Andi nanganak ka

CEBU, Philippines – Gihimugso na ni Andi Eigenmann ang ikaduha niya nga anak ug gipahibalo kini sa aktres pinaagi sa iyang Instagram Story.

Makita sa hulagway nga nagkugos sa bag-ong natawo nga bata ang boyfriend  ni Andi nga si Philmar Alipayon.

Kahinumdoman nga gianunsyo nila ni  Andi ug Philmar  niadtong Pebrero nga duna silay umaabot nga liwat.

Matteo, bag-ong Pedro Penduko

Nitumaw ang report nga matud pa si Matteo Guidicelli maoy modala  sa  iconic Pinoy hero nga Pedro Penduko.

Kahinumdoman nga si James Reid unta ang bida sa maong proyekto apan niatras kini gumikan sa kakulian sa lawas.

Nanghinaot ang fans ni Matteo nga malakip unta ang  iyang uyab nga si Sarah Geronimo sa maong proyekto nga matud pa angayan modala sa role nga Maria Makiling nga dalhon unta ni Nadine Lustre kaniadto sa wala pa  niatras  si James.

Ulan ug traffic gisagobang

Giantos  gyud sa  mag-uyab nga sila si  Maine Mendoza ug  Arjo Atayde ang kusog nga ulan  ug ang grabe nga traffic  aron lang gyud makaabot sa concert sa LANY niadtong  Miyerkules sa gabii.

Nag-post si Arjo sa Twitter sa mga hulagway nila ni  Maine kun diin duna sila’y tagsa-tagsa nga  motorsiklo  nga giangkasan.

Padulong ang duha sa Mall of Asia Arena, Pasay City alang sa ikaduhang gabii sa concert sa American pop band nga LANY.

 “More and more memories with you babs [heart emoji] one for the books!”,” caption pa ni Arjo sa maong hulagway.

Julia gi-comfort ni Joshua

Nagpadala  og  mensahe si Joshua Garcia alang sa iyang  ex-girlfriend nga si Julia Barretto kinsa nag-atubang karon og init nga isyu.

Pinaagi sa Instagram, gipaambit ni Julia ang screenshot  sa mensahe nga nadawat niya gikan kang Joshua nga naghatag kaniya og kadasig nga maputol ra puhon ang mga pagsulay nga iyang naagian.

"Malalampasan mo yan. I know you, you're the strongest girl na nakilala ko. Takot nga ako sayo eh,” mensahe pa ni Joshua ngado kang Julia.

Bisan wala pa gidetalye ni Joshua ang unod sa  iyang mensahe, nagduda ang netizens nga duna kini kalabotan  sa  isyu nga gisagobang ni Julia kinsa gipasanginlan nga maoy rason sa breakup nila ni Gerald Anderson ug Bea Alonzo.

Pipila usab kang fans ni Joshua ang nidayeg sa aktor gumikan kay nadala pa niini nga mo-comfort kang Julia bisan paman nga usa kini  sa mga nasakitan sa niulbo nga isyu. 

GMA nakadawat og Diamond Creator Award

Naghudyaka ang   GMA Network human nga nakalangkat  og 10 million subscribers sa YouTube ang GMA Entertainment Channel.

Tungod sa maong kalamposan,  ang GMA nakadawat og Diamond Creator Award niadtong  Martes.  Usa kini ka klase nga pasidungog sa YouTube alang sa content creators nga nakaabot og  10 million subscribers.

Nitikang sa  ceremonial turnover sila si GMA Network Chairman and CEO Felipe L. Gozon; President and COO Gilberto R. Duavit, Jr.; Executive Committee Vice Chairman Joel G. Jimenez; Executive Vice President and CFO Felipe S. Yalong; GMA New Media, Inc. (NMI) President and COO Judd Gallares; ug  GMA NMI Senior Vice President and General Manager Dennis Caharian.

Gitunol nila ni YouTube’s Southeast Asia Director of Content Partnerships and Business Development Vishal Sarin, ug Content Partnerships Philippines Country Lead Pablo Mendoza ang Ang  Diamond Play Button   ngadto sa GMA.

“We are very gratified that GMA has reached quite an achievement and it is translated into about four times growth [in watch time] year-on-year so that’s enough reason for us to be really happy. This is the work of many people and they are all here as we receive this Diamond Creator Award,” suma pa ni Gozon.

Pag-check in sa hotel Marjorie mihatag  og katin-awan

Nagpagawas og ebidensya si Marjorie Barretto nga nagpakita nga  wala gyu’y kamatouran ang taho  sekreto  nga  nag-check in sa usa ka hotel  ang anak niya nga si Julia Barretto ug  ang  artista nga na-link niini nga si Gerald Anderson.

Nasayran nga nikatap sa  media ang screenshots gikan sa  Facebook page sa usa ka hotel sa Subic nga matud pa nag-check in sila si Gerald ug Julia.

Duha kini ka  screenshots, lahi-lahi nga thank-you message sa hotel alang sa duha ka artista.

Gitataw ni Marjorie nga dunay shooting niadtong higayona  sila si Julia ug Gerald sa Subic, Olongapo City alang sa  pelikula nila nga Between Maybes.

Dunay  screenshot nga gipakita si  Marjorie nga kuha sa maong resort nga nagpamatoud nga naay shooting sa maong dapit niadtong higayona.

"Let’s stick to the facts. Please swipe suma pa sa IG post ni Marjorie. Matud pa ni Marjorie managlahi ang hotel room sa duha ka mga bida sa nahisgotang pelikula.