Banatanay

Karambola sa Barretto sisters

Sanden:  Maayong adlaw guys! Ania na usab kita sa laing hugna sa atong  pagtuki sa   usa sa mga init nga isyu sa showbiz world.

Maayong adlaw ninyo mga beshie,  kang Tita Yurs nga  todo raket,  ug kang hampaslupa Jaypee nga hugyaw kaayo og office diha sa Sta. Fe.  Sa miaging adlaw, adunay nahitabong pisikal nga komprontasyon sa Barretto sisters nga sila si Marjorie, Gretchen ug Claudine. Duha ka gabii gyud ang nahitabong kagubot atol sa haya sa ilang amahan nga si Miguel sa The Heritage Park sa Taguig. Na-injury si Claudine sa kamot niini hinungdang nalandig kini sa tambalanan. Nipatunga si President Rodrigo Duterte kinsa nipadangat og pahasubo sa ilang pamilya. Imbes nga maglamano, aguy, nag-away na hinuon og samot. Niapil usab sa karambola, ang anak ni Marjorie nga si Julia. Pagka-gubot intawon sa ilang pamilya, dapat istoryaan raman na nila uy. Nadamay pa ang pangalan sa negosyante nga si Atong Ang human nilenggua ang pag-umangkon ni Greta nga si Nicole nga giilog niini ang maong negosyante gikan sa iyang mga kamot. Ang maong isyu, gikataw-an lang ni Greta

Jaypee: Maayung adlaw’ng Martes mga Kabanatay! Salamat sa way puas ninyong pagbasa sa atong Banatanay matag Martes.  Karong adlawa, laing chika na usab ang atong pagasaw-an. Chika sa showbiz nga nibaniog sa tibuok nasud ug kini wa nay lain pa kundi ang panag -away sa mga managsuong Gretchen, Claudine ug Marjorie.  Uyon ko nimo Sanden, nganong wala naman lang gyud tawon ni nila sulbara ang ilang panagtigi? Nganong gihuwat pa gyud nila nga sawsawan sa publiko. To think, namatay ilang amahan, mao unta ni ang labing sakto nga panahon aron magkahiusa sila alang-alang sa ilang amahan. Apan lahi ang nahitabo, nabali man hinuon. Pwerteng dakong kagubot ang mipatigbabaw.  Kun matag habig ang pasultion, puros sila mangangkon nga ilang katungod ang giyatakan ug wala  girespeto. Apan sigon sa mga nanggawas nga mga taho, makaingon ko nga mura’g si Gretchen man ang nipainit sa isyu  kun diin gitataw niini nga si  Marjorie gyud ang nag-wild. Matud pa girespeto ni Gretchen ang iyang pamilya ug sa dihang buhi pa ang iyang amahan, gustohon man unta niyang mopakita sa hospital, naglikay na lang siya kay lagi mag-wild man daw ni si Marjorie. Hayyy nako. Ila lang unta huna-hunaon nga at the end of the day, mga managsuon ra gihapon sila. Sorry sa term ha pero alang nako, gibaboy gyud nila ang haya sa ilang amahan.

Yuri:  First and foremost , hello mga KaBANATanay! Hoy Jaypee nga dili guwapa.  Para nako lang, nganong si Gretchen Barreto man ang inyong basulon sa nahitabo nga in the first place naa pud siya’y katungod kay anak man sab siya. Unya? Kinsa man ang nag- wild sa haya, day Jaypee? Diba si Marjorie? Mao nga best in laban imong Claudine nga na-hospital intawon. Para nako, dapat mas dunay say si Gretchen sa pamilya kay she’s the Ate and to think nauna si Gretchen sa showbiz. Mas dako baya og natabang si  La Greta sa pamilya ni Marjorie kaniadto. Mas mature si Ate Gretchen, igo na lang motubag sa mga post sa iyang igsuon ug pag-umangkon. Sad to say, dead na si Father pero wala gihapon sila  na in good terms .I am sure, si Daddy naghilak     nagtan -aw   nila

Sanden: Relax lang Tita Yuri, mosawsaw pa gyud ka sa ilang problema. Makalingaw sad baya ang tubag ni Greta, apan dili na lang gyud niya angay patulan si Marjorie uy. Wala ta masayod sa tinud-anay nga rason sa ilang panagbangi. Ako lang panghinaot nga mohunong na sila sa pagsabwag og mga mahait nga pulong sa usa’g-usa. Ang luoy sa maong sitwasyon mao ang ilang mga anak. Makaingon ang ilang mga anak, pagka-gubot sa ilang pamilya uy. Ikaw diha Tita Yurs, paghilom nalang! Maglanlan pakagdahon sa mangga.

Jaypee:  Beshie Yuri, ang akong point ba, namatay naman unta ang ilang amahan. Mao kini ang labing sakto nga panahon aron magkahiusa. Kun dili man gyud gani pwede nga magkahiusa sila, girespeto na lang unta nila ang haya sa ilang amahan. Dili kay gihimo na hinuong venue sa ilang pagka- borokinta. Wala  na lang gyud nila gihuwat nga malubong ang ilang amahan una sila molabok. Napaila lang sila sa ilang pagka-maldita, wala uroy maulaw,  hasta ang Presidente nipatunga na nila.  Bisan unta og dili gyud gusto si Marj nga ma okay sila, wala lang gyud unta sila nagkagubot sa haya. To think naa pa gyud ang presidente. Wa na nila girespeto ang presidente. Ang ako lang unta, kahibawo man gyud ko nga ma-okay ra ni sila kay after all, pamilya raman sila. Pero kalain lang kay bisan tuod moabot na nga takna, may mantsa na ug  lahi na ang pagtan-aw nila sa mga tawo kay bisan ang pinakagamay nga baho, detalyado man gyud kaayong giutingkay sa matag habig. Paet

Yuri: Jaypee kun madala naka sa imong emosyon, usahay mawala na imong breeding kay nagpadala man ka niini. Mao nga dili pud nimo mabasol si LA Greta nga mosukol pud kay in the first place wala sila’y respeto. Buot hunahunaon nakinabang sila ni Gretchen niadtong  aktibo pa kini sa showbiz. Helloooooo, aminin natin na alegre ang showbiz tungod sa ilang mga isyu. But at the end of the day, pamilya sila. Mao nga sa pagkakaron let watch and enjoy!  Hahahahhaha!