Samantha Lo ibabalik ang korona?!

SEEN: Tililing ang  launching movie na si Donnalyn Bartolome. Ang Viva Films ang producer na mula sa panulat at direksyon ni Darryl Yap, ang direktor ng Jowable, na blockbuster launching movie ni Kim Molina. Si Kim  ang unang napabalita na magbibida sa Tililing pero ipinagkatiwala ito kay Donnalyn Bartolome. Most likely, Ang Babaeng Walang Pakiramdam ang next movie project ni Kim na mapapanood muna sa musical stageplay na Titas of Manila na itatanghal sa November 22 sa Music Museum.

SCENE: Ang former Rivermaya vocalist na si Jason Fernandez ang nanalo kahapon sa Tawag ng Tanghalan, Celebrity Champions ng It’s Showtime.

SEEN: Ang Bawal Judgmental ang bagong game segment ng Eat Bulaga ng GMA 7.

SCENE: Tumanggap si AiAi Delas Alas ng mga papuri dahil sa kanyang opinyon at mensahe na hangga’t maaari, iwasan na maging kabit dahil mabigat ito sa pamumuhay. Speaking from experience si AiAi dahil naranasan niya noon na makipagrelasyon sa lalake na may pananagutan na sa buhay.

SEEN: Ikinukumpara sa farewell walk speech ang recent Instagram post ni Samantha Lo dahil pinasalamatan nito ang lahat ng mga tao na sinuportahan ang pagsali niya sa Miss Grand International 2019. Nagpasalamat din si Samantha sa Bb.Pilipinas Charities Inc., ang organizer ng Bb.Pilipinas.

SCENE: May mga hinala na magre-resign si Samantha Lo bilang Bb. Pilipinas- Grand International title-holder dahil sa balita na possible dethronement niya na resulta ng kanyang pagsasalita laban sa BPCI nang ma-detain sa Charles de Gaulle airport sa Paris at ma-deport siya mula sa France.