Ginoong Pilipinas Cebu, karong gabii na!

CEBU, Philippines – Mahitabo na gyud karong alas otso sa gabii ang katupusang bahin sa pagpangita sa moderno nga bayani sa ipahigayon nga Ginoong Pilipinas Cebu didto sa Events at Soltana sa Lapu-Lapu City.

Ang maong talagsaon nga indigay sa mga kalalakinhan nagsugod niadtong Hunyo pa lang. Sulod sa tulo ka bulan, daghan na ang mga nahitabo sa mga kandidato kun diin gipaubos sila og mga nagkadaiyang pagbansay-bansay aron nga hingpit nga angayan nga mamahimong usa ka moderno nga bayani sa bag-ong henerasyon.

Suma sa pangulo sa maong kalihukan nga si Dexter Alazas nga dili sayon ang gitaak sa mga kandidato gumikan kay sa tulo ka bulan una ang koronasyon, ubay-ubay sab ang gipanikaysikay niini aron nga makalahutay sa katapusang bahin sa kompetisyon.

“As a hero, you should also work on speed, agility and not just the looks and physique. It has developed them mentally as well. The Tactical Fitness Center helped the candidates to be more prepared for the big night”, matud pa ni Alazas.

Gawas sa maong pagpangandam, mipaubos sab ang mga kandidato og pagpaambit sa ilang mga naangkon nga katakus. Nagtigi sab sila sa swimwear competition didto sa Palanas by the Sea sa Boljoon, duha ka semana na ang milabay.

Katungdanan sa usa ka kandidato sa Ginoong Pilipinas Cebu ang makahatag og dako nga pagtampo sa pagresolba sa problema sa nasinati sa katilingban kun diin pinaagi sa kinasingkasing nga pagtabang.

Nakahimo pa sab sila og pagpananom didto sa Boljoon pinaagi sa Eco-tourism project sa maong lungsod diin nanguna sila og pananom og mga kahoy.

Maingon nga adunay kapuslanan ug kaayohan nga natampo ang maong indigay sa atong katilingban gumikan kay dili lang kalingawan ang gihatod niini apan pag-alagad aron nga mahimong maayo nga binuhat sa kalibutan.

Sa mahitabong koronasyon karong gabii, 14 ka mga kandidato ang magsangka alang sa gikahinaman nga mga titulo nga mao ang  Ginoong Pilipinas Cebu-North, Ginoong Pilipinas Cebu-South, Ginoong Pilipinas Cebu-East,  Ginoong Pilipinas Cebu-West ug Ginoong Pilipinas Cebu.

Ang lima ka mga mananaog makadawat og cash prizes ug gift certificates gikan sa mga sponsors ug ang matuboy nga labing una nga Ginoong Pilipinas Cebu makadawat og P100, 000 ug GCs.

Dugang pa nga ang makaangkon sa dakong titulo mao na sa kini ang mapadala sa kauluhan aron nga mobandera sa Sugbo alang sa mahitabong Ginoong Pilipinas nga mosikad na sunod bulan.

Gilangkuban ang mga kandidato nila ni Alexis Malagar, Erik Visser, Kensley Joren, Gerald Flores, Lorenzo Isip, James Gabuya, Joren Chiva, Earl Ramos, Jose Cortez, Brian Marchan, Vengie Trozo, Jaron Acha, Dan Cajegas, ug Francis Torevillas.

Alang kang Alazas nga dako nga kahigayunan nga mahimong pangulo sa maong dako nga kalihukan gumikan kay nakatabang sab siya aron maghulma og mga binuhat aron nga mamahimong mga maayong ehemplo sa bag-ong henerasyon.

“I’m very excited and equally happy for the turnout. From how I envisioned the concept, to the developments that we’ve achieved, as a team together with the cast and crew of GPC, we’ve forged a new pageant that people we know actually appreciate. The heroism themed search is something close to me, as a Cebuano because I wanted to localize the story from Dagami to Leon Kilat . I am hoping that this competition will serve as a stepping stone to the candidates for them to be a good servant in our country”, pagtapos pa ni Alazas.

