Mobalik sa mga mentors

CEBU, Philippines — Mobalik si Miss Universe-Philippines 2019 Gazini Ganados sa iyang mga mentors sa Kagandahang Flores aron nga matabangan siya kun unsa ang angayan niya nga pangandaman. Matud pa ni Gazini nga hinayhinay siya nga nangandam alang sa Miss Universe pageant.

Giharanahan si Francine

Malampuson gyud si Kyle Echarri nga makauban niya si Francine Diaz sa ABS-CBN Ball 2019. Giharanahan niya si Francine aron nga mosugot gyud kini. Ang duha mao ang hit tandem karon nga bida sa ‘Kadenang Ginto’.

Wala pay panahon

Walay panahon sa pagkakaron si Jaclyn Jose nga magbantay sa iyang apo nga si Baby Lilo nga ikaduhang anak ni Andi Eigenmann. Busy karon si Jaclyn sa iyang trabaho mao nga dili pa siya kahigayon og bantay sa iyang apo. Bag-o lang gi-operahan si Andi human nanganak ug dili pa kini mahimo nga makabiyahe kanunay sa Siargao busa atua lang kini sa Siargao.

Balay ni Ai Ai, gikawatan

Gikawatan si Ai Ai Delas Alas nahitabo kini samtang nangatulog sila. Udto na nabatyagan nila ang maong insidente sa dihang nagpangita na sila sa iyang bag. Nakit-an kini nila sa daplin nga bahin sa dalan dapit sa ilang subdivision. Mapasalamaton si Ai Ai nga luwas ang ilang kinabuhi ni Gerald Sibayan bisan nahitabo ang maong insidente.

Potential girlfriend

Aduna nay nakit-an si Alden Richards nga mahimo niya nga potential girlfriend. Wala pa hinganli sa aktor kun kinsa kini. Dugang pa niya nga mao na kini ang tukmang panahon nga kinahanglan na sab niya tutukan ang iyang personal nga kinabuhi ug ang iyang lovelife.

Tambag ni AC

Adunay tambag si AC Bonifacio sa mga aspiring dancers. “You have to tell yourself not to give up because you’ve worked so hard and this is what you want to do, that’s when you realize that it’s everything. You got to take your time, you got to make sure that what you’re doing is your passion”, mensahe gikan ni AC.

Video editor na

Gawas nga usa aktor, usa sa pangita karon ni Sam Milby mao ang pag-edit og mga video. Matud pa niya nga wala kini niya giplano. Nagsugod kini sa dihang nagshoot sila sa music video sa kanta ni Moira dela Torre nga ‘Malaya’. Aduna siya’y nindot nga computer mao nga gigamit lang gyud kini niya aron mapuslan.

Kid Alpha One

Mosagubang na sa usa ka action film si Sue Ramirez. Dream come true alang kang Sue ang malakip sa action film. Mag-ulohan kini og ‘Kid Alpha One’.

Kinamanghuran nga anak

Gipailaila na ni Claudine Barretto sa publiko ang iyang kinamanghuran nga si Noah Joaquin. Upat na karon ang anak ni Claudine nga mao sila si Sabina, Quia, Santino ug lakip na si Noah. Si Noah ang ikatulo nga gisagop sa aktres. Matud pa ni Claudine nga ang iyang mga anak ang namugos nga aduna pa silay manghud nga lalaki.

Magtukod og balay puhon

Nagmalaumon karon si Kathryn Bernardo nga makapatukod og balay alang sa iyang inahan nga si Mommy Min nga kanunay nga anaa sa iyang kiliran bisan og anaa siya sa trabaho. Gi-post na sab ni Mommy Min sa iyang Instagram ang yuta nga napalit ni Kathryn.