Lee Seung gi mobisita sa nasud

CEBU, Philippines — Ang South Korean superstar nga si  Lee Seung Gi mao na ang sunod nga mobisita dinhi sa nasud.

Ang 32 anyos nga Korean star  mopahigayon sa iyang labing una nga meet-and-greet sa iyang fans karong Oktubre 12, 2019 sa kauluhan.

Mahimo kini nga kabahin sa iyang Asia fan meet tour nga Vagabond Voyage nga mahitabo sab sa Singapore, Malaysia ug Thailand.

Ang Korean entertainment and events company nga Applewood maoy mianunsyo  niadtong Agosto 8, pinaagi sa ilang social media accounts.

Si Lee Seung Gi mao ang mibida sa ‘Shining Inheritance’, ‘The King 2 Hearts’, ‘My Girlfriend is a Gumiho’, ug ‘Hwayugi: A Korean Odysey’.

Kasamtangang busy karon ang aktor alang sa ilang umaabot nga serye nga Vagabond kun diin makauban niya si Bae Suzy.

Tonight: Grandest Queen Edition

Magmaya na sab ang hugpong sa mga transwomen gumikan kay masayran na karong gabii  ang sunod nga makoronahan isip Queen Philippines 2019.

Ang konsepto sa maong kompetisyon nagikan sa ideya sa Sugbuanong fashion designer nga si Wendell Quisido.

Nagsugod kini sa konsepto nga gamay nga pasundayag nga sarang makita sa kadalanan alang sa mga transwomen apan tungod kay dili lang basta-basta ang mga sakop sa maong hugpong ug aron mapalambo sab ilang pagkatawo ug mahatagan og importansya sa komunidad, gimugna ang labing una nga Queen of Cebu nga misikad niadtong 2009.

Ang master couturier nga si Cary Santiago mao ang nangulo sa tanan sulod sa pipila ka mga katuigan sukad kini namugna.

Gisaysay ni Santiago nga nahimo kini nga kontrobersyal sa makadiyot apan tungod sa mga tawo nga nagpaluyo kaniya, naduso gihapon kini nga mapadayon.

“If I will not do this, the rest of the queens, the previous ones said that ‘Mother, you’re the only one who can do this for us”, suma pa ni Santiago.

Mao nga nagpadayon kini hangtud karon. Apan dili lang kini alang sa mga Sugbuanon-bukas na kini alang sa mga naggikan sa nagkadaiyang dapit sa nasud.

“I have never thought we would come this far. Well eventually like we’ll become for what we are fighting for equality. Still it’s not really equal because it’s really difficult na mag-transgender pageant. I want to give you the best pageant. We have proven to them that this is a show. Like, this is not what is used to be. In this way, you ladies have become parallel to the natural-born women”, pagpabuhagay pa sa gibati ni Santiago.

Ang 35 ka mga kandidata nagkahiusa atol sa gipahigayon nga Welcome Dinner nga gipanguluhan sa Cebu City first lady nga si Joy Labella didto sa Circa 1900 sa miaging semana.

Dili masukod ang kalipay ni Santiago sa pagkapundok sab sa mga nakoronahan kinsa mitabok pa gikan sa laing isla bisan pa man naglain ang dagan sa panahon aron lang makasalmot sa espesyal nga panihapon.

Mas espesyal ang maong gabii gumikan kay gianunsyo na sab pagbalik nga si Jude Bacalso mao ang mahimong host sa maong indigay.

Unom ka tuig nga wala nahimong host si Bacalso tungod sa iyang kasikas sa kinabuhi kun diin daghang oportunidad nga miabot kaniya.

Ang iyang pagmahal sa maong kalihukan ang tinubdan sa iyang pagbalik.

Paniguro ni Santiago nga mao kini ang labing engrande ug mabulukon nga kalihukan nga mahitabo sa Waterfront Cebu City Hotel and Casino.

“We will promise you that we’ll make it big. This is the grandest so far of all the edition”, saad pa ni Santiago.

Mahimong kabahin sa pasundayag isip hurado ang duha ka mga giatangan nga artista sa telebisyon matag hapon nga sila si Beauty Gonzales ug Dimples Romana kinsa mga bituon sa Kapamilya serye nga ‘Kadenang Ginto’.

Makauban sa duha isip hurado ang mga respetado ug ilado nga mga pangalan sa nasud sama ni Bea Zobel. Si Zobel ang maoy molingkod isip Chairman of the Board of Judges.

Gawas sa mga hurado tambungan ang dakong kalihukan sa mga miaging rayna nga all out support alang niini.

Ang katapusang  nakoronahan isip Queen Philippines-Universe 2017 nga si Samantha Dodson mao ang mopasa sa iyang trono karon.

Gawas sa Queen Philippines-Universe, laing upat ka mga mananaog ang gipangita mao ang Queen Philippines-International, Queen Philippines-World, Queen Philippines-Earth ug Queen Philippines-Tourism.

