Magpatabang kang Angel

CEBU, Philippines — Tsika pa ni Jane De Leon nga kun mahimamat niya si  Angel Locsin, mangonsulta  gyud siya niini kalabot sa iyang preparasyon alang sa iconic role nga Darna. Todo na ang pagpangandam sa maong  umaabot nga proyekto sa Star Cinema.

Lig-on og guests

Nagmaya  si Zephanie Dimaranan human  nisugot  ang iyang mga idolo nga  sila si Sarah Geronimo ug Regine Velasquez sa iyang umaabot nga concert karong November 28 sa New Frontier Theater.    Puros niya giidolo  sila si Sarah ug Regine busa dakong garbo alang kaniya nga malakip kini sa iyang concert.

Nagpasalamat sa NBI

Mapasalamaton  si  Angelica Panganiban sa National Bureau of Investigation (NBI) tungod  sa pagkasikop sa babaye  nga nigamit sa iyang  credit card.Ang suspek giila  nga si  Agatha Reyes.“ Maraming salamat NBI! Kapag akala mong, sadlak na sadlak na ang sistema... May mga tao pa din na tapat ang serbisyo. Salamat po! “suma pa sa social media post ni Angelica.

Makatabang ang military training

Wala igsapayah  ni  Matteo Guidicelli  nga second choice lang siya sa movie project nga Pedro Penduko. Kahinumdoman nga si James Reid ang gitanyagan sa maong proyekto apan niatras kini si   Jason Paul Laxamana maoy  direktor sa maong proyekto.Matud pa sa direktor nga dako og matabang ang kaagi ni Matteo sa  military training isip  pagpangandam sa dalhon nga karakter niini. 

Ronnie mag-concert

Naghinam-hinam na si  Ronnie Liang sa iyang  concert  nga mahitabo karong  November 8  sa Music Museum. Nag-ulohan kini og “Ronnie Liang Love X Romance” ug  special guest niya sila si Sarah Geronimo, Ella Cruz ug Janine Teñoso. Si Ronnie ang nagpasikat sa awit nga “Ngiti”.

Janine nag-negosyo

Gipaniguro  ni  Janine Gutierrez nga duna siya’y makita  sa iyang   pagkugi sa showbiz.   Nag-franchise ang aktres og usa ka  nail spa.  Gibuksan  kini   dili pa lang dugay.

Misugot na gyud

Taod-taod na diay nga gikumbensir  si  Betong Sumaya nga mag-concert gumikan kay kanunay  gyud mo-click ang iyang mga performance kun dunay mga Kapuso mall show. Apan karong tuiga pa siya nisugot sa maong offer. Aduna siya’y concert karong  November 21 sa  Music Museum nga nag-ulohan og  Betong’s Amazing Concert: Try Ko Lang Ha?.

Nagbaha ang subscribers

Nakadawat ang aktres nga si  Heaven Peralejo og  Silver Creator Award  gikan sa  video-sharing site  nga YouTube.  Aduna na’y 128,000 subscribers ang YouTube channel sa aktres.

Nanalipodsa hulagway

Gipanalipdan ni Sue Ramirez ang iyang kaugalingon sa lenggua sa pipila ka netizens nga matud pa bastos ang iyang bikini photos online. “Yun nga ang sinasabi ko, na please do not sexualize my body, because I don’t do that to myself,” matud pa sa aktres.

Init nga eksena

Nagbaha ang love scenes  nila  Lovi Poe ug Joem Bascon sa latest projects a Regal Films nga “The Annulment”.  Giklaro hinoun ni Lovi nga dili ang love scenes  maoy sentro sa maong pelikula sanglit ang gipatigbabaw niini mao ang nagkadaiyang stages sa gugma.