Nalingaw kang Morissette

CEBU, Philippines – Nahimuot og maayo ang A1 member  nga si Ben Adams ngadto sa Cebuana singer nga si Morissette Amon human siya gitudloan niini og mga Binisaya nga pulong. Nitikang si Ben dinhi sa Pilipinas alang sa promosyon sa iyang  Christmas single nga  “This is Christmas”  kun diin ka-duet niya si  Morissette .

Nagbaha ang mga pelikula

Malipayon si  Marco Gumabao gumikan kay duna siya’y umaabot nga tulo ka mga pelikula.   Nisaka ang popularidad ni Marco human siya nahimong kabahin kaniadto  sa pelikula ni Anne Curtis nga Just A Strangers. Ang Viva Artist Agency maoy naghupot sa career ni Marco.

Mag-artista ang anak

Mosulod gyud sa showbiz ang anak nila ni  Sunshine Cruz ug  Cesar Montano nga si Angelina Cruz.    Nagsugod  na si Angeline sa nagkalain-laing workshop  isip pagpangandam alang sa bag-ong butang nga iyang sudlan. Suportado  ni Sunshine ang  gibuhat sa iyang anak.

Gimingaw sa Kanto Boys

Gimingaw na si  Billy Crawford sa ka-grupo niya nga sila si   Vhong Navarro, Luis Manzano ug  John Lloyd Cruz.  Gitawag sila og Kanto Boys kaniadto sa programamg ASAP.  Dili gyud siya makalimot sa iyang grupo gumikan kay modalit kini og mga paukyab nga production number.

Uyab na gyud

Giangkon ni  Karla Estrada nga opisyal na sila nga uyab sa non-showbiz guy nga nagsilbi niya nga inspirasyon sulod na sa pipila ka buwan. Mao kini ang lalaki nga kauban niya sa iyang pagbakasyon sa Japan.  Malipayon si Karla gumikan kay suportado sa iyang mga anak ang iyang love life.

Robi magminyo na?

Nahimuot pag-ayo si  Robi Domingo sa sugyot  sa iyang fans nga kinahanglan na niya nga pakaslan ang iyang  girlfriend nga si Maiqui Pineda.  Napanglantawan usab sa iyang fans nga posibleng mo-propose na kini sa iyang uyab sunod tuig.

Tambag ni Vina

Nihatag og tambag   si  Vina Morales sa mga artista  nga nalambigit sa isyu sa pagka- unprofessional.  Matud pa ni Vina nga bisan unsa nga problema nga giagian sa usa ka artista, kinahanglan nga mo-perform base sa kasabotan nga gisudlan niini.

Dalagang Pilipina challenge

Gisuwayan sa mga bida sa show sa Netflix nga  ‘Busted’ ang  ‘Dalagang Pilipina’ challenge. Kini naglangkob nila ni  Yoo Jae-suk, Kim Se-jeong, Park Min-young, Kim Jong-min, Lee Seung-gi, ug  Oh Se-hun.

Lahi og mugna

Todo pangandam na si  Matteo Guidicelli, alang sa pelikulang Pedro Penduko.  Matud pa niya nga lahi nga atake ang pagdala niya sa maong special role.  Nasayran nga  Filipino Martial Arts ang mahimong basehan sa  fighting scenes niini.

Engaged na?

Naintriga pag-ayo ang fans ni  JC de Vera  sa hulagway nga gi-post niini sa Instagram. Makita nga nagsul-ob og diamond ring ang  uyab  niya nga si Rikka Cruz. Nagduda ang fans sa aktor nga ni-propose na kini sa iyang uyab.