Wala Magbasul

Walay pagbasul si Ryza Cenon sa iyang hukom kaniadto nga mubiya sa GMA-7 aron manimpad sa ABS-CBN.

Kini kay matud pa niya daghan kaayo siya og nakat-onan sa unang proyekto pa lamang niya, ang The General’s Daughter.

“For me it’s the right decision na nakalipat ako dito kasi mas lumawak yung mundo ko. Ang dami kong natutunan sa first show ko pa lang yun dito sa ABS-CBN, so pano pa pag binigyan pa ko ng iba pang show. Mas marami pa akong matututunan,” nagkanayon siya atol sa presscon sa nahisgutang teleserye alang sa pagtapos niini.

“Sabi nga ni Arjo (Atayde), hindi lang sa trabaho, pati na rin sa life may matututunan ka sa lahat ng nakakatrabaho mo. So sobrang blessed, sobrang nagpapasalamat ako sa Dreamscape kasi sila yung unang-unang nagtiwala’t naniwala sa kakayahan ko bilang artista. Kaya maraming-maraming salamat po,” niya pa.

Padayon pa ni Ryza, “Gusto ko kasing ma-explore pa lahat, gusto ko pang makatrabaho ‘yung iba pang artista na magagaling at ‘yung matutunan sa kanila,” she said during the contract signing with the network.

Congratulations, Dyla!

Gisaulog sa Labing Tinamod ug Tinahod nga Radio News Organization sa Sugbo ang ilang ika-52 ka tuig na sa natad sa panibya kagahapon. Makahuluganon ang kasaulogan karong tuiga sanglit bag-ohay lang nga na-renew ang prangkisa sa estasyon aron makapadayon sa pagsibya sa musunod nga 25 ka tuig.

Makita sa hulagway ang men and women nga nagtambayayong sa paghatud sa balita matag adlaw. Happy Anniversary, dyLA!

Tingog sa talisaynon, pangitaon  na!

Sa nagkaduol nga kapistahan ni Santa Teresa De Avila sa sunod buwan, aduna na’y mga kalihukan nga giandam alang sa paghatag og kalingawan sa katawhanan ilabi na sa mga Talisaynon.

Usa niini mao ang ‘Tingog nga Talisaynon’, ang sangka alang sa mga mangantahay nga alang sa tanang mga lumulupyo sa syudad sa Talisay nga nagpangidaron gikan sa 15 anyos hangtud sa 25 anyos.

Ekslusibo ang maong kompetisyon alang lang gyud sa mga Talisaynon aron nga mapakita ang katakus sa mga lumulupyo sa maong dapit.

Alang sa pag-apil, kinahanglan nga magdala og pagpamatuod nga ikaw usa ka Talisaynon. Mas maayo nga magdala og barangay clearance o mga ID.

Angayan sab nga dili kalimtan sa pagdala og 3R close-up photo ug minus one sa ipadungog nga kanta.

Mahitabo ang audition niini karong Dominggo, Setyembre 29, 2019 nga magsugod karong ala una ug matapos sa alas sais sa gabii didto sa buhatan sa City of Talisay Mayor nga anaa nahimutang sa city hall sa Barangay Mohon, sa dakbayan.

Alang sa dugang detalye sa maong kompetisyon, kontakon lang si Roland Villarosa pinaagi sa iyang numero, 0925-450-5999.

Padayon sa adbokasiya

Padayon ang pagpanghatag ni Marian Rivera ngadto sa mga inahan nga nanginahanglan og gatas. Usa kini sa adbokasiya nga gitutukan karon ni Marian alang sa mga inahan nga bag-o pa lang nanganak. Tungod sa kaadunahan ni Marian sa gatas, nahatagan na niya og gatas ang pito ka bag-o lang nga natawo nga mga bata. Matud pa ni Marian samtang aduna siya’y mahatag, dili kini niya idawo tungod kay mao kini ang makahatag og kaayuhan kutob sa iyang maabot.

