Maoy moduyog ko

CEBU, Philippines — Mosikad na karong Domingo, October  27 ang  Maoy Mo, Duyog Ko  Concert   sa Sugbuanon nga performers  nga sila si Nashy Casas ug Paul Rosa .

Mahitabo kini sa ALS RCS Cafe Bar  and Organic Convenience Shop sa Lagtang , Talisay City sa alas 7 sa gabii.

 Tumong sa maong kalihokan mao ang pag-umol og pundo alang nila ni Nash ug Paul kinsa maoy pambato sa Pilipinas alang sa I-Sing World nga pagahimoon sa Stockholm, Sweden sa hinapos nga bahin karong tuiga.  Ang  ticket sa maong concert nagkantidad og P250 ug naa na kini  pakapin nga usa ka special drink.  Alang sa dugang kasayoran , mahimong mokontak sa 462 -9419.

Kasamtangan usab nga gi-promote sa duha ang  mga awit  nga “Tayo Na Ba?”  ug “Hayaan Mo” nga ginama  sa usa sa mga bangiitan nga composer nga si Vehnee Saturno. Produkto sila si Nashy ug Paul sa WishCovery Season 2.