Samantha Lo migahot

Nihatag na sa iyang reaksyon ang Sugbuanon nga  Miss Grand Philippines 2019 nga si Samantha Ashley Lo kalabot sa pagtawag  og “fat”  ni  Miss Grand Thailand 2019 Coco Arayha Suparurk ngadto  Miss Universe 2018 Catriona Gray, as “fat.”

Sa  interview niini sa  Philstar.com, nilenggua si Samantha og,  “We should never body-shame… we should be mindful of what to say because karma will come back and bite you.”

Gitataw hinuon ni Samantha nga wala siya’y kalagot kang Coco.

Kahinumdoman nga gi-bash og maayo si Coco human niya giyaga-yagaan si Catriona.  Wala kaantos si Coco ug iyang  gikiha ang mga tawong niatake kaniya.

Angel milugwa sa Kadenang Ginto

Dali gyud nabatyagan sa  netizens ang paglugwa ni Angel Locsin sa serye nga ‘Kadenang Ginto’ niadtong Huwebes sa hapon. Nagbitbit og buwak si Angel didto sa lawak nga gihimutangan ni Dimples Romana (Daniela Mondragon). Sa maong eksena,  nakabisita siya og dili mao nga pasyente. Kahinumduman nga sa miaging buwan, si Bea Alonzo sab ang milugwa sa maong serye.  Susama nga nibisita ang duha sa ilang higala nga si Dimples.

Nausab na

Gipadayag ni Rufa Mae Quinto nga nahuman na siya og kabalaka  kabahin sa iyang showbiz career gumikan kay kahibalo na siya molugar kun asa siya mas haom. “Dati lagi akong nagwo-worry nung bagets-bagets pa ako kahit wala namang dapat ika-worry. Laging gusto ko may ginagawa, eh, may movie, may ano. Pero dumating na ako sa point na hindi kailangang pilitin kung hindi talaga para sa ‘yo. Kaya di ba, producer din ako. Kasi parang pag na-iinip ako, okey another project, tuluy-tuloy lang”, suma pa ni Rufa.

Silver play button awardee

Usa na ka Silver Play Button Awardee si  Dimples Romana human  nakaangkon og kapin sa  100,000 subscribers sa Youtube  sulod lang sa usa ka semana. Plano ni Dimples nga mag-post pa og mga vlog aron mahimoot pag-ayo kaniya ang iyang fans. 

Tsismis ra

Gitataw ni KC Concepcion ang isyu nga matud pa nga nakasuway na siya og namabdos. “That rumor has been going around since my college years FOR NO REASON. I have NEVER BEEN PREGNANT in my life. In fact, HOW I WISH I COULD BE!”, suma pa ni KC.

Dunay sequel

Gipaambit  ni Arjo Atayde sa iyang Instagram account nga adunay mahitabo nga sequel sa iyang action Dreamscape Digital series nga ‘Bagman’. Ang season two sa maong serye adunay ipuno nga mga cast. Sila si Carlo Aquino, Rosanna Roces, Mon Confiado, ug Romnick Sarmenta ang madungag niini.

Nagpa-relax sa davao

Nibakasyon sa Davao ang  Kapuso aktres nga si Lovi Poe. Mas nahimo nga mahinungdanon ang maong pagbakasyon gumikan kay kauban niini ang rumored boyfriend nga si Montgomery Blencowe. Wala pa nikumpirmar  si Lovi sa ilang estado  apan karon malipayon siya nga kauban kini niya sa iyang pagbakasyon.

Bagong tandem

Anaa sa tukmang oras ang pagama sa tandem nila ni Joshua Garcia ug Janella Salvador sa ‘The Killer Bride”. Malipayon si Joshua nga makatabang og dako ang ilang tandem aron makabarog na sila sa ilang kaugalingon gikan sa ilang tagsa-tagsa ka mga loveteam kaniadto nga ‘JoshLia’ ug ‘ElNella’.

Meant to stay

Gibutyag ni Shaina Magdayao kun nganong nagpabilin siya sa Kapamilya network ug nagpadayon siya og trabaho bisan pa man og aduna na siya’y gipamati karon. “There are things na if you’re meant to stay, you’re really meant to stay. It’s beyond me. It’s not really me [who is] the deciding factor. And I consciously wanted to rest and just do konting mga something light projects”, suma pa ni Shaina.

Na-touch sa video

Na-touch gyud si Gary V. sa throwback video nga gi-post sa iyang anak nga si Gab Valenciano. Ang maong video nagsilbi kini nga tipik sa mensahe ni Gab alang sa adlaw’ng natawhan sa iyang amahan. Sa video, tataw nga nagsayaw si Gab kauban ang iyang amahan sa studio sa ilang attic. Mihatag og komento si Gary sa maong video. “I miss those days, son. I love you so much, son. Thank you for reminding me about these precious moments back in the day”, padayag ni Gary.

Tindero

Bisan og huot ug daghang tawo, gisugdan na ni Alden Richards ang iyang mga pagabuhaton nga eksena sa ilang umaabot nga soap opera. Mag-ulohan kini og ‘The Gift’. Usa ka tindero sa Divisoria ang mahimong role ni Alden niini.