Proyekto ni Julia,langawon?

Sanden: Hello mga beshie, maayong adlaw  kaninyong tanan . Happy birthday diay sa atong pinalangga nga Tita Yurs. Congratulations sa imong charity works. Isa ka talagang mabait na tao. Dili ta maglangan, ari na kita sa atong hisgotanan karong adlawa, human sa mga negatibong isyu nga gisagobang, mobalik na pud sa pag-arte si Julia Barretto pinaagi sa IWant digital series nga “I AM U”. Sa labing unang higayon, makapares niya sa usa ka proyekto ang aktor nga si Tony Labrusca.  Nagkalain-lain ang reaksyon sa publiko, dunay nillegua nga dili kini mo-click tungod sa negatibong imahe ni Julia. Una na nga gipasanginlan si Julia nga maoy rason sa breakup nila ni Gerald Anderson ug Bea Alonzo.Hugtanon hinuon nga gihimak sa aktres ang maong isyu. Laing isyu nga giatubang ni Julia mao ang taho nga gibugno niya ang iyang iyaan nga si Claudine Barretto. Nasayod man kita nga dili pud basta-basta ang abilidad ni Julia sa pag-arte. Hinuon kun ang mga tawo, dili maghuna-huna sa iyang isyu, aw seguradong mo-click ang tandem nila ni Tony.

Yuri: Salamat kaayo Sanden sa imong birthday greetings! Dako kaayo ang akong kalipay nga naka-serbisyong tinud-anay kita ta sa 3 days Walking with Jesus Seminar sa OasisOfLoveCebu, unya naka-birthday feeding pa gyud kita sa Missionaries of Charity Home of the Sick and Malnourished Children  in Suba Pasil. Makaingon ko nga Salamat Lord sa tanang grasya!

Parehas usab sa nahitabo ni Julia, despite sa mga nahitabo sa iyang pamilya, nahatagan gihapon siya og project and I am very happy for her. Ayaw mo pagbuot sa ABS-CBN kun nganong gitagaan gihapon siya og  raket because she’s a good actress and it doesn’t mean nga na involve siya sa relasyon nilang Gerald ug Bea o away sa iyang    pamilya, moingon dayon mo nga bad person na siya agad -agad? Dili pwede nga gwapa lang siya? Sa mga bashers ni Julia paghilom mo kay wala namo’y mahimo, naa na siya’y project ako palang ninyo suportahan ninyo si Julia. Kun dili gyud ninyo ma take then, pag-ugtas mo Hahahahaha! Tony ug si Julia nga napuno sa kontrabersiya in one project? Slow cap ko uy. Awesome!!!! Segurado ko nga mo-react jud ka Jaypee.

Jaypee: Olah mga Kabanatay! Happiest day! Laing Martes na pud  ang niabot ug niining tungora, laing pagpanglibak na sab sa mga artista ang atong buhaton. Kaning mugna nga project alang nila ni Tony ug Julia, ambot lang. Mangambot lang gyud ko. Pwerte ka nega ang dating sa pangalan ni Julia ron sa publiko. Gawas nga nega na siya sa breakup nila ni Gerald ug  Bea, nasamotan pud kini sa  giingong pagbugno  niini sa iyang iyaan nga si Claudine.Nagpaila sa pagka-walay batasan.  Although wala ta kahibalo kun kinsa gyu’y nagtug-an sa tinuod tali sa kampo nilang Gretchen ug Marjorie, apan klaro ug tataw na man nga si Gretchen gyud ang nakakuha og simpatiya sa publiko. Ug dungan sa paglaban sa publiko kang Gretchen, mao pod ang pagkontra ni Julia sa masa. Good luck sa ilang tandem ni Tony.

Sanden: Intawn sad nimo hampaslupa Jaypee, negatibo gyud ka og huna-huna uy. Dili na lang gyud nimo hatagan si Julia og tsansa. Mura’g gusto man sad nimo nga magmiserable permi ang kinabuhi ni Julia. Sa ka paet nga iyang giagian,wala nagpasabot nga kanunay niya kini nga dalhon.Kalabot sa proyekto ni Julia, basin diay mo -click uy, bawion na sa dagan sa istorya. Ako mismo nakaingon nga maayo gyud moarte  si Julia  ug dili ko mag-mind sa iyang personal nga isyu.

Yuri: Sakto ka Sanden! It’s not the issue it’s how Julia as an actress.  Bitter gyud nang si Jaypee kay dili man siya pretty. Hahahahaha! Kay ngano ang career sa artista depende sa ilang personal life??? Noh? Naa man gani  diha buotan kaayo pero hayman? Wala man geng! Wala gihapon siya’y career. Sa nahitabo karon sa family ni Julia, ang iyang mother network kay naghimo og  move pinaagi sa positive way ug paghatag kaniya og project aron dili gyud maapektohan. So, ikaw Jaypeee nga wala nalipay ni Julia. Ikaw na! Ka perfect ba. Maglanlan pa ka og lima kilo nga sabon.

Jaypee: Saba diha , Sanden wala ko mag-ingon nga gusto kong mahimong miserable ang kinabuhi  ni Julia, ang ako lang, ako lang giklaro nga maapektuhan gyud ning mugna nila nga proyekto kay of course, dili baya siya humot  sa mga tawo. Hinay hinayi nang baba nimo.  Unya ikaw pod Yuri, bisag unsa pay imong iingon diha nga dili issue sa pagka-artista niya, of course maapektuhan gyud nang iyang pagkatawo tungod sa iyang attitude.  Remember, attitude will bring us to places. Daghan naman gyud kaayo ning nega niya. Wala ko mag- ingon nga perfect ko, ang akoa lang gyud napanglantawan ni nako daan nga flop ning  salidaha. Pwes, way daghang yawyaw, atung atangan.