga matud pa gikuhaan na sa iyang korona si Bb. Pilipinas Grand International 2019 Samantha Lo been .

 Dunay mga nagduda  nga usa  sa posibilidad nga gikuhaan kini og korona sa Bb. Pilipinas Charities Inc. gumikan sa dili maayong pulong nga gibato niini sa maong  organization.

Kahinumdoman nga nilenggua kaniadto  si Samantha nga wala gyud siya kadawat og tabang gikan sa BPCI  sa dihang  na-deport kini sa Paris, France.

Nasayran nga padulong siya niadtong higayona sa Venezuela alang sa Miss Grand International 2019.

Dinhi nitumaw  ang tsika nga peke diay ang Philippine passport ni Samantha.

Gitataw sa PPCI nga dili tinoud ang gisulti ni Samantha nga  nila kini tabangi.

Sa pagsuwat niining balitaa, wala pa mohatag og statement ang duha ka kampo kalabot sa  bag-ong nitumaw nga tsika. 

Kim napaakan og iro; nalandig sa tambalanan

Dali nga gidala sa tambalanan niadtong Dominggo ang Cebuana actress nga si Kim Chiu human kini napaakan og iro sa dihang nisulod kini sa establisamento sa Bonifacio Global City, Taguig.

Sa iyang  Instagram account, gipakita ni Kim  ang mga hulagway  kun diin gitirahan siya og anti-rabies shots sa  St. Luke’s Medical Center - Global City.

Ang uyab niya nga si  Xim Lim   ug ang  uban niya nga mga higala maoy niuban   kang Kim sa tambalanan.

“To all the owners walking their dogs, please be mindful and always keep them on a leash.Look after them and never leave them unattended,” panawagan pa ni Kim ngadto sa dog owners.

Nag-enjoy sa pagka-single

Tsika pa ni Bela Padilla nga wala niya gi-repressure ang iyang kaugalingon nga maka-uyab. Suma pa sa aktres nga naka-focus ra siya karon sa iyang career.   Taod-taod na nga  single  si Bela.  Mapasalamaton si Bela nga  wala gyud nabakante ang  iyang career.

Nagpahayahay sa Europe

Nag-enjoy og maayo sila si  Neil Arce ug  Angel Locsin sa ilang pagbakasyon didto  Europe dili pa lang dugay.  Gipahimuslan gyud ni Angel ang maong oras gumikan kay duna pa’y nagpaabot niya nga proyekto dinhi sa nasud.

Julia ug Jameson sa MMK

Magpares sila si Julia Barretto ug Jameson Blake sa usa ka episode sa Maalaala Mo Kaya.  Sa labing una nga higayon, modala si  Julia  sa role sa babaye nga bipolar.   Dakong garbo alang kang Jameson nga makauban si Julia sa usa ka proyekto.

Ngano kaha?

Gikatahong si  Sue Ramirez maoy nakigbuwag kang Joao Constancia.  Giingong grabe ang kasakit ang gibati  ni Joao  ug gipaniguro niini nga dili maapektohan ang iyang career.

Wala sa Christmas ID

Nahibulong og maayo ang fans ni  Sharon Cuneta kun nganong wala ang ilang idolo sa Christmas Station ID sa  ABS-CBN.  Wala pa mohatag og katin-awan   si Sharon kalabot niini.

Bag-ong pelikula

Sila si  Louise delos Reyes, Ivan Padilla ug Prince Stefan  ang mga bida sa pelikulang ‘My Bakit List’.  Gikatakdang  kini nga ipasalida sa unang bahin sunod buwan.

Naglisod og whistle

Nag-viral  ang video  sa performance   sa Tha Clash contestant nga si  Jennifer Maravilla  human nikarat ang iyang tingog sa dihang nisuway kini og whistle.Nanawagan  ang fans ni Jennifer  nga hunongon na ang pagtamay-tamay sa ilang idolo.

Ong Seon motikang sa nasud

Gikatakdang motikang sa nasud ang South Korean singer-actor  nga si Ong Seong Wu. Miyembro  si  Ong sa sikat nga boyband  nga si   Wanna One.  Mahitabo ang iyang fans day sa Smart Araneta Coliseum karong  February 25, 2020.

Kever si Bea

Human napakyas sa Miss International 2019,  nakadawat og mga tanyag  si Bea Patricia “Patch”  Magtanong nga  mosulod sa showbiz apan wala’y plano ang beauty queen niini.  Gusto lang ni  Bea nga mag-relax . 

Gipakita na sa publiko

Gidala gyud ni  Carlo Aquino ang girlfriend niya nga si Trina Candaza sa pipila ka mga event nga  iyang gitambongan dili lang dugay.   Karon  lang kini gibuhat ni Carlo bisan taod-taod na ang relasyon nila ni Trina.