Moira nag-iingat na para hindi ma-hospital

Tuluy-tuloy na ang ginagawang pagpapapayat ni Moira de Torre. Ngayon ay intermittent fasting ang sinubukan ng singer upang mabawasan ang timbang.

Matatandaang madalas maospital si Moira dahil sa tinamong komplikasyon sa ipinagawang nose procedure ilang buwan na ang nakalilipas. “‘Yung nangyari po sa akin over the summer na naging wake up call po siya sa akin. Kasi naramdaman ko po talaga ‘yung mortality. I mean hindi naman siya kasing lala siguro ng cancer or alam kong may mas malalang sakit pero natakot po ako and nabitin ako sa buhay. Kasi ‘pag tinitingnan ko ‘yung asawa ko everyday, parang enough ba ‘yung life natin on earth? Kasi strength ko po talaga ‘yung asawa ko ngayon and every time I wake up I’m more in love with him and I feel like there’s not enough time on earth for me to spend with him. So I would want to be as healthy as I can,” pagbabahagi ni Moira.

Napagdesisyunan ng singer na maging maingat sa kalusugan habang bata pa dahil na rin sa mga nakikilalang ulila na sa mga magulang. “I see so many children now losing their parents because their parents didn’t make wise decisions at my age because feeling siguro nila walang epekto ‘yon. But then sometimes it is our choice. I know that it is not our choice when tayo kukunin ni God. I just wanna be able to be a good steward now,” naka­ngiting pahayag ng singer.

Pamilya nina Luis at Jessy, nasa Taiwan para sa birthday ni Ate Vi

Kamakailan ay niregaluhan ni Luis Manzano ang mga magulang na sina Vilma Santos at Edu Manzano ng magkaibang portrait o painting na likha ni Mark Rocha Padernal.

Ayon kay Luis ay para ito sa kaarawan ng dating mag-asawa. “It was one of days, I’m very, lambing sa family ko. My dad is in to art. My mom din naman gano’n din. Pero ang ganda ng pagkakagawa kasi ng art eh and I’m a fan of his work. Sabi ko I want to immortalize a few moments with my family, with my mom and my dad,” paglalahad ni Luis.

Kasalukuyang nasa Taiwan ngayon si Luis kasama ang kasintahang si Jessy Mendiola at ang kanilang mga pamilya. Magkakasamang nagbakasyon ang mga pamilya nina Luis at Jessy para ipagdiwang ang ika-66 na kaarawan ni Ate Vi sa November 3. “Spend time with my family and with her family din. It’s not the first time naman. Her dad is not based in the Philippines. Even her sister not based in the Philippines. So kumbaga parehong pamilya namin, astig ah,” pagtatapos ng TV host.   (Reports from JCC)