Gubot pa sa lukot! #BarrettoSisters

CEBU, Philippines —Inay mahilot o mapawong na ang isyu  sa Barretto sisters , daw subli kining mudilaab human usab sa exclusive interview ni Karen Davila kang Marjorie nga gipakita sa TV Patrol niadtong Martes sa gabii.

Gihimak ni Marjorie ang pasangil sa iyang ate nga si Gretchen nga matud pa ang wala pagdapit sa nahauna sa ilang inahan atol sa birthday celebration sa ilang amahan maoy rason nga giatake sa kasingkasing ang ilang daddy nga naghatud sa kamatayon niini.

Suma pa ni Marjorie, dili heart attack ang rason nganong na-ospital ang ilang amahan sa mismong birthday celebration niini.

“Chills, hindi po heart attack, Gretchen,” pasaring ni Marjorie sa kapatid.

“Dapat alam rin ni Claudine ‘to, but obviously hindi.

“Violent chills… Yun pala, may sepsis na yung father ko. Severe pneumonia, high fever, and all of that.

“So, he did not die of an attack,” pagtin-aw ni Marjorie ngadto kang Davila.

Suma pa ni Marjorie nga walay rason nganong dili niya dapiton ang iyang inahan, gawas pa, maayo ang iyang relasyon ngadto niini. Galing lang, sa maong adlaw nga nagbirthday party siya alang sa iyang daddy, dili matud pa maayo ang pamati sa ilang inahan maong wala kini makatambong didto sa iyang balay.

Matud ni Marjorie, dili kini kahibudngan gumikan kay adunay gyu’y mga birthday party nga wala ang iyang inahan gumikan kay aduna na kini gihambin nga balatian gumikan usab sa pangidaron.

Eighty-two years old na ang ilang inahan.

“Good Daughter”

Sa samang interview, ni patutsada si Marjorie nga siya matud pa ang “good daughter” gumikan kay naa siya kanunay sa mga okasyon sa ilang pamilya. Si Gretchen matud pa, sulod sa 25 ka tuig na, wala gyud bisan kanus-a nga gidapit niini ang ilang mga ginikanan ngadto sa mga mansions niini, o bisan naman lang sa rest house niini.

“Speaking of not inviting your mother to your house, Gretchen, for more than 25 years, has never invited my parents to her house. Any of her mansions and rest houses, not even to their garage.

“So don’t paint me as the bad daughter, don’t paint me as the bad daughter, Gretchen.”

Reconciliation

Napangutana usab si Marjorie kun posibli pa ba gyud nga mahibalik ang ilang maayong relasyon isip magsuon ug isip pamilya.

Kahinumduman nga sa hataas nga katuigan dili na maayo ang tinagdanay nila ni Gretchen, Marjorie ug Claudine. Sa haya sa ilang amahan sa nilabay nga semana, gisuwayan sila og hilot ni Presidente Rodrigo Duterte sila si Gretchen ug Marjorie. Gihangyo sila sa president nga maglamano. Nibalibad si Marjorie.

Suma pa niya ngadto kang Karen, nibalibad siya ug nangayo og dispensa ngadto sa president nga dili niya mabuhat ang buot mahitabo niini sanglit nakita niya sa mga mata ni Gretchen nga dili kini matinud-anon ug nagpabuotan-buotan lang.

Giklaro niya nga uyon siya sa reconliation, apan buot niya nga sila-sila lang-walay cameras ug walay daghang drama-drama.

Ni Marjorie pa, kun niadto lang si Gretchen sa tambalan samtang buhi pa ang ilang amahan siya mismo maoy mosugat niini ug magpinasayloay sila.

Kung pumunta siya sa ospital ng tatay ko habang buhay, walang Presidente, walang camera, walang lahat, ako ang unang yayakap sa kanya.

“I would have hugged her. I would have led her to my father, and I swear that on my children’s lives”

“I am for reconciliation, just not an orchestrated one.”

Atong Ang

Sa maong interview, gi-insister gyud ni Marjorie nga uyab sa negosyanteng si Atong Ang, ang pag-umangkon nila nga si Nicole.

Si Atong Ang used to be the boyfriend of my, our niece, Nicole, the daughter of our brother Jay-Jay.

“Five years, almost five years...”

Suma pa ni Marjorie, nagkabuwag si Nicole ug Atong gumikan kay giilog ni Gretchen ang lalaki.

