Sugbuanon, ang labing una nga Bidaman Preciosa Bacalso

CEBU, Philippines — Ang pambato sa Sugbo nga si Jin Macapagal  maoy nanghawod didto sa kauluhan sa dihang CEBU, Philippines — natuboy siya nga  labing una nga Bidaman nga usa  ka  segment sa noontime show nga 'It's Showtime'.

Gipabilib  ni Jin ang madlang people sa iyang kamaayo sa pag-arte  niadtong Sabado.

Total package na sab ang 24 anyos nga Sugbuanon gumikan kay dili lang kini maayo moarte apan mohataw usab kini og sayaw ug kamao  kini mokanta nga nasaksihan na sa kadaghanan human kini  niapil  kaniadto sa Pinoy Boyband Superstar niadtong 2016.

Napanglantawan sa iyang fans nga  dunay dakong    puruhan nga mahatagan si Jin og  big break sa  Kapamilya network .

Nadawat ni Jin ang mga ganti nga management contract, sakyanan, condo ug P1M . -Preciosa L. Bacalso

Emotional victory party

Dili gyud malikayan  sa  12 anyos nga beauty queen nga si Kasley Malaika T. Libres  nga mahimong emosyonal kun maghisgot sa iyang mga kaagi sa pagsalmot niya og  indigay..

Si Kasley mao ang nakoronahang First Runner sa Little Miss Universe nga nahitabo didto sa Tbilisi, Georgia karong tuiga.

Gipadayag ni Kasley atol sa iyang victory party  nga dili maingon nga sayon ang iyang kasinatian sa maong kompetisyon nga nidagan  og usa ka semana sa laing nasud.

Gisaysay ni Kasley nga nagkuwang gyud siya sa tulog ug madugay siya sa pagkaon tungod sa kadaghang gimbuhaton.

Bisan pa man niini, nanginguha gyud siya ug ang iyang kampo nga dili moatras ug magpadayon sa kompetisyon.

Usa sa nakapadasig si Kasley sa kompetisyon mao ang nakahimamat siya og mga bag-ong mga higala.

Natapos niya ang kompetisyon isip first runner up ug naangkon sab niya ang awards nga 'Model of the World' ug 'Best in Talent'.

Alang kang Kasley nga dakong garbo na kini nga iyang  nadalit sa  iyang nasud tungod kay dili tanan nga mga nangandoy nga mahimong beauty queen ang nahatagan og kahigayunan nga makapaso sa internasyonal nga entablado.

Sa iyang mensahe atol sa iyang thanksgiving party , naghilak siya samtang nagpasalamat sa  tanan nga nipaluyo kaniya ilabi na sa iyang ginikanan,Cebu Entertainment Group,  mga kabanay, KF Family , nangulo sa Vee Models, Glamour Productions, Universal Productions ug sa tanan niya nga prayer warriors.

Sa pagkakaron, dili pa una moahat og salmot si Kasley og laing indigay. Tutukan sa niya ang iyang pagtuon sa Maria Montessori International School.