Makasabot

Hangtud karon wala gihapon makasabot si Barbie Imperial kun nganong natangtang siya sa GirlTrends. Matud pa ni Barbie nga siya ang unang gitangtang sa maong grupo. Wala na mangutana si Barbie sa rason sa maong panghitabo. Mapasalamaton na lamang siya nga wala na siya sa maong grupo gumikan kay daghang mga proyekto ang miabot kaniya.

Walay alalay

Nasigpatan sila si Daniel Padilla ug Kathryn Bernardo sa NAIA niadtong Setyembre 26 sa hapon. Nasayran nga paingon sa Iceland ang duha alang sa duha ka semana nga bakasyon. Ang duha wala magdala og mga alalay nga kuyog.

Sharlene, silver play button awardee

Silver Play Button awardee na sab si Sharlene San Pedro human nga gipasidunggan sa Youtube. Aron nga makakuha sa maong award, kinahanglan nga moabot ngadto sa 100,000 ang subscribers social media platform. Dakong pasalamat ni Sharlene ngadto sa iyang fans nga mao ang naghatod kaniya sa maong kalampusan.

Giidolo si James

Nagmalaumon karon ang bag-o nga Australian singer nga si Jasmine Henry nga adunay kolaborasyon ngadto kang James Reid. Matud pa ni Jasmine nga giidolo niya si James tungod kay pareho sila nga naggikan sa Australia nga adunay kaliwat sa Pilipinas ug adunay kini daghan nga talent mao nga malambuon ang showbiz career niini.

Reaksyon sa pagtandi

Mihatag og reaksyon si Ejay Falcon kabahin sa pagkatandi sa ‘Ang Probinsiyano’ ngadto sa iyang gibidahan nga ‘Sandugo’. “Actually, nakakataba ng puso na ma-compare kami don sa Ang Probinsyano kasi napakahuhusay ng mga artista don at saka dekalidad yung project na yon. Para maikumpara kami sa kanila, eh, sobrang ganda rin siguro ng show namin at na-appreciate nila yon”, padayag pa ni Ejay.

Us again

Magkapares na sab pagbalik sila si RK Bagatsing ug Jane Oineza alang sa bag-o nga proyekto nga nag-ulohan og ‘Us Again’ nga ubos sa direksyon ni Joy Aquino. Ulahi nga nagkauban ang duha sa serye nga ‘Araw Gabi’ sa Kapamilya network.

Giuna ang kaugalingon

Miesplikar si Tony Labrusca kun nganong hangtud karon wala pa siya’y girlfriend. Matud pa niya nga mas giuna pa niya og higugma ang iyang kaugalingon sa pagkakaron. “Know and love yourself first before you love anybody else. And you know, ang hirap kasi sa industriya natin na I don’t think umabot pa ako sa point na mahal na mahal ko talaga ang sarili ko”, suma pa ni Tony.

Mga gwapa ang tirada

Gitug-an ni Ruru Madrid nga gipangulitawohan niya ang mga maanyag nga mga artista nga iyang makatrabaho kaniadto. Matud pa niya nga ipadayag gyud dayon niya ang iyang gibati ngadto sa iyang maibgan ug hagdon kini niya og date. Giangkon sab niya nga wala gyu’y nisakay kaniya sa iyang tripping.

Wala gihapon wala mangigi

Wala mangigi si Boobay sa kalampusan nga naangkon karon ni Super Tekla nga aduna nay  launching movie nga ‘Kiko en Lala’.  Manag-uban sa usa ka show sila Boobay ug Super Tekla sa GMA nga The Boobay and Tekla Show (TBATS), ug matud pa niya nga suportado niya si Super Tekla sa mga kasikas  niini sa showbiz.