Shayne ug Kim, ang Ultimate Survivor

CEBU, Philippines —  Sila si Shayne Sava ug Kim de Leon ang   Ultimate Survivors sa StarStruck 7 ug  ang  final judgment nahitabo niadtong Sabado didto sa  Studio 7 sa GMA Network Center .

Ang mananaog  nakadawat og  tagsa-tagsa nga  P1 million,  GMA-7 management contract nga mobalor og P5 million, ug  “house and lot”.

Napili ang mananaog pinaagi sa kombinasyon sa percentage rating sa finalist, 50% gikan sa  council, ug laing 50% gikan sa  public votes.

Ang mga hurado sa bag-ong season StarStruck  naglangkob nila ni  Heart Evangelista, Jose Manalo, ug  Cherie Gil .

Reaksyon ni Kath

Maglisod og explain si  Kathryn Bernardo sa iyang gibati nga siya ang aktres nga nakaangkon og duha ka pelikula nga adunay labing dako nga kita sa takilya nga naglangkob sa  gibidahan niya  nga ‘The Hows of Us’ ug ‘Hello, Love, Goodbye’. “ Ang hirap i-explain sa isang salita lahat ng nararamdaman ko kasi kahit ngayon minsan naiisip ko nangyayari ba talaga ‘to? I am just very thankful na lahat ng pagmamahal namin sa pelikula”, padayag pa ni Kath.

Aksyon og Kakulba

Grabe ang kulba nga gibati ni Kim Molina sa dihang gilusad ang iyang labing una nga pelikula nga nag-ulohan og ‘Jowable’. Matud pa niya nga nakasuway na siya nga mahimong bida apan aduna siya’y kauban pinaagi sa  pelikula niya kaniadto nga Camp Sawi. Dugang pa niya nga lahi lang gyud og nakapokus tanang camera ug mga tawo sa iyaha .

Grasya sa langit

Grasya sa langit gyud alang kang Claudine Barretto ang bag-ong sakop sa ilang pamilya nga si baby Noah Joaquin. Matud pa ni Claudine nga karon nga mi-adopt siya og bata maingon nga mas kanunay nga makapundok ang iyang mga anak aron nga bantayan si Noah.

Nahagit sa Eksena

Nahagit gyud si Jessy Mendiola sa bikini scene sa bag-ong action-drama film nga ‘Mga Mata sa Dilim’. Matud pa ni Jessy nga tumang pagpangandam gyud ang iyang gibuhat aron maperpekto ang  iyang paglugwa sa matag eksena ilabi na sa bikini scene.

Naka-move on na

Nakamove on na si Ryza Cenon sa iyang kanhi hinigugma  nga si Cholo Barretto. Malipayon si Ryza nga dili na gyud masakitan sa paghuna-huna sa ilang  kagahapon. Gani, malipayon sab siya sa nitumaw nga tsika  nga nagkasinabtanay na sila si  Cholo ug Angelica Panganiban.

Walay gasto

Wala kaayo mogasto si Isabelle Daza sa ABS-CBN Ball 2019 gumikan kay gisul-ob niya ang bughaw nga terno nga una nga gisul-ob sa iyang inahan nga si Gloria Diaz sa Miss Universe 1994. Haom  ra usab ni Isabelle ang maong gown ug mao lang gyud kini ang iyang girampa hangtud nga nahuman ang maong party

Nanguyab ni Maymay

Gitug-an ni Edward Barber nga nidiskarte na siya sa iyang onscreen partner nga si Maymay Entrata. Matud pa ni Edward nga gihuwat na lamang niya ang panahon nga sugton siya ni Maymay.