“Ito ay sa pagkakaalam ko, personal knowledge ito, okay, naghiwalay sila dahil allegedly or alam namin na inagaw ni Gretchen kay Nicole si Atong Ang.

Suma ni Marjorie nga adunay mga nakakita nila ni Gretchen ug Atong nga magkuyog kanunay ug magholding hands pa.

Una na kining gihimakak ni Gretchen ug Atong mismo. Suma pa, ni Atong, empleyado lang niya si Nicole ug ang inahan niini, samtang suod si Gretchen sa iyang asawa kay kasosyo niya sa negosyo ang partner niini nga Tonyboy Cojuangco.

Si Gretchen nagdalag gubot

Gihimakak ni Marjorie nga siya maoy nakaingon nganong nagkagubot atol sa haya sa ilang amahan. Matud pa niya, malinawon siya nga nakighinabi sa presidente, samtang si Gretchen gigukod niini ang ilang pag-umangkon nga si Nicole ug gibira ang buhok.

“Ang sabi lang sa akin ni Mr. President, ‘Stop apologizing.’

“We ended well, habang si Gretchen nakikipagbugbugan doon.

“Para klaro sa lahat. Siya ang gumawa ng gulo, hindi ako. I respect my father.”

“So Much Anger”

Samtang human sa interview kang Marjorie sa TV Patrol, ni-post si Gretchen sa iyang Intagram aron ipabuhagay sab ang iyang habig.

Suma pa ni Gretchen, si Marjorie ang hinungdan nganong wala siya moadto sa tambalan samtang buhi pa ang ilang amahan gumikan kay puno sa kasilag ang iyang igsuon.

“I was not allowed to go to the hospital because of your outbursts and because there will be more tension for me to see EX MAYOR ECHIVERRI,” ni Gretchen pa, kinsa nibutyag sab nga muduso og molestation case batok sa politiko.

Kahinumduman nga sa unang higayon, giangkon ni Marjorie ngadto kang Davila nga si Echiverri maoy amahan sa iyang ikalima nga anak. Kabit matud pa siya ug dili siya mapasigarbuhon kabahin niini.

Samtang subli sab nga gipahimug-atan ni Gretchen nga gi-atake ilang amahan gumikan kang Marjorie. Ang ilang inahan mismo matud pa maoy nagtug-an niya kabahin sa attack.

“The attack of your father, as you say happened as told to me by our mother is because you ARRANGED a lunch party for dad to spite mom for being on Claudine’s side. You did not invite mom and that caused a huge dispute between our parents and the rest is history.”

Matud ni Gretchen wala sila mahilot sa presidente niadtong nagka-atubang silang, managsuon gumikan kay si Marjorie maoy puno sa kayugot niadtong tungora.

Claudine vs.Marjorie

Wala nahisgutan sa interview ni Karen kang Marjorie ang kagubot sab nga nitumaw tali nila Claudine pagkasunod gabii human sa trukis nila ni Gretchen.

Apan si Claudine nagpa-interview kabahin niini ngadto kang Jobert Sucaldito human usab sa interview ni Marjorie.

Matud  ni Claudine, si Marjorie maoy nagsige og pasingit niya hangtud nga gisagpa niya si Marjorie. Gibuhat niya pa kadto gumikan kay diha ang iyang mga anak ug dili siya makatugot nga magtuo sila nga okay ra kun bastuson  ka.

“Ayun na, sinampal ko siya. Sinampal ko siya talaga. Nagsabunutan kami.

“Kasi, di ba, huwag mo akong gaganyan-ganyanin. Instant reaction ko yun, e.

“Hindi sa gusto kong mambastos sa nakatatanda sa akin, pero huwag mo akong gaganyanin, lalo na’t nandoon yung mga anak ko.

“Ayokong makita ng mga anak ko na okay lang na mambastos kahit na bastusin ka at saktan ka nang ganyan.

“So, yun ang nangyari.”

Claudine vs. Julia

Suma pa ni Claudine nga gawas kang Marjorie, gibinastosan sab siya ni Julia. Niapil sab matud pa kini og pasakit niya.

“Kaya I don’t understand she’s saying, ‘It’s not my battle, it’s not my battle.’

“It’s your battle. You were the one who laid your hands on the person who you call ‘Mama.’”

Una na kining gihimakak ni Julia pinaagi sa pag-ingon nga ang mga magsuon ra gyud ang makatubag kabahin niini.