Abundance

Cebu, Philippines —Kita ko’g Minute with Maxwell video sa sikat nga international life coach nga si John Maxwell adtong Biyernes sa buntag. “Abundance” iyang topic. Naghisgot siya nga sa kinabuhi matud pa adunay duha ka huna-huna: Abundance ug Scarcity.

Suma pa niya, kun scarcity ang imong hunahuna, wala gyud matud pay grasya nga musulod nimo, or walay muabot nga blessing. Kini kay ang imo ra gyud nga hunahuna kanunay mao nga pugngan gyud nimo ang kun unsa may naa nimo. Magtinihik gyud ka og maayo kay ang imong hunahuna mao nga nihit or huwaw man imong panudlanan. Pakkk!

Apan matud niya, kun abundance imong hunahuna, musulod gyud ang grasya, matud ni Maxwell. Kana kay dili man ka maghinakog. Dili ka magpanuko sa paghatag o pagpaambit sa imong grasya o sa kun unsa may naa nimo, sanglit alang nimo, naa pay daghang muabot nimo. Pakpak!

Pwes, niya pa, tali sa duha, nindot gyud nga abundance mindset ang imong sumbanan o ipatuman sa imong kinabuhi. Kay matud pa bitaw sa kanta, “it is in giving that we receive.” Ingon sab sila, “the more you give, the more you receive.”  Pakpak!

So dili gyud ka angayan nga maghinakog. Kun unsay naa nimo, mas maayo nga imong paambitan kay mubalik ra man gyud na nimo ang unsay imong gihatag. Inig balik ana, mas dako o mas daghan pa kaysa imong gihatag. Pakpak!

But when you give, mas nindot gyud nga dili ka magpaabot og bawos. Kay nindot kaayo ang feeling nga ma-surprise ka. Kanang makadawat ka og grasya ba, unya maglibog ka, unsay nahimo nimong maayo nganong haom ka sa maong gasa nga imong nadawat. And then you will realize, ahh mao diay. Mao ni ang bugti sa gamay’ng butang nga akong gipaambitan ngadto sa nanginahanglan.

And yes, mas nindot kun ihilom nimo imong pagtabang. Tabang sa tago kay sa Dios ikaw baga baslan. Have a blessed Sunday, dear okRYANians!