Ynna dunay talagsaon nga sakit

CEBU, Philippines — Nanawagan ang aktres nga si Ynna Asistio ngadto sa iyang fans  nga iampo unta ang   iyang kaayohan sa gihambin niya nga talagsaon nga sakit.

Adunay  abdominal disease nga volvulus ang aktres nga maoy rason nga nalandig kini sa tambalanan sa miaging adlaw. Grabe matud pa ang pagsakit sa iyang tiyan  ug nasuta nga dunay problema sa iyang intestines  nga gitawag og  volvulus.’.

Dili matud pa lalim ang naagian ni Ynna  gumikan kay nagbalhin-balhin kini og tambalanan gumikan kay walay bakante nga lawak.

Mikuha og parenting classes

Nag-uban sa pagkuha og parenting classes sila si  Anne Curtis ug ang iyang  sister-in-law nga si Solenn Heussaff.

Sa social media account ni Solenn, gi-post niini ang hulagway nila ni Anne kun diin nagkupot sila og baby mannequin.

Nagpanikad na ang duha nga makakita sa ilang mga liwat.

Prima Donnas gikagubtan

Gipistahan pag-ayo  sa netizens  ang  latest nga eksena sa Kapuso afternoon series sa GMA-7  nga Prima Donnas  nga gibidahan nila ni nina Jillian Ward, Althea Ablan ug  Sophia Pablo.

Sa maong eksena, nakit-an na nila ni Donna Marie, Donna Belle ug  Donna Lyn ang inahan nila nga si Lilian nga gidala ni Katrina Halili. Napuno matud pa sa hinilakay ang maong  panag-abot.

“Looking forward po ako na baka one day makapunta po kaming tatlo doon at ma-meet po namin sila,” saysay pa ni  Sophia ngadto sa GMA-News.

Vice nalabwan nila ni Boobay ug Tekla

Sa labing bag-o  nga data   sa Kantar ug AGB, nagmadaugon an ang programang The Boobay And Tekla Show sa GMA-7 batok sa Gandang Gabi Vice sa ABS-CBN niadtong, November 17.

Sa resulta sa Kantar Media alang sa  National TV Ratings, ang The Boobay and Tekla Show nakakuha og  6.0%, samtang ang kaatbang niini nga  Gandang Gabi Vice nakaangkon  og  5.7% .

Sa  AGB NUTAM,  nag-una gihapon ang  The Boobay and Tekla Show nga nagtangag og  4.4%, samtang ang  Gandang Gabi Vice nikulit lang og  3% .

Kahinumdoman nga nagsugod lang sa online ang programa nila ni Boobay ug Tekla nga nikisaw og maayo  hinungdan nga gibalhin  ang pag-ere niini sa telebisyon.

Jon nanawagan sa iyang Bulilit friends

Nanawagan karon  ang aktor nga si  John Manalo ngadto sa mga kaubanan niya kaniadto sa ‘Goin’ Bulilit’ nga  dili na mag-away.

“Bulilit friends , bati bati na tayo,”  tweet pa ni John.  Kahinumdoman nga nilenggua kaniadto si Alexa Ilacad nga  gitabangan siya sa pipila niya ka mga kauban  kaniadto sa  ‘Goin’ Bulilit’ human matud pa gidaot siya sa iyang ex-boyfriend nga si Nash Aguas.

Usa sa iyang gipikhan mao si Sharlene San Pedro sa matud pa ni-bully kaniya  butang nga gihimakak nga nahiuna. Nidepensa usab kang Sharlene  ang lain nila nga kauban sa “Goin’ Bulilit’ nga Miles Ocampo kinsa nipadayag nga imposible kini nga mabuhat sa iyang higala.