Limitado una ang proyekto

CEBU, Philippines – Hanap gyud ang posibilidad nga si Marian Rivera ang leading lady ni Dingdong Dantes sa ‘Descendants of the Sun’. Matud pa ni Marian nga gilimitahan niya ang iyang kaugalingon nga modawat og mga proyekto tungod kay duha na ang iyang giatiman nga mga anak.

Nakatabang ang trabaho

Gisaysay ni Arci Muñoz nga nakatabang ang iyang trabaho isip artista nga dili makahinumdom sa kasakit nga iyang gibati karon nga buwag na siya sa iyang boyfriend nga si Anthony Ng. Gibutyag ni Arci nga taud-taud na sila nagbuwag niini samtang gihimo pa ang pelikula nila nga ‘Open’ kun diin kauban niya si JC Santos.

Salig sa mga anak

Dili manginlabot si Sylvia Sanchez sa dagan sa lovelife sa iyang mga anak nga sila si Arjo ug Ria Atayde. Matud pa niya nga dako ang iyang pagsalig sa iyang mga anak nga anaa na sila  sa husto nga pangidaron nga makabaton na og kaugalingon nga desisyon.

Gusto mosikat ang kanta

Sa kamalampuson sa karera karon ni Ai Ai Delas Alas, nagmalaumon gihapon siya nga aduna siya’y kanta nga mosikat. “Kasi talaga, hanggang ngayon wala pa akong sumisikat na kanta. Wala talaga. Wala talaga, kahit anong gawin ko, kinolab ko na nga ang Ex B, walang nangyari”, suma pa ni Ai Ai.

gusto mahimong scream queen

Idolo ni Beauty Gonzales si Kris Aquino mao nga gusto sab niya nga mahimo sab nga ‘Scream Queen’. Matud pa ni Beauty nga dugay ra siya naghandum nga makabaton og horror film gumikan kay paborito kaayo niya ang ingon niini nga salida. Siya ang bida sa iWant series nga ‘Abondoned’ ug karong umaabot nga Halloween, aduna na sab siya’y umaabot nga horror film. “Iniidolo ko si Miss Kris, so baka ako naman ang the second scream queen”, suma pa ni Beauty.

Dili na iyang  panahon

Mapasalamaton si Ahron Villena nga duna gihapon siya’y nadawat nga proyekto karon. Kapin 15 ka tuig na si Ahron sa industriya. Karon andam gihapon siya nga modawat bisan og dili na siya bida sa mga proyekto nga matanyag kaniya gumikan kay giangkon niya nga dili na iyang panahon.

Kontrabida gyud

Kumpirmado na nga si Dimples Romana ang kontrabida sa pelikula nila ni Vice Ganda ug Anne Curtis nga gikatakda nga mogawas karong  Metro Manila  Film Festival. Gisaysay ni Dimples nga daghang pakalog ang iyang mga linya isip kontrabida.

Mika, nagpahungaw

Dili gyud magpatandog si Mika Dela Cruz bisan og daghan ang nag-ampo nga magbuwag sila ni Nash Aguas. Sa iyang social media account, gipahungaw niya ang iyang kasubo sa maong isyu. “Di ko maintindihan bakit natin winiwish ang kalungkutan at kasiraan sa kapwa natin :) di ko gets bakit may mga taong hinihiling na may relasyong masira para lang sa sarili nilang selfish reasons”, suma pa ni Mika.

Di na modawat

Dili na modawat og mga sexy role si Rosanna Roces. Matud pa niya nga nahimo na niya tanan nga matang sa paghubo sa mga proyekto ug husto na kadto nga kasinatian aron nga mohunong na sa maong buhat. Usa si Rosanna sa mga ilado nga mga star niadtong 90s.

Si Furne one ang designer

Ang nabantog nga fashion designer nga si Furne One ang mogama sa sul-ubon nga gown ni Maymay Entrata sa umaabot nga ABS-CBN Ball 2019. Si Furne mao sab ang usa sa nagpausab sa kinabuhi ni Maymay sa dihang siya ang mikuha niini nga himuon nga muse ang Kapamilya star sa iyang mga ginama atol sa Arab Fashion Week sa nilabay nga tuig.