Glitz and Beats

Birthday Dance Na!

Hugyaw nga Sunday mga BisChikadora! Karong adlawa, sa unang higayon nakig team-up ko sa usa sa mga banggiitang Zumba instructors sa Sugbo nga si ZIN Mariza Abadilla para sa usa ka Glitz and Beats Birthday Dance party nga pagahimuon sa Cebu City Sports Center. Alas tres pa lang sa hapon, magsugod na ang registration kay pag-alas singko sugdan na ang event. Actually, nagkita lang gyud mi ni ZIN Mariza sa office sa CCSC kay didto man ko maghuwat sa oras para sa Belly Dancing Class. Naka-pangutana si ZIN Mariza kabahin sa among mga birthday ug didto nigawas ang idea nga magsanib pwersa kami para sa usa ka pasingot nga event. To be honest, dili unta ko mosugot kay wala man koy kalibutan anang Zumba event pero mapasaligon si ZIN Mariza nga makaya ang tanan basta magtinabangay. Yes, sa tabang sa mga kaila nato nga wala usab nagdumili og suporta. Infact, namaligya kami og singlets para sa mga gusto moapil sa maong event. Sa akoang bahin, sa  P350 nga singlet, ang P50 will go to the Missionaries of Charity Home of the Sick and Malnourished Children in Suba Pasil para sa akong pagabuhaton nga feeding karong umaabot  October 27, Sunday. Lunch ang among andamon.

Karong tuiga ang YUR Gifts kay espesyal para kanako kay bisan sa ginagmay nakatigom ko para ipalit og mga ginagmay nga kinahanglanon sa center sama sa baby shampoo, diaper, vitamins o gatas. Kun mangutana mo nganong sa Missionaries of Charity Home of the Sick and Malnourished Children ko permi mag-celebrate sa akong birthday, kini  kay ang mga bata adunay  special place in my heart. Dali ko maluoy sa mga bata, kaniadto ako man ang tingbantay sa akong mga ig agaw sa bata pa sila  hangtud aduna nakoy pag-umangkon nako nga all the way ang akong suporta.

For a Birthday wish, dili na para sa akong kaugalingon kun dili para na sa akong pamilya. Kun unsa man ang naa nako karon dako na kaayo nakong kalipay. I offer it to the Lord kun unsa pa ang iyang mga plano nako. Pagka karon, I am grateful for having online show sa Banat News page ug magkuyog kita diri sa Banat Hugyaw matag Martes ug Domingo. Adunay mga events nga ginagmay ug labaw sa tanan I found a community, ang Oasis Of Love Cebu. May the Lord bless me good health always para daghan pa kitang matabangan.

See you all today 3pm sa Cebu City Sports Center para sa Beatz and Glitz Birthday Dance Party with ZIN Mariza Abadilla. Let the sweat out and win fabulous prizes!!!