Cameo role

CEBU, Philippines — Adunay mubo nga partisipasyon   sila si Regine Velasquez ug Charo Santos sa umaabot nga pelikula ni Vice Ganda sa Metro Manila Film Festival 2019 nga “The Mall, The Merrier” kun diin nalakip usab niini su Anne Curtis.  Excited na kaayo si Vice sa mahimong resulta sa maong proyekto.

Sunod bulan na

Mosikad na karong Nobiyembre 9 ang bag-ong  show sa ABS-CBN nga  Your Moment.  Nagpanikad na   ang host niini nga si Billy Crawford gumikan kay bag-o kining putahi alang sa Pinoy viewers.

Panghinaot ni Sarah

Nagmalaumon si Sarah Geronimo nga inigkahuman sa Unforgettable ,  masundan unta kini og laing mga pelikula nga pagabitoonan gihapon sa mga hayop.   Nisikad na kagahapon sa mga sinehan ang pelikula ni Sarah nga Unforgettable kun diin kauban niya isip bida ang iro nga si Milo.

Nakahilak si Moira

Nahimong emosyonal si  Moira dela Torre sa dihang nahimamat niya  ang iyang idolo nga  si KC Concepcion. Nahitabo kini atol sa ICONIC” concert nila ni Megastar Sharon Cuneta ug Asia’s Songbird Regine Velasquez sa miaging gabii.

Nataypan sa bida

Nahimoot pag-ayo  ang bida sa pelikulang  White Chicks nga si Marlo Wayans  sa hulagway nila ni  Liza Soberano ug  Enrique Gil nga kuha  atol sa  Black Magic 2019 Halloween party sa  Star Magic niadtong  Domingo.   Kahinumdoman nga gisundog nila ni Liza ug Enrique ang mga karakter sa maong pelikula. Gi-retweet  ni  Marlo ang maong hulagway.