Naglisod og apas sa Starla

CEBU, Philippines – Giangkon  sa  Kapuso star nga  si Alden Richards nga naglisod ang  primetime series niya nga The Gift sa pag-alkontra sa  ratings sa kaatbang nga  programa niini sa  ABS-CBN.

Kaatbang sa  The Gift ang teleserye ni Judy Ann Santos  nga  Starla.

Sa interview ni Alden sa PEP,  gipadayag niya nga gipatigbabaw sa The Gift ang paghatod og  nindot nga mensahe.

“We’re really doing our best. Wala kaming humpay sa pagpapaganda ng istorya.Every taping, we see to it that lahat ng characters and people involved in the creative side have something to say about it.Even us actors, we change the script on the spot, if we feel our characters are not on the same page as the one on the script,” saysay pa sa aktor.

‘Two Love You’ hukman karon

Mosikad na sa mga sinehan  sugod karong adlawa ang pelikulang Two Love You nga gibidahan nila ni Yen Santos, Lassy Marquez ,Kid Yambao, Lilieyen Santos, Arlene Muhlach, MC Calaquin, Dyosa Pockoh ug Elaine Yu .

Nasayran  nga graded B  kini  sa  Cinema Evaluation Board (CEB).

Gipaluyohan  kini  sa  OgieD Productions, Inc. ug Lonewolf Film Productions . Ang Viva Films ang distributor sa maong pelikula.  

Coleen ug Edgar magpares

Gipalugwa na ang official trailer sa pelikulang  Mia nga gibidahan nila ni Coleen Garcia ug Edgar Allan Guzman. Si  Veronica Velasco ang direktor sa maong pelikula nga gidalit  Viva Films. Ipasalida kini karong  January 15, 2020.

Bong sa The Gift

Gawas  sa usa ka programa  matag Domingo, gikatahong molugwa isip guest  si  Sen. Bong Revilla sa teleserye ni Alden Richards sa GMA-7 nga  The Gift.   Nagpanikad na ang senador sa maong proyekto gumikan kay gimingaw na siya og maayo sa showbiz.

Bagman sugdan na!

Magsugod na karong adlawa  ang  iWant series  nga  Bagman nga gibidahan ni  Arjo Atayde. Nalakip sa  season 2  niini mao ang aktor nga si  Carlo Aquino.  Kahinumdoman nga nakatrabaho ni Carlo  ang uyab ni Arjo nga si  Maine Mendoza sa pelikulang Isa  Pa With Feelings.

Nasoud si Nora

Malipayon si  Sanya Lopez gumikan kay nasoud gyud niya ang usa sa mga respetado nga artista  nga si  Nora Aunor. Nagkauban ang duha sa pelikula nga  Isa Pang Bahaghari . Giduso kini saMetro Manila Film Festival 2019  apan wala kini madala sa Top 8.

Hinay-hinay nga misidlak

Napanglantawan nga layo og maabtan ang anak ni  Roi Vinzon nga si Lala Vinzon. Produkto ang iyang anak sa The Voice Teens.  Nakadawat og mga positibong feedback ang performance ni Lalas sa ASAP Natin To.

Mopahuway sa showbiz

Naa karon sa huna-huna ni  Dimples Romana nga hinay-hinay na nga moretiro sa showbiz sunod tuig.  “Kasi parang minsan, when you feel that the blessings have already been enough you feel it’s okay to stop. And I also don’t want to be greedy, eh. I also don’t believe that money is the end-all of everything, eh,” saysay pa niya ngadto sa PUSH.

Pangandoy ni Jane

Human nakasuway  og dinner date  si Jane de Leon kauban si Liza Soberano, nanghinaot siya nga mahimamat usab niya puhon si  Angel Locsin.  Ang nahisgotan nga mga artista maoy nidala kaniadto sa karakter ni Darna. Si Jane ang  bag-ong Darna  alang sa  upcoming project sa   Star Cinema.

Olivia gikasal na

Gikasal na si 2015 Miss Universe first runner-up Olivia Jordan ngadto sa iyang longtime boyfriend nga si Jay Hector  niadtong November 11 sa Palm Springs, California.  Malipayong gipaambit ni Olivia ang ilang mga hulagway  sa Instagram.

Gisuwerte ang career

Malakip diay unta si   Marlo Mortel sa usa ka teleserye kaniadto sa GMA-7 apan wala siya modayon human siya ni-audition sa The X Factor Philippines. Wala damha ni Marlo nga mabungahon ra ang iyang pagpaningkamot.

Usa na ka amahan

Malipayong  gipahibalo ni  Guji Lorenzana nga gihimugso na sa iyang asawa nga si  Cheska Nolasco ang una nila nga anak nga si  Cassidy Gianna.  Nanganak si Cheska didto sa  St. Luke’s Hospital sa miaging adlaw.